1 Pitel 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² pag takita da na hāp arat bi maka ehe maltabat bi pa Tuhan.

1 Pitel 3:2 ပူးပေါင်းရင်းမြစ်များ

Epesus 5:33

Sugaꞌ ayat looy ilay tuwaꞌ pa kaam du baw silay ma sitampu. Sangkon kaam, siga kalallahan, pooy-pooy aseꞌ bi ni baran bi, subay meꞌ naa du aseꞌ bi ni nda bi. Kuwan kaam baw, siga karandahan, amay-amay subay kam magmaltabat ni lla bi.

Epesus 6:5

Na kuwan kaam ma ata, asipun bi siga papuꞌ bi. Mag-arat kam ni kaloman bi ninsila. Ni mimon pabuwatan bi ninsila, subay kam magtuyuꞌ buwat ni kahilas atay bi. Meꞌ bi ngingat, sibuꞌ du kam ka maghulas-sangsāꞌ kalnaꞌ Papuꞌ Isa.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 3:20

Boꞌ kitabi baw tu sukuꞌ Tuhan, lahat tabi sabanna yana sulgaꞌ. Maka ilooy ma agad tabi lakka man sulgaꞌ du, yana Papuꞌ tabi si Isa Almasi ma tukang nalamat kitabi.

Kolossa 3:22

Kaam pun baw siga ata, subay du kam wā ngasip ni siga papuꞌ bi ntuu ni junyaꞌ. Daa subay na pin luu papuꞌ bi nganjaga boꞌ bi magtuyuꞌ buwat. Jama meꞌ looy ilay, muhung jaꞌ sanglit ni manusiyaꞌ. Saꞌ ga sanglit man Tuhan puhung da. Arapun luu-yaꞌ luu papuꞌ bi nganjaga, subay kam kanaalla buwat paayad pagka kaam jama ma ngisbat Papuꞌ Isa.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Pitel 1:15

Sugaꞌ batnaa, yana meꞌ Tuhan ma bay ngaliyun kaam sutsiꞌ, subay du kam sutsiꞌ ni mimon tangge-tingkōꞌ bi.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 3:1

Na kuwan kaam karandahan, subay kam maglillaꞌ ni lla bi. Meꞌ naa ina, san sawpama lla bi nuwak umanat mahap pasal si Isa, balangkali taboo bi na sila pitsayaꞌ sabapan hāp arat-tabiat bi. Minsan ina kam yaꞌ na mitsalahan sila, kawu-kawu pitsayaꞌ na du sila ni si Isa

1 Pitel 3:3

Daa subay na pin isu-isu lingkat bi ni poan pakutuꞌ bi meꞌ kasohean ma wā magdanda-danda ka matuk pamakoy hagaan sampay magmmas-mmas.

2 Pitel 3:11

Na pagka mimon-mimon hinansu bbos-bbos, subay paliksaꞌ tabi dī tabi bong pooy tangge-tingkōꞌ tabi ni batnaa. Subay sutsiꞌ kawul-piil tabi. Maka subay kitabi lillaꞌ pa Tuhan