1 Tesaloneka 5:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na siga danganakan, ni kapasal llaw atawa masa ni katakka Papuꞌ, san situ kami yaꞌ na nuwatan kaam.

1 Tesaloneka 5:1 ပူးပေါင်းရင်းမြစ်များ

Matiyu 24:3

Pag-anu siꞌ, lay na baw patukad ga si Isa pa taꞌ Punu Jaytun. Sasang na ndooy ningkōꞌ, luu na baw pasōng siga mulit na pa mman na sila-sila jaꞌ, maka yuk da, “Bong siꞌ dari, baan doꞌ kami bong sumilan binakbul ilooy ma bay bitsala nu siꞌ. Maka oy lay la mintu siga sipat man jama mindoga tapit na ko pabeleng maka tapit na katapusan junyaꞌ?”

Matiyu 24:36

“Katakka ku ina mintu, yaꞌ kinatoonan meꞌ manusiyaꞌ bong llaw oy atawa lisag dangoy. San ga malaikat ndooy ni sulgaꞌ sampay aku, Anak Tuhan, yaꞌ du toon. Ilooy du toon yana Mmaꞌ ku.

Salsila siga Rasul 1:7

Tampung si Isa, “Isu-isu Mmaꞌ ku nganggantaꞌ bong llaw oy atawa masa sumilan man na majatu garaꞌ na. San yaꞌ na katoonan bi.

2 Korin 9:1

Na ni hāl meꞌ bi mokonan sukuꞌ si Isa tulung, san situ siꞌ yaꞌ na kam bay paintoman ku njawom suwat tuu.

1 Tesaloneka 4:18

Na ni bay bitsala ku ilay siꞌ, inaa na pakoyun bi man bi sipaintom-paintom mari kagamgaman pamiki bi saliꞌ-saliꞌ.

1 Tesaloneka 4:9

Na ni hāl meꞌ bi maasean siga danganakan bi sukuꞌ si Isa, san yaꞌ na patabeꞌ kami ni suwat tuu. Ndang-ndang lay na du kam tinoan meꞌ Tuhan sikaaseꞌ-kaaseꞌ.

Suwat Lakka man si Jūd 1:3

Siga kakasi ku, sibuwa ilay, tud doman ku nuwat ningkaam pasal kasalamatan ma lay na takoleꞌ tabi saliꞌ-saliꞌ. Sugaꞌ bistahan ku gam na ku nuwat nohoꞌ kaam ngandapitan siga tōꞌ ayad ma kinapitsayaan meꞌ tabi. Batan siga tōꞌ naa ina, si Isa mismu bay masampay ni siga sukuꞌ na. Boꞌ saumu na sina yaꞌ na baluba samasakali.