1 Tesaloneka 5:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Luu-luu buwat maat ningkaam, daa subay na pin kam mawos. Gam pin, buwat na pin kam mahap ninsila sampay ni mimon manusiyaꞌ, mmeꞌ, yaꞌ mmeꞌ ni Papuꞌ Isa.

1 Tesaloneka 5:15 ပူးပေါင်းရင်းမြစ်များ

Panagnaan 45:24

Pag-anu siꞌ, lay na palakka si Yusup siga danganakan na sambayan na nugun sila yaꞌ nohoꞌ sasaꞌ-manasaꞌ ni tangngaꞌ lān.

Matiyu 5:39

Sugaꞌ batnaa, ituu jaꞌ meꞌ ku ka kaam: Daa na kam mawos bong jama buwat maat ningkaam. Gam pin bong ya nampa kaam man kawnan, patampahun bi lagi pa kayli.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Salsila siga Rasul 16:28

Kahapan lay ya hinowapan meꞌ si Pol, yuk na, “Daa ko ba mapatoy dī nu. Itu gi du kami ntuu sikamimon.”

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

1 Korin 14:1

Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 16:10

Na bong mintu bay takka pilu si Timuti, hasiyun bi sa paayad supaya yaꞌ luu loman na ningkaam. Iya ilay, meꞌ aku du, magtuyuꞌ maghulas-sangsāꞌ kalnaꞌ Papuꞌ.

1 Korin 6:7

Baan ta kam banahan, bila kam sipalkalaꞌ-palkalaꞌ, tarang-tarang lay na sina kam takoleꞌ meꞌ sasat Ibilis. Sangkon, bong pagkahi bi buwat maat ningkaam atawa ngalupig kaam, pabiyahun bi sadjaꞌ. Gam na kam kuhi llupig.

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

Epesus 5:15

Ilagan bi dī bi mari ayad jaꞌ tangge-tingkōꞌ bi. Daa kam mmeꞌ-mmeꞌ meꞌ uwahan jama dupang, arapun ilooy ya akigun bi jama ma halul-akka.

Epesus 5:33

Sugaꞌ ayat looy ilay tuwaꞌ pa kaam du baw silay ma sitampu. Sangkon kaam, siga kalallahan, pooy-pooy aseꞌ bi ni baran bi, subay meꞌ naa du aseꞌ bi ni nda bi. Kuwan kaam baw, siga karandahan, amay-amay subay kam magmaltabat ni lla bi.

1 Tesaloneka 2:12

Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

1 Timuti 6:11

Sangkon Timuti, meꞌ kau disu lalla pinakoy meꞌ Tuhan, amay-amay palawak ko man kalaatan meꞌ looy. Iya pakutuun meꞌ nu buwat na pin kaintongan, meꞌ nu ngikut arat-tabiat Tuhan, sampay meꞌ nu mangando niiya ka maaseꞌ ni jama. Maka bila ko njawom kabinsanaan, tatasan nu na jaꞌ maka poun na pin lammaꞌ pangatayan nu.

2 Timuti 2:24

Boꞌ inawnan sosohoan Papuꞌ ina, yaꞌ dari sasaꞌ. Subay ya magpahāp ni sikamimon maka pandoy noan jama. Maka subay du tahaꞌ pasensiya na.

Taytus 3:2

Baan nu sila subay sila yaꞌ mitsala soysoy pa kalaatan. Maka daa sila sohoun sasaꞌ-manasaꞌ. Arapun subay lammaꞌ sampay diyoꞌ jaꞌ pangatayan da ni mimon manusiyaꞌ.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:17

Mag-arat kam ni mimon manusiyaꞌ maka maaseꞌ kam ni pagkahi bi ma pitsayaꞌ ni si Isa Almasi. Subay kam tawu pa Tuhan sampay magmaltabat ni panghuluꞌ ni lahat bi.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 22:9

Sugaꞌ yuk na niyaku, “Uy, daa ba. Tuhan jaꞌ sumbahun. Aku bitu ata Tuhan sadjaꞌ meꞌ kau du ka siga danganakan nu sukuꞌ Tuhan. Saliꞌ du kitabi ata Tuhan sadjaꞌ meꞌ karuha kanabi-nabihan ka mimon ma mogbogan isi kitab tuu.”