1 Pitel 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Yuk suwat njawom kitab, “Bong jama intong mastiꞌ lumingkaꞌ jaꞌ njawom jinisan katiksaan boꞌ da salamat, pooy na baw lay mintu basag katiksaan ma tuwaꞌ njataꞌ siga baldusa ma yaꞌ san ngisbat Tuhan?”

1 Pitel 4:18 ပူးပေါင်းရင်းမြစ်များ

Panagnaan 13:13

Salla na, kuwan jama Sodom baw siꞌ tu, biddaꞌ na jahallis da. Dusa da pa Tuhan tud yaꞌ na taambat.

Lukas 15:1

Na jaman looy siꞌ, meka ga tukang ninga sukay ka ga jama sarī ma tanyag du baldusa sigi-sigi pa man si Isa pakale ni umanat na.

Lukas 23:31

Batan baan ta kam banahan, bong batnaa meꞌ tuu meꞌ siga Yahudi buwat aku yaꞌ san luu dusa ku, labi gi sina mintu kamalasahiyan da meꞌ siga banta da buwat sila.”

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Salsila siga Rasul 27:24

Bay bāꞌ na niyaku subay ku yaꞌ tawu. Ndang bay na konoꞌ ginantaꞌ mastiꞌ luu gi du masa ku nangge ni awpan Panghuluꞌ Sultan sinumariya. Maka man sabapan timbang Tuhan njataꞌ ku, yuk malaikat looy, salamat jaꞌ du sina sikamimon soheꞌ ku taꞌ adjung tuu.

Salsila siga Rasul 27:31

Sugaꞌ katoonan si Pol du garaꞌ da. Dari yuk na ni Kapitan Juliyus ka ga sundalu na, “Bong ina ga tindog taꞌ adjung tuu duwai na, yaꞌ sina kam salamat.”

Suwat si Pol pa mman Baanan Sukuꞌ si Isa ndooy ni Rom 1:18

Sugaꞌ njawom umanat mahap, luu du sina tabeꞌ hāl mulkaꞌ Tuhan llabuꞌ man sulgaꞌ pa jataꞌ sagannap ma buwat kalaatan, yana sagannap ma yaꞌ tawu pa Tuhan. Batan sabapan kalaatan da, tumallob na kabanahan pasal Tuhan.

Suwat si Pol pa mman Baanan Sukuꞌ si Isa ndooy ni Rom 5:6

Bistahun bi doꞌ aseꞌ Tuhan ningkitabi. Bay jaman yaꞌ gi luu gaos tabi nulut kahandak na, lay na ga ya mapitu Almasi nohoꞌ nongan umu na kalnaꞌ kitabi baldusa.

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

1 Korin 10:12

Sangkon, soysoy kam nnaa mista takkoꞌ banahan pangando bi pa Tuhan, paayad-ayad kam, taggahaꞌ bong yaꞌ iyakinan bi dī bi, lay du kam mintu kapabuwat dusa meꞌ karuha sila du mattoꞌ.

1 Timuti 1:9

Tahati ta na bong inawnan saraꞌ Tuhan, saꞌ para ni jama intong. Arapun kon na ina bay pinamuwan man motang hukuman ni jama maat, ni sagannap ma yaꞌ pandoy ngasip, maka ni jama ma yaꞌ tawu pa Tuhan. Saraꞌ ina para ni siga baldusa, para sagannap ma yaꞌ sutsiꞌ, para jama ma yaꞌ ngisbat Tuhan, maka para sagannap ma mapatoy jama sampay ga mmaꞌ da atawa nneꞌ da.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Yaꞌkub 5:6

Luu gi sina kam bay kaaku malkalaꞌ jama ma yaꞌ san luu dusa da sampay man da pinapatoy sabapan bi. Boꞌ yaꞌ san luu dapat da ngatu.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

2 Pitel 3:7

Damikiyan, gumi ka langit ma luu ni batnaa, ampud leꞌ api bbos-bbos man sabapan palman Tuhan du. Sugaꞌ nilantan gi sina ngkod-ngkoran yaꞌ gi taabut llaw hukuman, yana llaw man Tuhan makaat sagannap ma yaꞌ luu tawu da niiya.

Suwat Lakka man si Jūd 1:15

ngahukum mimon manusiyaꞌ. Ngalabuꞌ na sina mintu ya hukuman njataꞌ siga baldusa sabapan mimon tagga pa Tuhan bay pabuwat da sampay mimon bitsala da pangka pasal iya.”