1 Pitel 3:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Maka inaa na sina arat-tabiat bay pinakutuꞌ meꞌ karandahan ma mangando pa Tuhan mattoꞌ. Meꞌ da bay malingkat dī da, lay sila maglillaꞌ ni lla da.

1 Pitel 3:5 ပူးပေါင်းရင်းမြစ်များ

Lukas 2:37

Boꞌ yaꞌ na san ya bay llahan pabalik. Iya siꞌ tu mag-umu na umpuꞌ-mpat taun. Sangom-llaw luu na pin ya ndooy ni langga mehe numba Tuhan. Boꞌ daran gi ya puwasa sampay maku duwaa pa Tuhan.

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

Salsila siga Rasul 9:36

Na ni lahat looy siꞌ, luu gi disu daira inawnan Joppa. Ndooy siꞌ, luu disu danda ma mmeꞌ ni si Isa inawnan si Tabita. Bong ni pallun Greek, si Dolkas. Iya ilay wā buwat mahap ni jama sampay nulung jama miskin.

Epesus 5:33

Sugaꞌ ayat looy ilay tuwaꞌ pa kaam du baw silay ma sitampu. Sangkon kaam, siga kalallahan, pooy-pooy aseꞌ bi ni baran bi, subay meꞌ naa du aseꞌ bi ni nda bi. Kuwan kaam baw, siga karandahan, amay-amay subay kam magmaltabat ni lla bi.

1 Timuti 2:10

Arapun ilooy ya pataꞌ pakutuꞌ da meꞌ da buwat kaayaran ni jama. Inaa ya sina arat tawop ni karandahan ma ngingat dī da ngisbat Tuhan.

1 Timuti 2:15

Inaa na sina kon karandahan kabisahan maddi. Sugaꞌ masi du baw ina sila salamat pa Tuhan bong yaꞌ du labbahan da pangando da ni si Isa, ka aseꞌ da, sampay kasutsian da ma tumatandaꞌ ni hatu kawul-piil da.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

1 Timuti 5:5

Siga bawu danda ma talpaksaꞌ tinulung yana sagannap ma yaꞌ luu lūng-kampung da samasakali mangatas ninsila. Siga bawu meꞌ looy ilay, yaꞌ luu pag-asa da sarī man Tuhan. Sangkon iya sa man da maku tulung sangom-llaw.

Hibrani 11:11

Sitti Sara pun, sabapan pangando na pa Tuhan, lay na ya pitsayaꞌ tattap tinuman meꞌ Tuhan janjiꞌ na muwanan iya ka Nabi Ibrahim anak. Dari lay du ya bay hanak san toa na ya banahan sampay tupa na ga.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na