1 Tesaloneka 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Sarī man naa, pagbuli-bulihan bi mogbogan kasalassayan ka pagkahi bi manusiyaꞌ. Daa kam hangat nganjagahan kaadaan jama. Maka meꞌ bay tugun kami na maruhuꞌ, subay kam ngusahān dī bi sikamimon.

1 Tesaloneka 4:11 ပူးပေါင်းရင်းမြစ်များ

Malkus 13:34

Subay kam meꞌ karuha siga ata wā saddiya ni katakka papuꞌ da ma bay lome. Yaꞌ gi bay patuwak papuꞌ da, lay doꞌ ya ngahalap lumaꞌ na ninsila, boꞌ lay gi sila sinukuan saliꞌ-saliꞌ ka pabuwatan da. Kuwan ilooy ma tukang jaga lawang, lay tugun na nohoꞌ iyakin.

Salsila siga Rasul 18:3

Dari pagka saliꞌ du sila tukang buwat lumaꞌ luna, lay na si Pol tamban ni lumaꞌ da sampay lay na ya mmeꞌ buwat ndooy.

Salsila siga Rasul 20:35

Kon ku ilay bay makitahan kaam suntuan meꞌ looy supaya tabista bi ndang subay kitabi magtuyuꞌ buwat. Meꞌ looy ilay, luu na dapat bi nabang sagannap ma miskin atawa yaꞌ kagaos buwat. Intomun bi bay halling Papuꞌ Isa mismu, yuk na, ‘Mas mehe kagakan jama ma muwan man ilooy ma nambut.’ ”

Suwat si Pol pa mman Baanan Sukuꞌ si Isa ndooy ni Rom 12:11

Ni kapasal meꞌ tabi maghulas-sangsāꞌ kalnaꞌ Papuꞌ Isa, daa kitabi hūk. Gam pin pupusan tabi lagi basag tabi.

Suwat si Pol pa mman Baanan Sukuꞌ si Isa ndooy ni Rom 15:20

Man maruhuꞌ lagi ndang lay na situ ku paruhuꞌ masaplag pasal Almasi ni kalahat-lahatan ma yaꞌ gi bay pingkaꞌ kale awon na. Bong siꞌ ibaratan matangge lumaꞌ, ndang yaꞌ ku bay doman matangge lumaꞌ ni tanaꞌ ma ndang luu na tehang bay pinatangge meꞌ jama sarī.

1 Korin 4:12

Kami tu llum, dī kami mismu maghulas-sangsāꞌ. Bila kami sinumpaan meꞌ jama, gam pin pakuhan kami gi sila supaat. Bila kami nilaugan, tinatasan na jaꞌ meꞌ kami.

2 Korin 5:9

Dari sabagay lay na kitabi ngambanan baran tuu atawa niyaꞌ, pakutuꞌ tabi na jaꞌ meꞌ tabi nulut kahandak Almasi.

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

1 Timuti 2:2

Maka subay du pakuhan da duwaa siga sultan ka mimon ma ngantanan kawasa-kapatut marinta supaya yaꞌ luu kalingogan ni siga paglahat tabi, maka supaya sumunsayaꞌ na jaꞌ kitabi ngisbat Tuhan ka buwat kahandak na.

1 Timuti 5:13

Lagiꞌ na, bong ina patabeꞌ bi sila ni listahan, adakala ngahūk na baw sila buwat. Ilooy ilagan ta taggahaꞌ maglanyawan na jaꞌ sila padisu-padisu lumaꞌ ngusiat kahalan jama atawa ngalimut sampay mōꞌ jinisan bitsala ma yaꞌ pataꞌ sinabbut.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

1 Pitel 3:4

Arapun iya pakutuun bi, meꞌ bi malingkat njawom atay bi meꞌ sapantun magpadiyoꞌ sampay pahatu-hatu. Lingkat meꞌ naa ina yaꞌ na kuhi baluba. Boꞌ na, hagaan lagi banahan pa Tuhan.

1 Pitel 4:15

Daa jaꞌ baw kon bi bininsanaꞌ sabap luu maat bay pabuwat bi, meꞌ sapantun bay mapatoy, bay nangkaw atawa bay palamud ni hāl ma yaꞌ luu kabigiꞌ-bigian bi.