1 Tesaloneka 4:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Subay kam saliꞌ-saliꞌ njawom iman ka ngilagan hāl meꞌ naa. Subay bogbogan tabi kasutsian tabi. Maka daa kitabi buwat oy maka oy na ma kadiyoꞌ ni awon tabi.

1 Tesaloneka 4:4 ပူးပေါင်းရင်းမြစ်များ

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Suwat si Pol pa mman Baanan Sukuꞌ si Isa ndooy ni Rom 1:24

Dari sabapan karupangan da, lay na sila pinabiya meꞌ Tuhan binoo-boo meꞌ napsu da. Pag toklas na, buwat jaꞌ sila jinisan kasabuhan ma kadiyoꞌ ninsila.

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

Suwat si Pol pa mman Baanan Sukuꞌ si Isa ndooy ni Rom 6:19

Na aku ilay siꞌ bay makoy bitsala “ata” ka “papuꞌ” man ku jaꞌ bay ngandalil mari kam yaꞌ kaawran ngahati. Maruhuꞌ, bay jaꞌ kitabi makoy baran tabi buwat kasabuhan ka jinisan kalaatan. Sangkon sibuꞌ du karuha tabi ka bay pinahata meꞌ napsu tabi. Pag toklas na, magsasōng na pin meꞌ tabi bay buwat kalaatan. Sugaꞌ batnaa, paglillaꞌ tabi na baran tabi pa Tuhan bilang siga ata na buwat kaintongan. Pag toklas na, magsasōng na pin kasutsian tabi.

1 Korin 6:15

Yaꞌ kina katoonan bi baran tabi binilang na siga kalangkapan baran Almasi? Sangkon meꞌ baran tabi tu sukuꞌ si Isa na, tud yaꞌ dari tinibuuk ka puta.

1 Korin 7:2

Sugaꞌ pagka meka kajinahan, gam na kalallahan handa. Damikiyan, gam na karandahan halla.

1 Korin 7:9

Sugaꞌ bong baw yaꞌ tasaggaꞌ bi, mahap gi kam handa atawa halla man bi nnaa tiksaꞌ wā naggaan dawom bi.

2 Korin 4:7

Kami itu meꞌ sapantun kibut ma mura jaꞌ passaꞌ bay inisihan altaꞌ hagaan saꞌ alang-alang. Altaꞌ ma awnan ku ilay siꞌ yana ladjikiꞌ ningkami bay kawakilan masaplag umanat mahap. Kami itu bay peneꞌ Tuhan san yaꞌ luu kawasa kami supaya oy-oy pabuwat kami, tumatandaꞌ man kawasa na, saꞌ ga lakka man kawasa kami.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.

1 Pitel 3:7

Na bitsala tuu ma pasunuꞌ para ningkaam kalallahan. Subay kam pandoy mogbogan kasalassayan ka nda bi. Maka isbatun bi meꞌ bi nabangan sila batan yaꞌ sibuꞌ anggawtaꞌ da ka lalla. Magmaltabat kam ninsila, batan sibuꞌ-sibuꞌ du kam bay kapusakahan ladjikiꞌ man Tuhan, yana kasampulnaan nyawa saumu-umu. Bong ina yaꞌ mahap meꞌ bi buwat nda bi, malaingkan yaꞌ du kinabbul duwaa bi meꞌ Tuhan.