1 Pitel 5:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Na ni kapasal suwat tuu, luu situ bay sohoꞌ ku nuwatan bitsala ku, yana si Saylas, disu danganakan tabi kanaalla. Suwat tuu itu man ku mataggu iman bi maka man ku maintoman kaam pasal ehe aseꞌ-tabang Tuhan ningkaam mari kasengan bi.

1 Pitel 5:12 ပူးပေါင်းရင်းမြစ်များ

Yahiya 21:21

Dari yuk si Pitel ni si Isa, “Papuꞌ, pooy baw lay la ni lalla tee? Oy lay mintu katuwaꞌ niiya?”

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 15:22

Na bitsala si Yaꞌkub ilay siꞌ tud bay numan ni pamiki siga pagkahi na rasul ka ga pagkahi da pa-mmean sampay mimon sukuꞌ si Isa ndooy. Dari lay du sila nuwat pa mman siga pagkahi da sukuꞌ si Isa ma saꞌ Yahudi. Boꞌ lay gi sila meneꞌ duwa jama man baanan da ngahongan ga si Pol pabeleng pa Antiyok moo suwat looy. Ilooy siꞌ bay tapeneꞌ da yana ga si Judas ma pinag-awnan si Balsabas maka si Saylas. Sila ilay siꞌ sikaduwa yana pa-mmean ni baanan sukuꞌ si Isa ndooy ni Jerusalem.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

1 Korin 15:1

Na siga danganakan, katoonan ku du tud hilas kam bay pitsayaꞌ ni umanat mahap ma bay pasaplag ku ningkaam. Boꞌ masi du bean bi ngabut sampay batnaa. Sugaꞌ paintoman ta doꞌ kam isi umanat mahap

2 Korin 1:19

Damikiyan Anak Tuhan, yana si Isa Almasi, ma bay pinasaplag meꞌ kami ka ga si Saylas ka si Timuti ningkaam, mastiꞌ kanaalla du. Mimon bitsala na bana sadjaꞌ, yaꞌ kuhi baluba.

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

Epesus 3:3

Sarī gi, lay na pinalahil niyaku pakaradjaan pasal garaꞌ Tuhan ma yaꞌ gi bay pinalahil maruhuꞌ. Sabahagiꞌ lay na bay sabbut ku siꞌ ni panagnaan suwat tuu.

Epesus 6:21

Na mari katoonan bi bong oy na pin bbuwatan ku maka mimon kahalan ku ntuu, sohoꞌ ku sa pilu danganakan tabi si Tikikus, disu kakasi tabi ma magkanaalla maghulas-sangsāꞌ kalnaꞌ Papuꞌ Isa. Iya sa nuntutan kaam mari gamgām pamiki bi pasal kami.

Kolossa 1:7

Boꞌ inaa na kabanahan ma bay takoleꞌ bi man si Epapras, disu limbang kami sosohoan Tuhan. Iya itu kakasi kami maka tiggo ya maghulas-sangsāꞌ kalnaꞌ Almasi pa kaayaran ningkaam.

Kolossa 4:7

Na ni kapasal kahalan ku ntuu, si Tikikus sa nuntutan kaam. Iya itu disu danganakan tabi kinaasean meꞌ sikamimon ntuu. Maka iya itu disu pagkahi ku sosohoan Papuꞌ Isa. Magkanaalla ya masaplag kalnaꞌ Tuhan.

Kolossa 4:9

Maka luu gi situ ntuu si Onesimas, jama lahat bi du, sohoꞌ ku ngahongan si Tikikus. Iya pun itu disu danganakan tabi du kanaalla mmeꞌ ni Papuꞌ maka kinaasean du meꞌ sikamimon ntuu. Sila sa mintu nuntutan kaam habal mantuu.

1 Tesaloneka 1:1

Ituu itu aku, yana si Pol. Itu suwat kami ka ga si Saylas ka si Timuti pa mman bi baanan sukuꞌ si Isa nnaa ni Tesaloneka. Meꞌ kaam tabeꞌ na njawom sakup Mmaꞌ tabi Tuhan ka Papuꞌ tabi si Isa Almasi, kamura-murahan binuwanan na pin kam kasannangan ka barakat meꞌ Tuhan.

2 Tesaloneka 1:1

Ituu itu aku, yana si Pol. Itu suwat kami ka ga si Saylas ka si Timuti pa mman bi baanan sukuꞌ si Isa nnaa ni Tesaloneka, yana kaam ma tibuuk ka Mmaꞌ tabi Tuhan ka Papuꞌ tabi si Isa Almasi.

Hibrani 13:22

Siga danganakan, junjung ku na ningkaam, daa kam jamu pakale ni bay palbiatan ku njawom suwat tuu siꞌ. Ndang-ndang, yaꞌ du situ tahaꞌ kalanduꞌ.

1 Pitel 1:13

Dari pagka lay na kam sinalamat leꞌ Tuhan, patattogun bi na pamiki bi makutuꞌ kahandak na, maka agakun bi dī bi. Maka daa kam jamu ngaholat ni supaat ma ndean kaam pag beleng si Isa Almasi.

1 Pitel 4:10

Na meꞌ kaam ina lay na kabuwanan jinisan kapandoyan bilang ladjikiꞌ man Tuhan, pakoyun bi na. Subay kam kanaalla sitabang-tabang makoy kapandoyan bay dean Tuhan ningkaam.

2 Pitel 1:12

Na minsan ina ndang katoonan bi na mimon ma bay sabbut ku siꞌ, sampay tattog na kam mmeꞌ ni kabanahan, masi na pin situ ku maintoman kaam.

2 Pitel 2:15

Lay na sila magsiꞌ man lān intong. Lay na sila ngikut tabiat si Balaam, anak si Beyol mattoꞌ. Si Balaam ilay, ni kaehe kainagon na ni sīn, kuhi jaꞌ ya buwat kalaatan bong pin ya ndugangan jaꞌ paeka.

3 Yahiya 1:12

Disu danganakan ma arat na mahap inakig, yana si Demetiri. Mimon danganakan ta nanglitan iya batan kawul-piil na magbēꞌ jaꞌ ka kabanahan. Kami pun ntuu kabāꞌ du mawjud iya jama mahap. Boꞌ bong itu kami māꞌ, katoonan nu na du, yaꞌ kami ngandustaꞌ.

Suwat Lakka man si Jūd 1:3

Siga kakasi ku, sibuwa ilay, tud doman ku nuwat ningkaam pasal kasalamatan ma lay na takoleꞌ tabi saliꞌ-saliꞌ. Sugaꞌ bistahan ku gam na ku nuwat nohoꞌ kaam ngandapitan siga tōꞌ ayad ma kinapitsayaan meꞌ tabi. Batan siga tōꞌ naa ina, si Isa mismu bay masampay ni siga sukuꞌ na. Boꞌ saumu na sina yaꞌ na baluba samasakali.