1 Pitel 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Meꞌ halling sambat njawom kitab, “Soysoy doman kaallum mahap ka doman njawom kagakan, subay niyaꞌ mitsala pagkahi na pa kalaatan maka subay ya yaꞌ ngandustaꞌ.

1 Pitel 3:10 ပူးပေါင်းရင်းမြစ်များ

Matiyu 19:17

Yuk si Isa, “Ongoy ko nilaw aku bong oy mahap? Isu-isu Tuhan bina mahap. Sangkon bong ko doman koleꞌ kasampulnaan nyawa saumu-umu, subay bogbogan nu siga panohoan na.”

Malkus 8:35

Soysoy ina yaꞌ mean kahandak na kalnaꞌ aku ka umanat mahap, mastiꞌ sampulnaꞌ jaꞌ nyawa na labba man junyaꞌ sampay pa ahirat. Sugaꞌ soysoy ina numbul satu niiya meꞌ na nulut dī na halloman na ntuu ni junyaꞌ, tiksaꞌ nyawa na saumu.

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Yahiya 12:25

“Soysoy ina numbul satu niiya nulut dī na halloman na ntuu ni junyaꞌ, mastiꞌ tiksaꞌ nyawa na. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na saumu labba man junyaꞌ sampay pa ahirat.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Pitel 2:22

Bistahun bi doꞌ, yaꞌ san ya bay buwat dusa samasakali. Dustaꞌ pun, yaꞌ du luu bay pōꞌ man jawom behe na san sakayi.

Siga Pakaradjaan bay Pinalahil 14:5

Yaꞌ sila ngandustaꞌ maka yaꞌ luu sutsutan njataꞌ da.