1 Tesaloneka 2:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

1 Tesaloneka 2:19 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Yahiya 21:22

Pag tampung si Isa, “Bong ku doman llum na pin ya ngabut sampay ku pabeleng, ongoy subay na pin katoonan nu? Mmeꞌ jaꞌ ko ba niyaku.”

1 Korin 15:23

Sugaꞌ hāl meꞌ tabi pinakallum itu, luu kitabi ka ira tabi. Almasi doꞌ bay duhuꞌ pinakallum, boꞌ pasunuꞌ sukuꞌ na pag takka na.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

1 Tesaloneka 2:20

Intong na, kaam ina sabana-bana poonan kagakan ka kabantugan mehe ningkami.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

1 Tesaloneka 4:15

Batnaa pasampay ku na ningkaam umanat bay pinalahil meꞌ Papuꞌ Isa ningkami pasal katakka na bbos-bbos. Meꞌ tuu situ hantang na: Duwai ya sina mintu man sulgaꞌ sambayan na ngahowapan panohoan. Maka luu gi sina takale suwara disu anakkuraꞌ malaikat ngingan sampay luu du halling tabuliꞌ Tuhan tiniyup. Sugaꞌ kitabi ma masi llum ni masa looy mintu yaꞌ dari paruhuꞌ pilay nampang Papuꞌ Isa. Subay lay na doꞌ mintu duhuꞌ pinakallum siga pagkahi tabi sukuꞌ si Isa ma lay na matoy.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

2 Tesaloneka 1:4

Sangkon bila kami maglaw-lamud ka baanan sukuꞌ Tuhan ni kalahat-lahatan, wā kami nanglitan kaam. Bāꞌ kami ninsila, minsan kam kansang nilaugan atawa pun tumabbaꞌ njawom kamalasahiyan, basta tinatasan na jaꞌ meꞌ bi. Maka yaꞌ na pin kam kuhi patatak pitsayaꞌ ni Papuꞌ Isa.

2 Tesaloneka 1:7

Boꞌ kaam baw ina ma bininsanaꞌ sampay na kami, gam pin binuwanan sina mintu pahaliyan pag taabut katakka Papuꞌ Isa man sulgaꞌ ddas ka siga malaikat na ni kaehe kawasa da.

2 Tesaloneka 2:1

Na siga danganakan, ni kapasal katakka Papuꞌ tabi si Isa Almasi ina maka ni hāl meꞌ tabi kumpo-kumpo nampang iya, meꞌ tuu silay mintu karuha na:

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Yaꞌkub 5:7

Na kuwan kaam siga danganakan, bong hati kam bininsanaꞌ, tatasan bi jaꞌ halloman bi ngagad katakka Papuꞌ. Akigun bi jaꞌ pasensiya siga pahuhuma ngagad buwaꞌ tinanom da. Pus da bay tanom, agad da jaꞌ du uwan sibuwa ngabut sampay katapusan panguwan, boꞌ da ngattom.

Yaꞌkub 5:8

Kaam pun, subay du luu pasensiya bi ngagad. Patagguhun bi iman bi mmeꞌ ni Papuꞌ tanne-pasuꞌ batan tapit na sina katakka na.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

2 Pitel 1:16

Na mimon ilay bay bāꞌ kami ningkaam maruhuꞌ pasal kawasa Papuꞌ tabi si Isa Almasi maka ni bay kalahil na pa junyaꞌ, bana jaꞌ silay labbasakayi. Saꞌ silay ga aka bay jaꞌ pinabuwat-buwat meꞌ jama ma alistu buwat kana-kana. Arapun tud mata kami mismu bay ngita ehe kawasa-kapatut na ma yaꞌ luu sibuꞌ sabanding na.

2 Pitel 3:4

Yuk da ina mintu ningkaam, “Saꞌ ba, Papuꞌ bi bay nganjanjiꞌ pabeleng? Bong mattan, ongoy yaꞌ gi luu? Labba man jaman kabboꞌ-bboan tabi bay matoy ngabut sampay batnaa, masi du sibuꞌ kaadaan lahat. Junyaꞌ tuu yaꞌ bay halin labba man jaman na bay pinapayak.”

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.

Siga Pakaradjaan bay Pinalahil 22:12

Pag-anu, yuk Papuꞌ Isa, “Iyakin kam batan tapit na sina katakka ku. Pag takka ku, tungbasan ku na sina mintu sikamimon manusiyaꞌ magpataꞌ ka bay pabuwatan da.