1 Tesaloneka 2:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Na siga Yahudi ma maat, sila na bay mapatoy kanabi-nabihan maruhuꞌ-ruhuꞌ. Damikiyan, sila na du silay bay mapatoy Papuꞌ Isa. Pag ni timpu batnaa pun, sila na du sina basag ngalaugan kami. Tud yaꞌ sila doman nulut kahandak Tuhan. Boꞌ na, tigiꞌ sila manta mimon manusiyaꞌ.

1 Tesaloneka 2:15 ပူးပေါင်းရင်းမြစ်များ

Matiyu 23:37

Pag-anu, sabap susa atay si Isa ni siga Yahudi ndooy, yuk na, “Ag-agan kam la jama Jerusalem. Bbuwatan bi mapatoy kanabi-nabihan. Maka bila pin luu na pōꞌ siga sosohoan Tuhan, hiyak bi ka batu ngabut sampay matoy. Daran na ku bay doman ngaliyun kaam pa jawom okoman ku meꞌ sapantun induꞌ manuk ngokoman anak na, sugaꞌ yaꞌ du kam kuhi.

Matiyu 27:25

Pag tampung ga jama sikamimon ndooy, “Kami sa bahalaꞌ ni kapatoy na sampay ga anak-mpu kami.”

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Lukas 24:20

Sugaꞌ lay gi ya pina-ntan meꞌ siga imam langkaw ka ga pa-mmean tabi kasohean pa mman gubnul nohoꞌ binotangan hukuman kapatoy. Dari lay na ga ya llansang taꞌ tehang sampay lay na matoy.

Salsila siga Rasul 12:3

Dari pag tasayu Sultan Herod kasulutan du siga Yahudi ni bay pabuwatan na, lay gi sohoꞌ na si Pitel sinungkuban. Ilooy siꞌ bay magkadarihan meꞌ looy sasang paballangan bangsa Yahudi inawnan paballangan Tinapay Yaꞌ Magpasulig.

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

Salsila siga Rasul 4:10

Subay sina tahati bi sampay mimon pagkahi tabi bangsa Israil, lalla tuu ma kapatangge na ni awpan bi batnaa, poonan na bay kaulian, man kawasa-kapatut awon si Isa Almasi, lalla looy man Nasaret. Iya na silay Isa looy ma bay llansang meꞌ bi taꞌ tehang. Sugaꞌ pag patoy na, lay na du ya pinakallum meꞌ Tuhan.

Salsila siga Rasul 5:30

Boꞌ kaam baw tu, gam pin lay gi sohoꞌ bi si Isa pinapatoy llansang taꞌ tehang. Lipara lay du ya pinakallum meꞌ Tuhan kabboꞌ-bboan tabi.

Salsila siga Rasul 7:52

Ni bay jaman da, yaꞌ luu kanabi-nabihan saꞌ bay llaugan meꞌ da. Boꞌ na, sagannap nabi ma bay nunaꞌ pasal katakka Ilooy ma Intong, yana Almasi, lay gi ga papatoy da. Na kaam pun ina, yaꞌ du luu pagtingkahan bi ka sila. Batan pag luu jaꞌ Almasi bay lahil pitu pa junyaꞌ, kaam na baw bay nipu sampay mapatoy iya.

1 Korin 10:5

Sugaꞌ san meꞌ looy na siꞌ ehe tabang Tuhan ninsila, kuwan kaekahan ninsila, amu-amu yaꞌ mmeꞌ ni kahandak na. Dari tud yaꞌ bay kasulutan Tuhan ninsila. Pag toklas na, kaekahan sila yaꞌ na bay ngabut lahat ma tiniluꞌ meꞌ da. Lay na jaꞌ sila magsunuꞌ-sunuꞌ matoy ni sikaliput lahat lau-lau yaꞌ maglumaꞌ man da bay pingkaꞌ.

2 Korin 11:26

Hangat ku ngalataan kalahat-lahatan masaplag, wā ku njawom bahaya. Lay na ga ku lumingkaꞌ njawom bahaya ngalintas sōng maka njawom bahaya meꞌ mundu ka njawom bahaya meꞌ bangsa ku mismu sampay meꞌ siga bangsa ma saꞌ Yahudi. Pa dile, pa dilawut sampay njawom daira, njawom bahaya na sadjaꞌ ku. Boꞌ lay gi ku tuwaꞌ bahaya leꞌ siga jama ma magbawuꞌ-bawuꞌ mmeꞌ ni Almasi.