1 Tesaloneka 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu itu aku, yana si Pol. Itu suwat kami ka ga si Saylas ka si Timuti pa mman bi baanan sukuꞌ si Isa nnaa ni Tesaloneka. Meꞌ kaam tabeꞌ na njawom sakup Mmaꞌ tabi Tuhan ka Papuꞌ tabi si Isa Almasi, kamura-murahan binuwanan na pin kam kasannangan ka barakat meꞌ Tuhan.

1 Tesaloneka 1:1 ပူးပေါင်းရင်းမြစ်များ

Salsila siga Rasul 15:22

Na bitsala si Yaꞌkub ilay siꞌ tud bay numan ni pamiki siga pagkahi na rasul ka ga pagkahi da pa-mmean sampay mimon sukuꞌ si Isa ndooy. Dari lay du sila nuwat pa mman siga pagkahi da sukuꞌ si Isa ma saꞌ Yahudi. Boꞌ lay gi sila meneꞌ duwa jama man baanan da ngahongan ga si Pol pabeleng pa Antiyok moo suwat looy. Ilooy siꞌ bay tapeneꞌ da yana ga si Judas ma pinag-awnan si Balsabas maka si Saylas. Sila ilay siꞌ sikaduwa yana pa-mmean ni baanan sukuꞌ si Isa ndooy ni Jerusalem.

Salsila siga Rasul 15:40

Kuwan si Pol, lay boo na yana si Saylas. Yaꞌ gi siꞌ sila bay lakka man Antiyok, lay doꞌ sila pinakuhan meꞌ siga sukuꞌ si Isa duwaa, kamura-murahan luu na pin aseꞌ-tabang Papuꞌ ni jataꞌ da.

Salsila siga Rasul 16:19

Na pag tabista meꞌ siga papuꞌ danda looy lay na lungay usaha da njataꞌ danda looy, lay na sungkuban da ga si Pol ka si Saylas, boꞌ ginuyud-guyud pa mman siga saraꞌ ndooy ni bihing tabuꞌ.

Salsila siga Rasul 16:25

Na pag taabut ga tangngaꞌ bahangi, bbuwatan ga si Pol ka si Saylas maku duwaa sampay ngalang kalangan pudji pa Tuhan. Kuwan ga pagkahi da pilisu, pakale jaꞌ ninsila.

Salsila siga Rasul 16:29

Dari tukang jaga looy siꞌ magti bay nohoꞌ binoonan siga sūꞌ, boꞌ na deꞌ-dēꞌ paasok ni bilik man ga si Pol ka si Saylas. Mipig na ga baran na sambayan na nangge ka tuut na ni awpan da.

Salsila siga Rasul 17:11

Na siga Yahudi ndooy ni Bereya, mas mahap baw arat-tabiat da man siga Yahudi ndooy ni Tesaloneka. Tinagi sila pakale ni umanat ga si Pol sampay lay du hinasi meꞌ da. Dari llaw pa dangallaw, wā sila maliksaꞌ njawom kitab man da masā bong tud mawjud du bitsala ga si Pol.

Salsila siga Rasul 18:5

Na yaꞌ gi siꞌ hallom, takka na ga si Saylas ka si Timuti man Masidunya. Ni katakka da, ndaꞌ da si Pol masaplag na pin umanat Tuhan. Bbuwatan na, mahati ni siga Yahudi ndooy pasal si Isa yana Almasi, tukang nalamat bay njanjiꞌ meꞌ Tuhan.

Salsila siga Rasul 19:22

Sugaꞌ lay doꞌ ya maduhuꞌ limbang na duwa yana si Timuti ka si Irastus luꞌ pilay pa Masidunya. Kuwan iya, hallom-hallom gi bay patamban ndooy ni Asiya.

Salsila siga Rasul 20:4

Iya siꞌ tu lumān, luu du siga soheꞌ na ga si Sopatel yana anak si Pirus man Bereya, maka luu du si Aristalkus ka si Sigundu, yana ga lalla man Tesaloneka, ka si Gayus man Delbe. Maka luu du bay mmeꞌ si Timuti sampay si Tikikus ka si Tropimus ga lalla man Asiya sikaduwa.

Suwat si Pol pa mman Baanan Sukuꞌ si Isa ndooy ni Rom 1:7

Meꞌ kaam siga kakasi Tuhan nnaa ni Rom ma bay lliyun binuwat sukuꞌ na, kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

1 Korin 1:2

pa mman bi ma pitsayaꞌ ni si Isa nnaa ni Korin. Kaam ina, lay na lliyun meꞌ Tuhan pa jawom okoman na sampay lay na sinutsiꞌ sabapan pagkatibuuk bi ka si Isa Almasi. Dari lay na kam dari sukuꞌ Tuhan tabeꞌ ni sikamimon jama nnoy-nnoy lahat ma ngisbat si Isa Almasi, yana Papuꞌ da sampay na ningkitabi labbasakayi.

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

2 Korin 1:19

Damikiyan Anak Tuhan, yana si Isa Almasi, ma bay pinasaplag meꞌ kami ka ga si Saylas ka si Timuti ningkaam, mastiꞌ kanaalla du. Mimon bitsala na bana sadjaꞌ, yaꞌ kuhi baluba.

Galatiya 1:22

Dari kuwan siga baanan sukuꞌ si Isa ndooy ni Yahudiya, yaꞌ gi bay pingkaꞌ ngita aku.

Epesus 1:2

Kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Kolossa 1:1

Ituu itu aku, yana si Pol, disu rasul si Isa Almasi man kahandak Tuhan. Itu suwat kami ka danganakan tabi si Timuti

2 Tesaloneka 1:1

Ituu itu aku, yana si Pol. Itu suwat kami ka ga si Saylas ka si Timuti pa mman bi baanan sukuꞌ si Isa nnaa ni Tesaloneka, yana kaam ma tibuuk ka Mmaꞌ tabi Tuhan ka Papuꞌ tabi si Isa Almasi.

1 Timuti 1:2

Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

2 Timuti 1:2

Itu suwat ku pa mman nu Timuti, kakasi ku. Kau ina sibuꞌ na du ka anak ku. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

Hibrani 13:23

Na mari katoonan bi pasal danganakan tabi si Timuti, lay na ya pinōꞌ man jawom jīl. Bong ilay ya takka du pitu deꞌ-dēꞌ, malaingkan boo ku sa ya pilu ngandaꞌ-ngandaꞌ kaam.

1 Pitel 5:12

Na ni kapasal suwat tuu, luu situ bay sohoꞌ ku nuwatan bitsala ku, yana si Saylas, disu danganakan tabi kanaalla. Suwat tuu itu man ku mataggu iman bi maka man ku maintoman kaam pasal ehe aseꞌ-tabang Tuhan ningkaam mari kasengan bi.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.