1 Tesaloneka 4:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Boꞌ ningkitabi itu, luu holat tabi, batan lay na kitabi mindoga ni bay kadarihan si Isa. Lay jaꞌ siꞌ ya matoy, lay du ya llum pabalik. Dari manganna na kitabi, pagka si Isa bay pinakallum meꞌ Tuhan, malaingkan siga sukuꞌ na pun ma lay na matoy, mastiꞌ pinakallum du, boꞌ da binoo meꞌ Tuhan pa mman si Isa.

1 Tesaloneka 4:14 ပူးပေါင်းရင်းမြစ်များ

Panagnaan 49:19

Pag-anu yuk na, “Kau ina Ged, llān sina ko mintu meꞌ baanan mundu, sugaꞌ gam pin ina mintu, sila gi inonse meꞌ nu sampay binonoꞌ.

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Suwat si Pol pa mman Baanan Sukuꞌ si Isa ndooy ni Rom 14:9

Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum.

Suwat si Pol pa mman Baanan Sukuꞌ si Isa ndooy ni Rom 8:11

Dan jinis meꞌ halling, pagka Tuhan bay makallum si Isa, mastiꞌ muwan du ya kasampulnaan nyawa ningkitabi man kawasa Rū na ma patannaꞌ na njawom baran tabi.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

1 Tesaloneka 4:13

Siga danganakan, doman kami mahati ningkaam pasal siga pagkahi tabi sukuꞌ si Isa ma lay na matoy. Kon kami mahati, taggahaꞌ kalanduꞌ na baw kam susa meꞌ karuha siga jama ma saꞌ sukuꞌ si Isa bila sila kapatoyan. Meꞌ sila ilay, kon da susa, batan yaꞌ luu kaayaran hinolat meꞌ da ni ahirat.

1 Tesaloneka 4:17

Pag-anu, boꞌ kitabi ma masi llum haboy-haboy na ka sila inangkat pa jawom tayiꞌ baliyu nampang iya ni antalaan. Dari labba mandooy ilay mintu, dambuwaꞌ na kitabi ka iya saumu-umu.

2 Tesaloneka 2:1

Na siga danganakan, ni kapasal katakka Papuꞌ tabi si Isa Almasi ina maka ni hāl meꞌ tabi kumpo-kumpo nampang iya, meꞌ tuu silay mintu karuha na:

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 14:13

Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”