1 Pitel 3:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

1 Pitel 3:18 ပူးပေါင်းရင်းမြစ်များ

Matiyu 27:19

Na sasang Gubnul Pilatu ningkōꞌ numariya, takka na baw umanat man nda na, yuk na, “Daa ko buwat oy maka oy na ni jama looy ma intong batan tud bay malasahi ku ni upihan ku pasal iya dabuhiꞌ.”

Matiyu 27:24

Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Yahiya 16:10

Ni kapasal kaintongan, iya na sina gantiꞌ ku malahil lān intong ni manusiyaꞌ. Batan aku itu pabeleng na pa mman Mmaꞌ ku, boꞌ yaꞌ na ku takita bi.

Salsila siga Rasul 22:14

“Yuk si Ananiyas niyaku, ‘Kau na sina bay pineneꞌ meꞌ Tuhan kabboꞌ-bboan ta man na makitau bong oy kahandak na. Sangkon lay na silay pinalahil ningkau Ilooy ma Intong, yana si Isa Almasi, sampay lay na takale nu suwara na.

Salsila siga Rasul 3:14

Mingkan si Isa ilay sutsiꞌ maka intong, sugaꞌ lay jaꞌ ya tuwak bi. Minsan doman na Gubnul Pilatu maddusan iya, yaꞌ du kam kuhi. Gam pin ilooy ya pogos bi pinaddusan jama pamomonoꞌ.

Suwat si Pol pa mman Baanan Sukuꞌ si Isa ndooy ni Rom 4:25

Si Isa ilay bay pinaglillaꞌ meꞌ Tuhan pinapatoy sabapan dusa tabi, boꞌ na pinakallum pabalik supaya kitabi taitung intong.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

Suwat si Pol pa mman Baanan Sukuꞌ si Isa ndooy ni Rom 8:11

Dan jinis meꞌ halling, pagka Tuhan bay makallum si Isa, mastiꞌ muwan du ya kasampulnaan nyawa ningkitabi man kawasa Rū na ma patannaꞌ na njawom baran tabi.

Suwat si Pol pa mman Baanan Sukuꞌ si Isa ndooy ni Rom 8:3

Maruhuꞌ, holat tabi saraꞌ Tuhan katabang ningkitabi buwat kaintongan mari kitabi salamat. Salla na, yaꞌ luu manusiyaꞌ kabogbog batan landuꞌ basag napsu da moo-moo sila buwat dusa. Kahapan, magsuku pa Tuhan, luu na bay sohoꞌ na pitu Anak na pa junyaꞌ nalamat kitabi. Iya ilay bay dari manusiyaꞌ meꞌ kitabi du. Pagbiddaan na, kuwan iya, yaꞌ luu dusa na samasakali. Kon na bay dari manusiyaꞌ meꞌ kitabi supaya tasongan na umu na man nanggung mulkaꞌ ni mimon dusa tabi. Dari njataꞌ kapatoy na, lay na llangkat meꞌ Tuhan kawasa napsu tabi ma bay moo-moo kitabi buwat dusa.

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

2 Korin 13:4

Bana na, jaman Almasi llansang taꞌ tehang, bantuk yaꞌ luu kawasa na, sugaꞌ man kawasa Tuhan njataꞌ na, lay du ya llum pabalik. Kami pun, siga rasul Almasi, meꞌ bantuk yaꞌ du tu meꞌ noy kawasa kami. Sugaꞌ mastiꞌ takita du sina mintu kawasa Tuhan njataꞌ kami mainsapan kaam nnaa ma amu-amu buwat kalaatan.

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”

Epesus 3:12

Dari sabap tibuuk na kitabi ka Almasi sampay mangando na niiya, kapatapit na kitabi pa Tuhan. San tabi yaꞌ na alang-kapalang mangaruha niiya batan tatantu tabi na mastiꞌ hinasi jaꞌ kitabi.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 10:10

Dari pagka lay na si Isa Almasi nongan umu na man na nganduwan kahandak Tuhan, ilooy na bay poonan tabi initung sutsiꞌ pa Tuhan. Boꞌ kapatoy na ilay, san yaꞌ na binalikan, batan tasakup na na saumu-umu para muwasan dusa manusiyaꞌ.

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

Hibrani 9:26

Batan bong siꞌ ilay yaꞌ bay tasakup lahaꞌ na muwasan dusa sakayi labba du, malaingkan talpaksaꞌ ya min meka malasahi labba man waktu junyaꞌ bay pinapayak. Sugaꞌ iya ilay bay pitu pa junyaꞌ ni masa batnaa ma pinag-awnan ahil jaman supaya tasongan na na umu na man ngalakkahan dusa tabi sakayi labba du.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Yaꞌkub 5:6

Luu gi sina kam bay kaaku malkalaꞌ jama ma yaꞌ san luu dusa da sampay man da pinapatoy sabapan bi. Boꞌ yaꞌ san luu dapat da ngatu.

1 Pitel 3:19

Sugaꞌ sasang jasad na masi matoy, kuwan Rū na bay pilay pa tahanan siga nyawa pinalisu. Ndooy siꞌ, lay ya masampay umanat ninsila.

1 Pitel 4:1

Na pagka Almasi bay lumingkaꞌ njawom kabinsanaan jaman na ntuu ni junyaꞌ, subay du kam ngingat mastiꞌ luu jaꞌ du kabinsanaan takka pa jataꞌ bi. Sugaꞌ san ilay mintu meꞌ looy, pa kaayaran du ningkaam. Batan soysoy ina natas bininsanaꞌ kalnaꞌ si Isa, tumatandaꞌ lay na labbahan na tabiat na buwat dusa.

1 Pitel 4:6

Na manusiyaꞌ ina sikamimon ndang bay ginantaꞌ matoy sabapan hukuman bay llabuꞌ ninsila. Dari sabapan dusa da, tiksaꞌ na nyawa da. Lipara luu na umanat mahap bay pinasaplag. Dari sagannap ma pitsayaꞌ, san sawpama lay na matoy jasad da, sampulnaꞌ du nyawa da saumu-umu njawom okoman Tuhan.

1 Yahiya 1:9

Sugaꞌ bong kitabi magsabanna pa Tuhan ni bay dusa tabi, mastiꞌ inampun jaꞌ kitabi meꞌ na. Maka sinutsiꞌ na pin pangatayan tabi meꞌ na mari yaꞌ na luu kalaatan tabi. Batan Tuhan ina intong ka kanaalla numan bay janjiꞌ na.