1 Tesaloneka 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Jaman kami masi nnaa ni lahat bi, saꞌ ba, ndang bay kam baan kami mastiꞌ song nilaugan jaꞌ kitabi? Pag batnaa, tasayu bi na du, lay na du bana binakbul bay bitsala kami.

1 Tesaloneka 3:4 ပူးပေါင်းရင်းမြစ်များ

Matiyu 24:25

Indanan bi bay bitsala ku siꞌ. Ndang kawalan ta na kam padpad yaꞌ gi taabut masa meꞌ looy.

Salsila siga Rasul 17:1

Lakka ga si Pol man Pilipi, pingkaꞌ sila man jawom siga daira Ampipolis ka Apolloniya sampay lay na sila nakka daira Tesaloneka. Ndooy siꞌ, luu disu langga bangsa Yahudi.

Salsila siga Rasul 17:13

Sugaꞌ pag taaka jaꞌ meꞌ siga Yahudi ni Tesaloneka masaplag na baw si Pol umanat Tuhan pasal Almasi ndooy ni Bereya, lay sila patuhut. Takka jaꞌ siꞌ sila, bbuwatan da moo-moo jama hiluhalaꞌ ngalasuhan ga si Pol.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

1 Tesaloneka 2:14

Siga danganakan, sibuꞌ na du sina kadari bi ka siga baanan pagkahi bi sukuꞌ si Isa ndooy ni Yahudiya. Batan lay na du kam bay nilaugan leꞌ bangsa bi meꞌ bay karuha sila du bay nilaugan leꞌ pagkahi da bangsa Yahudi.

2 Tesaloneka 2:5

Saꞌ ba, jaman ku lagi ni lahat bi, ndang lay na kam bay baan ku siga pakaradjaan meꞌ tuu siꞌ?

2 Tesaloneka 3:10

Saꞌ ba, jaman kami lagi nnaa, ndang bay kam baan kami bong luu pagkahi bi hūk buwat, subay ya yaꞌ pinakan?