1 Tesaloneka 2:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

1 Tesaloneka 2:8 ပူးပေါင်းရင်းမြစ်များ

Lukas 7:2

Ndooy siꞌ, luu disu kapitan sundalu, bangsa Rom, boꞌ luu disu tindog na saki ma kasengan na banahan, agon magkamatoy-matoy na.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 10:1

Siga danganakan, ituu na pin pagdautan ku banahan: kainagon ku, takita ku na ga sibuꞌ pagkahi ku Yahudi salamat man mulkaꞌ Tuhan. Boꞌ inaa na pin sina paku ku pa Tuhan.

Suwat si Pol pa mman Baanan Sukuꞌ si Isa ndooy ni Rom 15:29

Bong ina ku mintu takka na pilu, basta saliꞌ-saliꞌ na sina kitabi koleꞌ kaayaran man sabapan pagkatibuuk tabi ka Almasi.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 2:17

Meꞌ ku ngingat, mimon hulas-sangsāꞌ bi man sabapan pangando bi ni si Isa meꞌ karuha jakat ma bay sinongan meꞌ siga imam pa Tuhan mattoꞌ. Kuwan aku itu, bong sawpama lay na ku mintu pinapatoy sabap meꞌ ku masaplag, meꞌ ku ngingat, lahaꞌ ku tumpa meꞌ karuha tubaꞌ anggul ma bay tinumpahan meꞌ siga imam taꞌ kulban da mattoꞌ. Sugaꞌ san gi oy katuwaꞌ aku, masi du ku gāk maka gāk du ku ningkaam.

Pilipi 2:20

Pataꞌ du baw tu si Timuti sohoꞌ ku pilu sabap ni mimon pagkahi ku, isu-isu iya magbēꞌ pamiki ka aku doman ngayaran kaam.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 1:7

Boꞌ inaa na kabanahan ma bay takoleꞌ bi man si Epapras, disu limbang kami sosohoan Tuhan. Iya itu kakasi kami maka tiggo ya maghulas-sangsāꞌ kalnaꞌ Almasi pa kaayaran ningkaam.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

Pilimun 1:1

Ituu itu aku si Pol njawom pilisu sabap meꞌ ku masaplag umanat pasal si Isa Almasi. Ituu itu suwat kami ka danganakan ta si Timuti pa mman nu Pilimun. Kau ina kakasi kami saltaꞌ na limbang kami maghulas-sangsāꞌ kalnaꞌ Papuꞌ.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

1 Yahiya 3:16

Na man tabi toon bong oy aseꞌ sabanna, mindoga jaꞌ tabi ni si Isa, batan lay na ga ya nongan umu na kalnaꞌ kitabi. Sangkon kitabi pun subay du mangatas nongan umu tabi kalnaꞌ siga pagkahi tabi sukuꞌ si Isa.