1 Tesaloneka 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Dari sangom-llaw na situ tiniggohan meꞌ kami maku duwaa pa Tuhan. Kamura-murahan nduwan na kami meꞌ na sitammu ka kaam pabalik. Batan kainagon kami luu na kami nnaa muwansangan kaam mari magsasōng na pin hallot pangando bi.

1 Tesaloneka 3:10 ပူးပေါင်းရင်းမြစ်များ

Lukas 2:37

Boꞌ yaꞌ na san ya bay llahan pabalik. Iya siꞌ tu mag-umu na umpuꞌ-mpat taun. Sangom-llaw luu na pin ya ndooy ni langga mehe numba Tuhan. Boꞌ daran gi ya puwasa sampay maku duwaa pa Tuhan.

Salsila siga Rasul 26:7

Padahal, aku itu sibuꞌ du ka siga pagkahi ku bangsa Israil pitsayaꞌ ni tukang nalamat looy. Inaa sina ngkon kami saliꞌ-saliꞌ makutuꞌ meꞌ kami numba Tuhan llaw-sangom. Sugaꞌ aku baw tu, pitsayaꞌ ku luu na bay takka tukang nalamat looy, yana si Isa. Maka pitsayaꞌ du ku san ya bay pinapatoy, lay du baw ya pinakallum pabalik. Dari ituu na situ kon ku pinalkalaꞌ meꞌ siga pagkahi ku Yahudi.

2 Korin 1:15

Na pagka ndang tatantu ku gāk kam sitammu ka aku, min duwa na ku bay bagaraꞌ pahās pilu pa mman bi. Sibuwa, niyat ku pahās lān ku pa Masidunya, pag balik ni lān ku pabeleng mandooy. Bong siꞌ ilay bay tabawus, min duwa na kam bay tabuwanan ku supaat. Pag lupus, boꞌ ku tatulung bi lān ku palanja pa Yahudiya.

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

Pilipi 1:25

Sangkon tatantu ku humallom gi situ ku ntuu ni junyaꞌ. Meꞌ looy ilay, katabang na pin ku ningkaam supaya magsasōng na pin kagakan bi ka pangando bi ni Almasi.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Tesaloneka 3:11

Kamura-murahan pinatakka du kami pilu meꞌ Mmaꞌ tabi Tuhan ka Papuꞌ tabi si Isa.

2 Tesaloneka 1:11

Dari wā situ kami makuhan kaam duwaa. Pakuhan kami kam tabang man Tuhan supaya wā nulut ni kahandak na kawul-piil bi. Meꞌ looy ilay, initung na kam meꞌ Tuhan tawop bay lliyun meꞌ na pa jawom pamarinta na. Kamura-murahan man kawasa Tuhan njataꞌ bi, tapajatu bi na mimon kaayaran ma karomanan bi pinabuwat man sabapan pangando bi ni si Isa Almasi.

2 Timuti 1:3

Mehe pagsukuhan ku pa Tuhan ma bay inisbat meꞌ kabboꞌ-bboan ku sampay na aku. Meꞌ aku itu ngisbat Tuhan, sannang na atay ku, batan katoonan ku yaꞌ na luu pabuwat ku ma nulang ni honaꞌ-honaꞌ ku. Magsuku ku pa Tuhan sabapan nu. Sangkon, tuktuk ku maku duwaa pa Tuhan, sangom na ka, llaw na ka, yaꞌ situ lipas meꞌ ku nabbut awon nu.

Pilimun 1:22

Doꞌ ko beꞌ ha, ndang hallian nu na ku bilik ni lumaꞌ bi. Kamura-murahan pinōꞌ na du ku sabapan bi magpamakuhan aku duwaa, boꞌ tabi kapagsitammu na pabalik.

Siga Pakaradjaan bay Pinalahil 4:8

Ga balnyawa looy siꞌ sika-mpat, saliꞌ-saliꞌ luu ka pikpik da nnom lapat meꞌ mata pa jawom pa poan. Bbuwatan da mudji Tuhan sangom-llaw. Yaꞌ luu hognaꞌ da halling, “Sutsiꞌ, sutsiꞌ, sutsiꞌ Tuhan Sangat Kawasa, yana Papuꞌ ma ndang luu na maruhuꞌ-ruhuꞌ ngabut batnaa sampay saumu ni sinōng.”

Siga Pakaradjaan bay Pinalahil 7:15

Sangkon luu na sila ntuu ni awpan paningkoan Tuhan ni sulgaꞌ. Bbuwatan da ina makutuꞌ kahandak Tuhan sangom-llaw njawom langga ntuu ni okoman Tuhan. Dari Tuhan na mismu soheꞌ da dambuwaꞌ sampay iya na ngayaran sila.