1 Pitel 4:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Bong luu pagkahi bi sukuꞌ si Isa pahās pa lumaꞌ bi, hulmatun bi. Daa kam magdubdub.

1 Pitel 4:9 ပူးပေါင်းရင်းမြစ်များ

Panagnaan 24:19

Lupus jaꞌ siꞌ lalla looy nginum, yuk danda looy, “Doꞌ ko ha Paꞌ. Painum ku doꞌ ga untaꞌ bi.”

Suwat si Pol pa mman Baanan Sukuꞌ si Isa ndooy ni Rom 12:13

Maka bong pagkahi tabi sukuꞌ Tuhan kabus, subay tulung tabi. Maka daa kitabi paalang ngahulmat jama bong sila pa lumaꞌ tabi.

Suwat si Pol pa mman Baanan Sukuꞌ si Isa ndooy ni Rom 16:23

Ituu batnaa, aku na baw situ, yana si Pol, pasīng mitsala pabalik. Si Gayus pun, lay du nohoꞌ masampay salam duwaa na pa mman bi. Iya situ dapu lumaꞌ man ku pahantiꞌ sampay man baanan sukuꞌ si Isa ntuu kumpo-kumpo. Maka si Erastus ma tukang ngantanan sīn parinta ni daira tuu ka danganakan tabi si Kuwaltus, lay du nohoꞌ masampay salam duwaa da pa mman bi.

2 Korin 9:7

Sangkon, kaam na mag-atas piki bong dangoy karomanan bi pinamuwan, boꞌ deanun bi na ni gasad bayaꞌ bi. Yaꞌ sina mahap bong kam muwan san kam yaꞌ doman atawa sabap meꞌ bi bay nilogos. Arapun subay hilas meꞌ tabi muwan, batan kasulutan sina Tuhan banahan ngita jama gāk muwan.

Pilipi 2:14

Batnaa junjung ku na ningkaam, ni mimon pabuwatan bi daa kam magdubdub atawa magjawap.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

Taytus 1:8

Iya pataꞌ ninsila, subay sila pangahulmat ka tigiꞌ buwat mahap ni jama. Subay patong mamiki maka subay sila intong. Subay sutsiꞌ kawul-piil da ka subay sila pandoy ngagak dī da.

Pilimun 1:14

Sugaꞌ yaꞌ baw tu siꞌ ku bay doman nohoꞌ iya tamban ntuu bong ko yaꞌ bay matugut. Bong ko doman nabangan aku subay ni kaayad nu maggasad bayaꞌ nulung. Daa jaꞌ paglogosan.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.

Yaꞌkub 5:9

Siga danganakan, daa kam mitsala pagkahi bi pa kalaatan taggahaꞌ kalabuan na baw kam mintu hukuman. Batan tapit na sina katakka Huwis looy ma Patingkat. Dari ko ngawon, luu na ya nangge ni poan lawang bi.