1 Pitel 3:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Subay timanan na mimon kalaatan supaya isu-isu kaayaran pabuwat na. Maka subay pagbuli-bulihan na miha kasalassayan ka jama.

1 Pitel 3:11 ပူးပေါင်းရင်းမြစ်များ

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 5:9

Njawom supaat sina sagannap ma tiggo ngulihal kasalassayan, batan inawnan sila anak Tuhan.

Matiyu 6:13

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Malkus 14:7

Jama miskin ina, mastiꞌ luu jaꞌ ninggai-ninggai mman bi. Sumilan-sumilan kam doman nulung sila, dari jaꞌ. Boꞌ aku tu, yaꞌ na ku humallom ntuu mman bi.

Lukas 1:79

Batan iya ina yana sūꞌ para ni manusiyaꞌ ma njawom lindom, yana sagannap ma awam ni kabanahan sampay tawu ni kapatoy. Maka iya na sina magmundaan kitabi supaya mahap na kitabi pa Tuhan maka supaya tatammu tabi na lān kasalassayan ka pagkahi tabi manusiyaꞌ.”

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Lukas 6:9

yuk si Isa ninsila sikamimon ndooy, “Tilaw ta teꞌ kam. Mamooy lay la numan ni saraꞌ pasal Llaw Pahali, buwat mahap atawa buwat maat? Nalamat pagkahi tabi manusiyaꞌ atawa makaat?”

Yahiya 17:15

Yaꞌ baw tu ngkon ku makuhan sila duwaa supaya sila boo nu pōꞌ man junyaꞌ tuu. Ilooy ya paku ku bong pin agpangan nu jaꞌ sila supaya sila yaꞌ takawum leꞌ Ibilis.

Suwat si Pol pa mman Baanan Sukuꞌ si Isa ndooy ni Rom 12:18

Pagbuli-bulihan bi mogbogan kasalassayan ka mimon jama.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 14:19

Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan.

Suwat si Pol pa mman Baanan Sukuꞌ si Isa ndooy ni Rom 5:1

Na kitabi itu, lay na kitabi initung intong sabap meꞌ tabi pitsayaꞌ ni si Isa Almasi. Dari sabapan Papuꞌ tabi si Isa, mahap na kitabi pa Tuhan.

Suwat si Pol pa mman Baanan Sukuꞌ si Isa ndooy ni Rom 7:19

Dari meꞌ halling sambat ku na siꞌ, kaintongan ma karomanan ku pinabuwat, yaꞌ baw pabuwat ku. Boꞌ na, kalaatan ma sinukang meꞌ ku, ilooy ya pabuwat ku.

Suwat si Pol pa mman Baanan Sukuꞌ si Isa ndooy ni Rom 7:21

Pangissahan ku, san luu dawom ku wā buwat kaintongan, luu na pin napsu ni baran ku kaboo-boo niyaku buwat jinisan dusa.

Suwat si Pol pa mman Baanan Sukuꞌ si Isa ndooy ni Rom 8:6

Na bong ina kita maabak meꞌ ta nganduwan napsu ta, ilooy du takoleꞌ ta katiksaan nyawa. Sugaꞌ bong ina kita makutuꞌ meꞌ ta nganduwan kahandak Rū Sutsiꞌ, ilooy ya takoleꞌ ta kasampulnaan nyawa ka kasannangan njawom atay ta.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

Kolossa 3:15

Tuhan ina bay ngaliyun kitabi supaya kitabi tibuuk pa disu baran sa njawman Almasi maka supaya kitabi wā njawom kasalassayan. Sangkon daa kam buwat oy maka oy na ma kalangkat ni kasalassayan ma lakka man Almasi. Maka subay kam tattap magsuku pa Tuhan.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.

Yaꞌkub 4:17

Indanan bi. Soysoy ina toon bong oy pataꞌ subay pabuwat na, boꞌ yaꞌ isbat na, ndusa sina ya.

1 Pitel 3:12

Batan Tuhan ina ngayaran sagannap ma intong maka wā ya saddiya pakale ni duwaa da. Sugaꞌ bong kinawnan sagannap ma buwat maat, kinuntra meꞌ na.”

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.