1 Tesaloneka 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Pag toklas na, lay na kam dari suntuan ayad ni sikamimon pagkahi tabi ma pitsayaꞌ ni si Isa nnaa ni Masidunya ngabut sampay ntuu ni Akaya.

1 Tesaloneka 1:7 ပူးပေါင်းရင်းမြစ်များ

Salsila siga Rasul 1:13

Siga rasul looy ilay siꞌ yana ga si Pitel, si Yahiya, si Yaꞌkub, si Andru, si Pilip, si Tomas, si Baltolome, si Matiyu, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom, maka si Judas yana anak si Yaꞌkub. Takka jaꞌ siꞌ sila pa Jerusalem, lay sila dutai pa jawom bilik luha ni kaduwa pangkat lumaꞌ man da tamban.

Salsila siga Rasul 16:12

Pag parungguꞌ kami ndooy ni Niyapoles, lay na baw kami lumān pa Pilipi, disu daira mehe njawom ntanan bangsa Rom ndooy ni Masidunya. Pag-anu, lay na doꞌ kami pahantiꞌ ndooy daka dangoy ngallaw.

Salsila siga Rasul 18:1

Pag-anu, lay na lakka si Pol man Aten, boꞌ na pilay pa Korin.

Salsila siga Rasul 18:12

Na kuwan siga Yahudi ndooy ni Korin ma yaꞌ pitsayaꞌ ni si Isa, lay isun naggaꞌ si Pol. Dari lay na baw ya sungkuban da boꞌ na binoo pa mman si Galliyo pinalkalaꞌ. Si Galliyo ilay maggubnul ndooy ni Akaya jaman looy.

Salsila siga Rasul 19:21

Yaꞌ gi siꞌ hallom, maru na baw si Pol pabeleng pa Masidunya ka Akaya boꞌ na pawus pa Jerusalem. Maka angan-angan na, paddus man Jerusalem, subay du ya pilay pa Rom.

Suwat si Pol pa mman Baanan Sukuꞌ si Isa ndooy ni Rom 15:26

Batan ni gasad bayaꞌ sukuꞌ si Isa man Masidunya ka Akaya, lay sila ngumpo sīn man nulung siga pagkahi da sukuꞌ si Isa ma miskin ndooy ni Jerusalem.

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

2 Korin 9:2

Batan katoonan ku du ndang mehe kainagon bi nulung. Boꞌ lay gi kam sinanglitan meꞌ ku ni siga danganakan tabi ntuu ni Masidunya. Yuk ku ninsila, kaam nnaa ni Akaya, bay taun tee lagi ma bay pingkaꞌ, ndang sakap na kam nulung. Pag taaka da meꞌ looy, adak mimon na du sila magkainagon mmeꞌ nulung.

1 Tesaloneka 1:8

Maka sabapan bi, lataꞌ na man umanat mahap pasal Papuꞌ Isa pinasaplag ni sikaliput Masidunya ka Akaya sampay pa kalahat-lahatan ni katāhan. Batan paninggai-paninggai jaꞌ kami, ndaꞌ kami luu na jaꞌ jama bay kaakahan pasal pangando bi ni Tuhan. Dari san kami yaꞌ na bay magtuyuꞌ mahati ninsila oy maka oy na.

1 Tesaloneka 4:10

Boꞌ tumatandaꞌ du, batan maaseꞌ na du sina kam ni mimon danganakan bi ni sikaliput Masidunya. Sugaꞌ siga danganakan, junjung kami na ningkaam, duhunan bi lagi.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.

1 Pitel 5:3

Maka daa kam buwat sagannap ma njawman bi subay ga tindog bi, saula-ula kaam na papuꞌ da. Arapun subay kam makitahan sila kawul-piil ayad mari luu suntuan taakig da.