1 Pitel 3:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

1 Pitel 3:20 ပူးပေါင်းရင်းမြစ်များ

Panagnaan 6:13

Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa.

Panagnaan 6:3

Ga anak da ilay mehe-langkaw jaꞌ mimon maka tanyag paglallahan. Meꞌ jama ngawnan bangsa da, Nepilim. Na hallom maka hallom na, ni lilingan Tuhan, biddaꞌ na jahallis manusiyaꞌ batan isu-isu kalaatan tulun njawom pikilan da llaw-llaw. Dari sasso na ga Tuhan bay mapayak manusiyaꞌ taꞌ junyaꞌ sampay lassa hansu na ga atay na ngandaꞌ kadarihan da. Sangkon yuk na, “Yaꞌ na situ pabiya ku manusiyaꞌ humallom taꞌ junyaꞌ meꞌ bay hallang-hallangan tuu. Subay yaꞌ na pinalabi man dahatus duwampūꞌ taun umu da.”

Panagnaan 6:8

Sugaꞌ luu gi baw disu lalla kasulut ni Tuhan, yana si Nū.

Panagnaan 8:1

Sugaꞌ bong ga si Nū sampay mimon sattuwa tawun ka kahayop-hayopan taꞌ bahitlaꞌ looy, basta yaꞌ baw takupan meꞌ Tuhan. Dari siꞌ, lay na baw Tuhan mōꞌ baliyu niyup taꞌ kuwit boheꞌ mari pakulang na pin boheꞌ.

Panagnaan 8:18

Dari lay na si Nū duwai man taꞌ bahitlaꞌ looy ka ga anak-nda na sampay ga iwan na.

Matiyu 7:14

Boꞌ lawang kiput ina, san dikiꞌ lān na maka dangkitiꞌ du jama nūs, tumiluꞌ baw sila pa jawom kasampulnaan nyawa ma yaꞌ luu katapusan na.

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Salsila siga Rasul 2:41

Dari meka na jama bay pitsayaꞌ ni umanat si Pitel sampay lay na du sila nohoꞌ pinandi. Eka jama bay pasampun ni baanan sukuꞌ si Isa bay llaw looy, kulang-labi tallu libu.

Suwat si Pol pa mman Baanan Sukuꞌ si Isa ndooy ni Rom 9:22

Damikiyan, meꞌ naa du sina Tuhan. Bong ya doman makitahan ehe duga na ni kalaatan jama sampay ehe kawasa na midjalaꞌ sagannap ma pataꞌ minulkaan, mastiꞌ iya du magbayaꞌ. Sugaꞌ bong ina bistahan na mas mahap tatasan na lagi pahallom kalaatan sagannap ma pataꞌ minulkaan, magbayaꞌ na jaꞌ du sina.

Epesus 5:26

supaya kitabi dari sukuꞌ na. Pag batnaa, lay na baw kitabi sinutsiꞌ meꞌ na sabap meꞌ tabi bay pitsayaꞌ ni umanat na sampay bay pinandi.

Hibrani 11:7

Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 1:9

batan magsasōng na pin meꞌ bi pinaddusan man bay arat-tabiat bi buwat dusa. Mimon ituu siꞌ yana toklas pangando bi ni si Isa Almasi.

1 Pitel 2:25

Maruhuꞌ, sibuꞌ du karuha bi ka siga bili-bili magsiꞌ. Boꞌ batnaa, lay na kam pabeleng pa mman tukang ngipat kaam, yana Almasi ma ngayaran nyawa bi.

1 Pitel 3:19

Sugaꞌ sasang jasad na masi matoy, kuwan Rū na bay pilay pa tahanan siga nyawa pinalisu. Ndooy siꞌ, lay ya masampay umanat ninsila.

1 Pitel 4:19

Sangkon bong kaam batnaa njawom kabinsanaan man gantaan Tuhan, suhuran bi na jaꞌ dī bi pa Tuhan, ilooy ma bay mapayak kaam saltaꞌ na tapangandohan. Maka darahan bi na meꞌ bi buwat kaayaran.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.