1 Pitel 5:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na bila kam sitammu-tammu, jara-jara kam meꞌ ndang tabiat jama sikaaseꞌ-kaaseꞌ. Dambuli man naa, sikamimon kam ma tibuuk ka Almasi, kamura-murahan binuwanan na pin kam meꞌ Tuhan kasannangan njawom atay bi. Wassalam

1 Pitel 5:14 ပူးပေါင်းရင်းမြစ်များ

Matiyu 5:47

Bong ina isu-isu bagay bi du hasi bi, malaingkan yaꞌ du luu pagbiddaan bi ka kasohean. Minsan ina siga kapil, biyasa du buwat meꞌ looy.

Yahiya 14:27

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 20:19

Na pag tapit saddop llaw ni llaw looy du siꞌ, bbuwatan siga mulit si Isa, lay tapuk sabap tawu sila ni siga pa-mmean Yahudi. Sugaꞌ minsan lay kunsiꞌ da lawang lumaꞌ mman da, sakayi da kasayu, luu na si Isa nangge ni tangngaan da. Yuk na ninsila, “Kasannangan ningkaam.”

Yahiya 20:26

Paddus jaꞌ siꞌ wawuꞌ ngallaw, lay na baw kumpo ga mulit si Isa njawom lumaꞌ pabalik sampay luu na du ndooy si Tomas. Kuwan siga lawang da, meꞌ sibuwa du lay kinunsiꞌ. Sugaꞌ san meꞌ looy, sakayi da kasayu, luu na baw balik si Isa nangge ni tangngaan da sambayan na halling, “Kasannangan ningkaam.”

Suwat si Pol pa mman Baanan Sukuꞌ si Isa ndooy ni Rom 1:7

Meꞌ kaam siga kakasi Tuhan nnaa ni Rom ma bay lliyun binuwat sukuꞌ na, kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

Suwat si Pol pa mman Baanan Sukuꞌ si Isa ndooy ni Rom 16:16

Sarī man naa, bila kam sitammu-tammu, jara-jara kam meꞌ ndang tabiat jama sikaaseꞌ-kaaseꞌ. Doꞌ kam beꞌ, mimon baanan sukuꞌ si Isa ni sikaliput lahat tuu, lay du nohoꞌ masampay salam duwaa da pa mman bi.

Suwat si Pol pa mman Baanan Sukuꞌ si Isa ndooy ni Rom 8:1

Sangkon, pagka tibuuk na kitabi ka si Isa Almasi, yaꞌ na luu hukuman mulkaꞌ njataꞌ tabi.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 16:20

Sampay mimon danganakan tabi ntuu ni Epesus, lay du nohoꞌ masampay salam duwaa da pa mman bi. Na bila kam sitammu-tammu, jara-jara kam meꞌ ndang tabiat jama sikaaseꞌ-kaaseꞌ.

2 Korin 13:12

Bila kam sitammu-tammu, jara-jara kam meꞌ ndang tabiat jama sikaaseꞌ-kaaseꞌ. Dambuli man naa, mimon sukuꞌ si Isa ntuu lay nohoꞌ masampay salam duwaa da pa mman bi.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

Epesus 6:23

Siga danganakan, kamura-murahan binuwanan na pin kam kasannangan meꞌ Mmaꞌ tabi Tuhan ka Papuꞌ tabi si Isa Almasi. Maka pakuhan ta na pin kam duwaa mari magsasōng na pin aseꞌ bi ni pagkahi bi sampay pangando bi pa Tuhan.

1 Tesaloneka 5:26

Maka pasampayun bi doꞌ salam duwaa kami ka aseꞌ kami ni mimon danganakan kami nnaa.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

3 Yahiya 1:14

Bong yaꞌ luu baya-baya, yaꞌ na du hallom sitammu na du kita, boꞌ ta kapagbitsala balharapan.