1 Tesaloneka 4:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Dari bong siꞌ tu bean bi jaꞌ palbiatan tuu siꞌ, yaꞌ luu meꞌ bi diyoꞌ ni mata jama ma yaꞌ pitsayaꞌ ni si Isa. Maka san kam yaꞌ na ngaholat binalanjaan meꞌ jama.

1 Tesaloneka 4:12 ပူးပေါင်းရင်းမြစ်များ

Malkus 4:11

Yuk si Isa ninsila, “Ohoꞌ, baan ta sa kam, batan ndang bay sina sinukuꞌ ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngandalil jaꞌ ku man ku noan sila.

Suwat si Pol pa mman Baanan Sukuꞌ si Isa ndooy ni Rom 12:17

Bong jama buwat maat ningkaam, daa tungbasan bi ka maat. Maka mōꞌ kam kawul-piil ma yaꞌ tasahawi leꞌ jama.

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Kolossa 4:5

Na bila kam maglaw-lamud ka jama ma yaꞌ pitsayaꞌ ni Papuꞌ Isa, amay-amay buwat kam suntuan ayad. Bong luu dapat bi, pahampitan bi sila kabanahan pasal si Isa Almasi padpad luu gi waktu.

1 Tesaloneka 5:22

Maka ilagan bi na mimon kalaatan.

1 Timuti 3:7

Maka soysoy magpa-mmean, subay du mahap kawul-piil na sampay ni bandingan jama ma saꞌ sukuꞌ Papuꞌ Isa. Meꞌ naa ina, yaꞌ na luu man na tabitsala pa kalaatan sampay yaꞌ na luu lawang man na tadallot leꞌ Ibilis.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 3:1

Na kuwan kaam karandahan, subay kam maglillaꞌ ni lla bi. Meꞌ naa ina, san sawpama lla bi nuwak umanat mahap pasal si Isa, balangkali taboo bi na sila pitsayaꞌ sabapan hāp arat-tabiat bi. Minsan ina kam yaꞌ na mitsalahan sila, kawu-kawu pitsayaꞌ na du sila ni si Isa