1 Tesaloneka 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

1 Tesaloneka 1:6 ပူးပေါင်းရင်းမြစ်များ

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Salsila siga Rasul 13:52

Na kuwan sagannap ma bahau jaꞌ mmeꞌ ni si Isa ndooy ni Antiyok, ssob na sila meꞌ Rū Sutsiꞌ sampay tud gāk na sila.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Salsila siga Rasul 9:31

Na pus meꞌ looy, yaꞌ na baw bay luu laug njataꞌ siga baanan sukuꞌ si Isa ni sikaliput Yahudiya ka Jalil sampay Samariya. Boꞌ na, pabasag na pin pangando da ni Papuꞌ maka yaꞌ maglumba meꞌ da ngisbat iya. Dari man tabang Rū Sutsiꞌ njataꞌ sukuꞌ si Isa, pasōng na pin eka jama ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

1 Korin 11:1

Kainagon ku, yana meꞌ ku ngakig Almasi, akigun bi jaꞌ ku.

1 Korin 11:2

Na siga danganakan, sanglit ku baw ningkaam sabap yaꞌ takupan bi suntuan bay takita bi njataꞌ tangge-tingkōꞌ ku. Maka yaꞌ kam halin man siga tōꞌ ma bay pinasampay meꞌ ku ningkaam.

1 Korin 4:16

Sangkon, junjung ku na ningkaam, akigun bi jaꞌ kadarihan ku.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

2 Korin 8:5

Sarī mandooy, luu gi bay pabuwat da ma yaꞌ bay holat kami. Batan yaꞌ gi sila bay nulung, lay doꞌ duhuꞌ suhuran da dī da pa Tuhan. Pag-anu, boꞌ da maglillaꞌ mmeꞌ ni oy-oy karomanan kami tandaꞌ da doman mmeꞌ jaꞌ ni oy-oy kahandak Tuhan ninsila.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 5:1

Na pagka kitabi anak Tuhan kinaasean meꞌ na, sapatut na akig tabi na arat-tabiat na.

Pilipi 3:17

Siga danganakan, akigun bi jaꞌ kawul-piil ku. Maka bong kam ngita jama ma sibuꞌ arat-tabiat da ka ningkami, akigun bi du.

2 Tesaloneka 1:4

Sangkon bila kami maglaw-lamud ka baanan sukuꞌ Tuhan ni kalahat-lahatan, wā kami nanglitan kaam. Bāꞌ kami ninsila, minsan kam kansang nilaugan atawa pun tumabbaꞌ njawom kamalasahiyan, basta tinatasan na jaꞌ meꞌ bi. Maka yaꞌ na pin kam kuhi patatak pitsayaꞌ ni Papuꞌ Isa.

2 Tesaloneka 3:7

Akigun bi jaꞌ suntuan kami. Kaam na silay mismu bay kasakup bay kadarihan kami jaman kami nnaa ni lahat bi. Lay jaꞌ kami magtuyuꞌ buwat. Yaꞌ kami bay takita bi nangge-nangge jaꞌ hūk ngusaha.

2 Tesaloneka 3:9

Kamasaꞌ, meꞌ kami itu sosohoan si Isa, pataꞌ du bong siꞌ kami bay binalanjaan meꞌ bi. Sugaꞌ honaꞌ-honaꞌ kami, gam na kami bay muwanan kaam suntuan ayad mari luu inakig meꞌ bi.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Hibrani 10:34

Maka lay gi kam nulung siga pagkahi bi ma njawom jīl. Minsan bay inagaw altaꞌ bi, yaꞌ du bay lungay kagakan bi. Batan tasayu bi na luu na siga supaat njataꞌ bi mas hagaan man altaꞌ ni junyaꞌ, boꞌ natas lagi saumu-umu.

1 Pitel 1:6

Dari sabap meꞌ looy, yaꞌ du lakka kagakan bi minsan kam tuwaꞌ kamalasahiyan ka jinisan kabinsanaan samantalaꞌ ntuu ni junyaꞌ.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Pitel 3:13

Na bong ina kam tigiꞌ buwat mahap, jalangan sina jama makaat kaam.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.