1 Pitel 3:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Sugaꞌ sasang jasad na masi matoy, kuwan Rū na bay pilay pa tahanan siga nyawa pinalisu. Ndooy siꞌ, lay ya masampay umanat ninsila.

1 Pitel 3:19 ပူးပေါင်းရင်းမြစ်များ

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

1 Pitel 4:6

Na manusiyaꞌ ina sikamimon ndang bay ginantaꞌ matoy sabapan hukuman bay llabuꞌ ninsila. Dari sabapan dusa da, tiksaꞌ na nyawa da. Lipara luu na umanat mahap bay pinasaplag. Dari sagannap ma pitsayaꞌ, san sawpama lay na matoy jasad da, sampulnaꞌ du nyawa da saumu-umu njawom okoman Tuhan.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 20:7

Na pag mintu paddus dalibu taun looy, pinōꞌ na du silay Ibilis man jawom pilisu na yana lowang tangob looy.