1 Tesaloneka 4:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na ni hāl meꞌ bi maasean siga danganakan bi sukuꞌ si Isa, san yaꞌ na patabeꞌ kami ni suwat tuu. Ndang-ndang lay na du kam tinoan meꞌ Tuhan sikaaseꞌ-kaaseꞌ.

1 Tesaloneka 4:9 ပူးပေါင်းရင်းမြစ်များ

Matiyu 22:39

Ni kaduwa panohoan ma puntukan banahan dak sibuꞌ du, ilooy ma yuk na, ‘Subay kaasean bi pagkahi bi manusiyaꞌ sibuꞌ ka aseꞌ bi ni dī bi.’

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Salsila siga Rasul 4:32

Na mimon ilay siꞌ ma pitsayaꞌ ni si Isa ndooy ni Jerusalem dambuwaꞌ atay ka dambuwaꞌ maksud. Yaꞌ luu ninsila mista altaꞌ da para ni dī da sadjaꞌ. Saliꞌ-saliꞌ sila mahampitan soysoy sila kabus.

Suwat si Pol pa mman Baanan Sukuꞌ si Isa ndooy ni Rom 12:10

Subay kitabi sikaaseꞌ-kaaseꞌ meꞌ kadari jama danganakan. Maka subay kitabi tinagi magmaltabat ni mimon pagkahi tabi sukuꞌ si Isa.

2 Korin 9:1

Na ni hāl meꞌ bi mokonan sukuꞌ si Isa tulung, san situ siꞌ yaꞌ na kam bay paintoman ku njawom suwat tuu.

Pilipi 3:15

Sangkon kaam ma taggu na iman bi, sapatut na dambuwaꞌ pamiki na kam ka aku ni hāl angan-angan tabi. Sugaꞌ bong luu nnaa kasohean yaꞌ numan ni pamiki da bay bitsala ku siꞌ, bbos-bbos pinalahil du sina meꞌ Tuhan kabanahan ningkaam.

1 Tesaloneka 5:1

Na siga danganakan, ni kapasal llaw atawa masa ni katakka Papuꞌ, san situ kami yaꞌ na nuwatan kaam.

Hibrani 10:16

“Ituu tu yana pagsulutan bahau pōꞌ ku ninsila bbos-bbos: Nnaꞌ ku na siga saraꞌ ku njawom atay da maka suwatan ku na du njawom pamiki da.”

Hibrani 13:1

Na meꞌ kaam ina magdanganakan pitsayaꞌ ni si Isa, daa maglumba meꞌ bi sikaaseꞌ-kaaseꞌ.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.

2 Pitel 1:7

Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

1 Yahiya 2:10

Sugaꞌ soysoy maasean pagkahi na, tattap njawom dantaꞌ. Maka yaꞌ luu ni arat-tabiat na man na ndusa.

1 Yahiya 3:11

Na pagka anak Tuhan na kam, yaꞌ dari yaꞌ bean bi panohoan njawom umanat bay takale tabi labba man sibuwa. Panohoan ma awnan ku ilay siꞌ yana subay kitabi sikaaseꞌ-kaaseꞌ.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.

1 Yahiya 4:21

Sangkon na, luu panohoan Almasi ningkitabi meꞌ tuu: Bong ina jama bana-bana maaseꞌ pa Tuhan, subay du ya maasean pagkahi na manusiyaꞌ.