1 Tesaloneka 5:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Boꞌ kaam baw ina, siga danganakan ku, yaꞌ na kam awam meꞌ saparati jama bagagap njawom lindom. Sangkon yaꞌ du sina mintu kam kakuratan ni katakka llaw looy meꞌ hantang jama takurat meꞌ sugaru.

1 Tesaloneka 5:4 ပူးပေါင်းရင်းမြစ်များ

Matiyu 10:15

Baan ta kam banahan, pag ina mintu taabut llaw hukuman Tuhan, bohat gi sina mintu mulkaꞌ njataꞌ da man ilooy ma bay katuwaꞌ ni siga jama Sodom ka Gomora.”

Lukas 21:34

“Iyakin kam taggahaꞌ lay na baw kam mintu mmeꞌ meꞌ uwahan sagannap ma maabak jaꞌ meꞌ da maglami-lami sampay maglangohan. Maka ilagan bi man pamiki bi pannoꞌ leꞌ hanggaw ni hāl meꞌ bi llum. Bong ina kam yaꞌ saddiya, takurat na baw sina kam mintu ni llaw katakka ku

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

1 Tesaloneka 5:2

Batan katoonan bi na du, llaw katakka na ina mintu yaꞌ tatunaꞌ. Yana meꞌ katakka sugaru sangom yaꞌ kinatoonan bong sumilan, damikiyan, katakka Papuꞌ meꞌ looy du.

2 Pitel 3:10

Sugaꞌ lantan yaꞌ lantan, mastiꞌ luu jaꞌ sina mintu llaw Papuꞌ pabeleng. Boꞌ kakuratan jaꞌ sina mintu jama ni katakka na meꞌ karuha jama kakuratan meꞌ sugaru. Ni llaw looy ilay mintu, luu gi ngallub boꞌ magti ampud mimon-mimon taꞌ langit sampay lanyap na du langit. Damikiyan gumi pun sampay na mimon-mimon taꞌ babaw junyaꞌ ampud na du sina leꞌ api.

1 Yahiya 2:8

Sugaꞌ kon na tabilang panohoan bahau batan bahau jaꞌ tahati tabi bong oy aseꞌ sabanna. Aseꞌ sabanna ina, lay na takita njataꞌ si Isa. Batnaa pun, takita na du njataꞌ bi batan luu na kam jawom dantaꞌ. Yaꞌ na kam njawom lindom batan ninag na sūꞌ sabanna ningkaam.

Siga Pakaradjaan bay Pinalahil 16:15

Na siga sultan looy siꞌ, lay du takoleꞌ meꞌ siga seytan looy inoyo-oyohan sampay lay na binoo ddas ka ga sundalu da pa lahat inawnan Armageddon ni pallun Hibrani. Pag-anu siꞌ, takale ku na baw suwara Papuꞌ Isa, yuk na, “Indanan bi. Ni katakka ku ina mintu, kakuratan sina manusiyaꞌ meꞌ karuha jama kakuratan meꞌ sugaru. Sugaꞌ njawom supaat sina soysoy ma ngilagan dī na ka saddiya ni katakka ku. Sibuꞌ du sina mintu karuha na ka jama ndang lay na mamakoy, saddiya ni katakka bōs na. Yaꞌ sina ya mintu meꞌ karuha jama kaiyaꞌ-iyaan taabut nantang.”

Siga Pakaradjaan bay Pinalahil 3:3

Kannahun bi na umanat ma bay takale bi sampay bay kinapitsayaan meꞌ bi sibuwa. Daa takupan bi. Maka tawbatan bi na dusa bi. Bong ina kam yaꞌ matiꞌ, malaingkan kakuratan sina kam mintu ni katakka ku ngahukum manusiyaꞌ. Sibuꞌ du sina mintu karuha bi ka jama kakuratan meꞌ sugaru batan yaꞌ katoonan bi bong sumilan katakka ku.