1 Tesaloneka 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Tesaloneka 4:6 ပူးပေါင်းရင်းမြစ်များ

Malkus 10:19

Boꞌ pasal tilaw nu ilay siꞌ, katoonan nu du bina siga panohoan Tuhan, ilooy ma yuk na, ‘Daa ko mapatoy jama, daa ko magjina, daa ko nangkaw, daa ko naksiꞌ bong yaꞌ bana, daa ko ngalupig, maka pag-aratan nu nneꞌ nu ka mmaꞌ nu.’ ”

Lukas 12:5

Arapun ilooy ya subay katawuhan bi yana Tuhan, batan sarī man ngalakkahan umu bi, luu gi kawasa na ngahiyakan kaam pa jawom nalkaꞌ. Sangkon, subay iya kinatawuhan.

Lukas 16:28

Luu gi silay ndooy danganakan ku lima. Sōn doꞌ sila binandaan ni si Lasarus, taggahaꞌ sila pun lay du mintu tumiluꞌ pitu pa jawom kamalasahiyan meꞌ tuu.’

Suwat si Pol pa mman Baanan Sukuꞌ si Isa ndooy ni Rom 1:18

Sugaꞌ njawom umanat mahap, luu du sina tabeꞌ hāl mulkaꞌ Tuhan llabuꞌ man sulgaꞌ pa jataꞌ sagannap ma buwat kalaatan, yana sagannap ma yaꞌ tawu pa Tuhan. Batan sabapan kalaatan da, tumallob na kabanahan pasal Tuhan.

Suwat si Pol pa mman Baanan Sukuꞌ si Isa ndooy ni Rom 12:19

Siga kakasi ku, bong luu buwat maat ningkaam, daa na kam mawos, arapun suhuran bi jaꞌ pa Tuhan. Batan yuk Tuhan njawom kitab, “Aku sa mawos; aku sa nungbasan sagannap ma buwat maat ningkaam.”

Suwat si Pol pa mman Baanan Sukuꞌ si Isa ndooy ni Rom 13:4

Siga pa-mmean parinta ina bilang siga tindog Tuhan para kaayaran ningkitabi. Sangkon bong kam buwat maat, subay kam tawu ninsila. Batan sila ina lay binuwanan meꞌ Tuhan kapatut midjalaꞌ sagannap ma buwat maat.

2 Korin 7:11

Boꞌ kaam ina, sabapan kasusahan bay takissa bi man sabapan bay suwat ku, meka na njawom atay bi lay tahalin meꞌ Tuhan pa kaayaran. Batan sabapan susa atay bi, basag na kam makutuꞌ kaintongan. Maka lay na ga kam dugahan ni dī bi sabapan bay kadarihan bi. Maka lay gi pasōng meꞌ bi tawu pa Tuhan. Sarī gi, lay na kam magtuyuꞌ magpahāp ningkami awla na pa Tuhan. Boꞌ na, lay du kam magti deꞌ-dēꞌ naup bay kasaan bi, batan lay na kam magti midjalaꞌ jama looy ma bay buwat dusa ni baanan bi. Sangkon tumatandaꞌ na yaꞌ na luu susun njataꞌ bi.

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Epesus 4:17

Na ni kapatut bay dean Papuꞌ Isa niyaku, ituu halap ku ningkaam: Amay-amay daa na kam mmeꞌ meꞌ uwahan siga kapil batan yaꞌ sina luu sōng pamiki da.

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

Epesus 5:6

Daa kam kuhi ndupang meꞌ jama ma māꞌ yaꞌ du maat siga kalaatan meꞌ looy siꞌ. Basta mehe baw silay laat na. Batan siga kalaatan meꞌ looy ilay yana poonan man Tuhan mōꞌ mulkaꞌ na ni mimon ma amu-amu nulang kahandak na.

1 Tesaloneka 2:11

Meꞌ kami bay buwat kaam subay ga kami mmaꞌ ngayaran siga anak na.

2 Tesaloneka 1:8

Iya ina mintu duwai ddas ka api noleyab man na midjalaꞌ sagannap ma nuwak Tuhan ka sagannap ma yaꞌ mmeꞌ ni umanat mahap pasal Papuꞌ tabi si Isa.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.

Hibrani 2:6

Boꞌ sikatuwaꞌ du ka suwat njawom kitab, ilooy ma yuk na, “Tuhan, meꞌ noy doꞌ tu hagaꞌ manusiyaꞌ, taggahaꞌ subay na pin kami kinagampangan meꞌ nu? Jayip ku wā kami kinanna meꞌ nu.

Yaꞌkub 2:6

Sugaꞌ kaam ina, gam pin madiyoꞌ siga jama ma miskin, boꞌ siga sawraga angkat bi. Hati, saꞌ ba, siga sawraga na nakkon kaam sampay malkalaꞌ kaam pa saraꞌ?

Yaꞌkub 5:4

Kaam ina, saꞌ ba, yaꞌ san pinōꞌ meꞌ bi gadji sagannap jama ma bay buwat ni tanaꞌ bi, labba man siga ilooy ma ngalabas pa ilooy ma ngattom? Daa kam mista ga yaꞌ takale Tuhan Sangat Kawasa bitsala da magdubduban kaam.