1 Pitel 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.

1 Pitel 4:11 ပူးပေါင်းရင်းမြစ်များ

Matiyu 6:13

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Yahiya 13:31

Paddus jaꞌ bukut si Judas, yuk si Isa, “Yaꞌ na situ hallom takita ehe kawasa-kapatut Anak Manusiyaꞌ. Maka takita na du njataꞌ na ehe kawasa-kapatut Mmaꞌ na Tuhan.

Salsila siga Rasul 7:38

Maka yuk si Esteben lagi, “Ni bay jaman kabboꞌ-bboan tabi ndooy ni bihing Punu Saynay ni lahat lau-lau, Boꞌ Musa na silay man malaikat bay masampay palman Tuhan ma kasampulnaꞌ ni nyawa manusiyaꞌ. Pag-anu, iya na baw bay masampay palman looy pa mman siga kabboꞌ-bboan tabi. Pag-anu, boꞌ sila na baw bay masampay pa mman tabi.

Suwat si Pol pa mman Baanan Sukuꞌ si Isa ndooy ni Rom 11:36

Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 16:27

Dambuli man naa, pudji tabi Tuhan ma toon mimon-mimon. Pudji tabi ya saumu-umu sabapan si Isa Almasi. Wassalam

Suwat si Pol pa mman Baanan Sukuꞌ si Isa ndooy ni Rom 3:2

Sugaꞌ daa kitabi mamiki meꞌ looy. Basta mehe baw sina kaayaran ningkitabi bong kitabi turunan bangsa Yahudi. Numbul satu, kitabi bangsa bay tahalapan leꞌ Tuhan ngantanan palman na njawom kitab.

1 Korin 10:31

Sugaꞌ ituu baw meꞌ ku ka jama ma mitsala meꞌ looy: Oy-oy kakan bi ka inum bi atawa oy-oy pabuwat bi, subay kaboo kabantugan pa Tuhan maksud bi.

1 Korin 12:4

Na balik ta pa hāl kapandoyan bilang ladjikiꞌ ma ndean sukuꞌ si Isa, meka sina jinisan na, sugaꞌ disu du poonan da, yana Rū Sutsiꞌ.

1 Korin 3:10

Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

1 Korin 6:20

batan biddaꞌ na bay ehe bayad na supaya kitabi dari sukuꞌ na. Sangkon pakoyun bi baran bi man bi moo kabantugan niiya.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 9:13

Batan pag ina mintu takita siga danganakan tabi ndooy ni Yahudiya hāp arat bi bay basag nulung ninsila sampay ni mimon jama, mudji na sila Tuhan. Boꞌ ilooy na silay mintu buktiꞌ mehe ninsila tud bana-bana du kam mean umanat mahap pasal Almasi.

Epesus 1:19

Maka pakuhan ta du kam pangahati supaya katoonan bi na bong pooy ehe kawasa Tuhan para ningkitabi ma pitsayaꞌ niiya. Kawasa na ilay,

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Epesus 6:10

Na katapusan bitsala ku, pabasag kam mangasa ni kawasa Papuꞌ nganggaosan kaam mari taggu iman bi.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Pilipi 2:11

Boꞌ da mangaku na si Isa Almasi yana Papuꞌ, pamaehe sanglit ni Mmaꞌ tabi Tuhan.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.

1 Tesaloneka 2:4

Ni sabana na, kami itu masaplag, saꞌ ga man nulut kahandak manusiyaꞌ. Iya maksud kami nulut kahandak Tuhan pagka iya bay ngahalapan kami umanat na. Tuhan ina, tasayu na du kami jama kanaalla, batan mastiꞌ katoonan na jaꞌ mimon niyat njawom atay manusiyaꞌ.

1 Timuti 1:17

Pudji tabi Tuhan, yana Sultan Mahatinggi ma yaꞌ takita maka yaꞌ kuhi matoy. Magbayaꞌ ya ni sikamimon pangkat-mamangkat saumu batan isu-isu iya Tuhan. Kamura-murahan saumu-umu na ya binuwanan pudji mehe ka kabantugan. Amin.

1 Timuti 6:16

Isu-isu iya yaꞌ luu kapatoy na. Maglahat ya njawom dantaꞌ saꞌ alang-alang ma yaꞌ tasōng leꞌ manusiyaꞌ ni kasilaw na. Yaꞌ luu manusiyaꞌ bay pingkaꞌ ngita iya batan ndang niyaꞌ ya takita. Maka iya du ngantanan kawasa magbayaꞌ saumu-umu. Tawop ya binuwanan kabantugan mehe. Amin.

Taytus 2:1

Sugaꞌ kau Taytus, inaa jaꞌ pasampayun, yana tōꞌ ma sikatuwaꞌ ka kabanahan.

Taytus 2:15

Na Taytus, ituu siꞌ sikamimon ma bay suwat ku ningkau, pasampayun sa ni siga baanan sukuꞌ si Isa nnaa. Buwansangan nu sila mmeꞌ ni tōꞌ tuu. Bong luu pagkahi nu yaꞌ doman mmeꞌ ni tōꞌ tuu, daa pabiyahun. Ndang-ndang luu du kapatut nu naup sila.

Hibrani 13:7

Sarī man naa, daa takupan bi siga pa-mmean bi ma bay noan kaam palman Tuhan. Kannahun bi ayad kawul-piil da maka akigun bi pangando da ni si Isa.

Hibrani 5:12

Bistahun bi doꞌ, hallom looy na kam bay mmeꞌ ni si Isa, subay siꞌ pandoy na kam noan jama. Boꞌ kaam itu, subay na pin pinagbalik-balik tinoan hāl Tuhan ma subay siꞌ ndang katoonan bi na. Sibuꞌ du karuha bi ka anak-anak ma subay na pin pinaduruꞌ, yaꞌ gi kakakan sumbalian.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 4:10

Na meꞌ kaam ina lay na kabuwanan jinisan kapandoyan bilang ladjikiꞌ man Tuhan, pakoyun bi na. Subay kam kanaalla sitabang-tabang makoy kapandoyan bay dean Tuhan ningkaam.

1 Pitel 4:16

Sugaꞌ bong baw kam bininsanaꞌ sabap pitsayaꞌ na kam ni Almasi, daa kam iyaꞌ. Gam pin pudjihun bi lagi Tuhan sabap sukuꞌ Almasi na kam.

1 Pitel 5:11

Pudji tabi ya sabap tud tawop ya magbayaꞌ saumu-umu! Amin.

Suwat Lakka man si Jūd 1:25

Isu-isu iya Tuhan. Maka iya na sina bay nalamat kitabi man sabapan pabuwatan Papuꞌ tabi si Isa Almasi. Kaayaran Tuhan ina yaꞌ luu sibuꞌ sabanding na. Pudji tabi ya. Iya ina Tuhan Mahatinggi, Sangat Kawasa ma magbayaꞌ ni mimon-mimon labba man kapayak alam ngabut batnaa sampay saumu-umu ni sinōng. Amin! Wassalam