1 Tesaloneka 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Kami ilay, tamasa bi na du, san sakayi yaꞌ kami bay pingkaꞌ ngabbu-ngabbu kaam. Maka ilu na Tuhan pakale-kale, yaꞌ du bay luu niyat kami ngulihal altaꞌ bi.

1 Tesaloneka 2:5 ပူးပေါင်းရင်းမြစ်များ

Matiyu 22:16

Dari siꞌ, lay sohoꞌ da kasohean mulit da ka kasohean raayat Gubnul Herod pilay nohoꞌ nual si Isa. Pag takka da, yuk da, “Tuwan Guru, katoonan kami bonto ko maka wā ko noan jama kabanahan pasal kahandak Tuhan. Yaꞌ ko minig jama maka yaꞌ ko loman ni jama san gi pooy langkaw ntan da.

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Salsila siga Rasul 20:33

“Na,” yuk si Pol lagi, “meꞌ kaam ina pa-mmean ni siga sukuꞌ Tuhan, akigun bi jaꞌ ku. Halloman tabi bay samod, yaꞌ ku bay pingkaꞌ magkainagon ni pilak bi, mmas bi atawa pamakoy bi.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

2 Korin 12:17

Doꞌ kam bi, sila ma bay sohoꞌ ku pilu maruhuꞌ, luu kilay bay pabuwat da man ku taawnan bay ngugut kaam?

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

2 Korin 7:2

Siga danganakan, junjung ku na ningkaam, pasallopun bi na ba kami njawom atay bi. Ndang-ndang yaꞌ du kam luu san disu man kami bay kapagdusa atawa pun bay boo kami magsiꞌ. Maka yaꞌ du luu nnaa bay pingkaꞌ kinugut meꞌ kami.

Galatiya 1:20

Bana situ bitsala ku ni suwat tuu. Ilu na Tuhan pakale-kale. Yaꞌ ku pandoy ngandustaꞌ.

1 Tesaloneka 2:10

Labba man Tuhan sampay na kaam, lay na du tasakup bi bay kadarihan kami nnaa. Kaam ina sikamimon ma pitsayaꞌ ni si Isa nnaa, mastiꞌ lay jaꞌ tasakup bi kaintongan ka kasutsian tangge-tingkōꞌ kami. Damikiyan, yaꞌ du bay luu pabuwat kami man kami tasahawi.

1 Timuti 3:3

Subay ya yaꞌ palalango maka subay yaꞌ bangis. Gam pin subay lammaꞌ pangatayan na maka subay ya pandoy ngilagan pagjawapan. Maka subay ya yaꞌ magnapsu mulakab ni sīn.

1 Timuti 3:8

Damikiyan, sagannap ma pineneꞌ binuwat tukang nabang ni siga pa-mmean, subay du hatu. Maka subay sila mmeꞌ ni lapa da. Damikiyan, subay du sila yaꞌ palalango atawa magnapsu mulakab ni sīn.

Taytus 1:7

Tiyap-tiyap pa-mmean ina, meꞌ halling sambat ku na siꞌ, subay yaꞌ luu sutsutan njataꞌ da. Tangge-tingkōꞌ da ndang subay sikatawop ka sila limbang Tuhan ngayaran siga sukuꞌ na. Subay yaꞌ langkaw atay da atawa pasuꞌ kōk da. Maka yaꞌ dari palalango. Subay sila yaꞌ bangis maka subay yaꞌ magnapsu mulakab ni sīn.

1 Pitel 5:2

basta ayaran bi banahan siga sukuꞌ Tuhan ma njawman bi. Ipatun bi sila paayad meꞌ karuha baanan bili-bili inayaran meꞌ tukang ngipat sila. Daa kam magmaksud ngayaran sila supaya meka sīn takoleꞌ bi atawa man sabapan bay jaꞌ kam llogos. Meꞌ bi ngayaran sila, subay man gasad bayaꞌ bi ni kagāk bi saltaꞌ na ni katagi bi nulut kahandak Tuhan.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.

Suwat Lakka man si Jūd 1:11

Tud siya-siya silay sila bbos-bbos batan iya inikut meꞌ da arat-tabiat si Kayin ni awwal jaman. Maka iya inakig meꞌ da arat-tabiat bay jaman si Balaam ma bay nulang kahandak Tuhan ni kamulakab napsu na ni sīn. Maka sibuꞌ du akka da ka Imam Kora ma bay nulang kapatut Nabi Musa mattoꞌ. Sugaꞌ ngagad na sila, meꞌ Imam Kora du sina mintu sila binasa.