1 Pitel 2:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

1 Pitel 2:7 ပူးပေါင်းရင်းမြစ်များ

Matiyu 21:42

Pus meꞌ looy siꞌ, yuk si Isa ninsila, “Yaꞌ kilay kam bay kabatsa suwat njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon. Ilooy ilay siꞌ man gantaan Tuhan na du, boꞌ tud kainu-inu ningkitabi.’

Lukas 2:32

Iya na situ sūꞌ man kabangsa-bangsahan ngita kabanahan pasal kau. Maka man sabapan na, binantug na sina mintu siga sukuꞌ nu bangsa Israil.”

Lukas 2:34

Pus meꞌ looy, lay doꞌ sila pakuhan si Simiyun supaat. Maka yuk na ni si Mariyam, “Gantaan man Tuhan, sabapan anak-anak tuu, meka sina mintu bangsa Israil binasa sabap meꞌ da yaꞌ pitsayaꞌ niiya. Sugaꞌ meka du baw sina salamat man sabapan na du. Iya ina mintu yana padduman ma magmundaan manusiyaꞌ pa Tuhan. Salla na, meka jama nuwak iya.

Lukas 20:17

Pag-anu, ilooy ma ngandaꞌ si Isa pa mman da sambayan na halling, “Pooy meꞌ na niyaꞌ? Pahamun bi teꞌ bong oy kamaatunan suwat looy njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.’

Yahiya 4:42

Dari halling da siꞌ man danda looy, “Saꞌ na situ sat ni bay tuntut nu man kami pitsayaꞌ niiya, batan kami na mismu lay na du kale bitsala na. Maka tabista kami na basta tud iya na tukang nalamat manusiyaꞌ.”

Salsila siga Rasul 26:19

“Dari Ampun Sultan Agripa, ilooy ilay siꞌ ma bay sohoꞌ Papuꞌ Isa niyaku jaman na mitsala niyaku man taꞌ langit, lay na du asip ku.

Suwat si Pol pa mman Baanan Sukuꞌ si Isa ndooy ni Rom 10:21

Boꞌ ni kapasal bangsa Israil, yuk Tuhan, “Hallom na silay ku bay nganjunjung nohoꞌ sila patapit niyaku. Sugaꞌ ni katohas kōk da, doman jaꞌ sila nguntra aku sampay yaꞌ ngasip.”

Suwat si Pol pa mman Baanan Sukuꞌ si Isa ndooy ni Rom 15:31

Paku tabi na pin pa Tuhan, kamura-murahan yaꞌ du ku kongoy-kongoy meꞌ jama ma yaꞌ pitsayaꞌ ni si Isa ndooy ni Yahudiya. Maka kamura-murahan kasulutan du siga sukuꞌ Tuhan ni Jerusalem nambut patulungan ma song boo ku pa mman da.

Kolossa 2:10

Almasi ina magbayaꞌ ni mimon ma ngantanan kawasa-kapatut sampay siga seytan ka malaikat. Sangkon kaam ina, langkap-samat na kam sabap tibuuk na kam ka iya.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Hibrani 11:31

Maka si Rehab pun, sabapan pangando na pa Tuhan, yaꞌ ya bay talapay pinapatoy ni siga pagkahi na ma yaꞌ ngisbat Tuhan san iya disu puta. Tandaꞌ pangando si Rehab, pag takka siga sundalu bangsa Israil mayu-mayuhan daira na, lay gi ya nabangan sila sabap pitsayaꞌ ya ni Tuhan da.

Hibrani 4:11

Sangkon, daa na kitabi paagak paasok pa jawom pahaliyan looy. Daa na kitabi ngakig kabboꞌ-bboan tabi ma yaꞌ bay pitsayaꞌ ka yaꞌ bay ngasip ni palman Tuhan taggahaꞌ sampay kitabi pun yaꞌ na du kapaasok.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Pitel 2:4

Na kitabi itu ma pitsayaꞌ ni si Isa ginalla lumaꞌ Tuhan sabap luu na Rū Tuhan bay pinaasok pa jawom atay tabi. Dari ko ngawon, kitabi itu meꞌ sapantun batu llum man Tuhan buwat lumaꞌ na. Kuwan si Isa, meꞌ sapantun batu lambu ma llum man lumaꞌ Tuhan pinatangge mari pagon. Sugaꞌ minsan ya hagaan saꞌ alang-alang sampay bay pineneꞌ meꞌ Tuhan, bay gi du ya tinuwak meꞌ manusiyaꞌ. Boꞌ kitabi baw itu, lay na kitabi nibuuk dī tabi ka iya. Pag toklas na, lay na kitabi dari siga imam sutsiꞌ. Dari yana meꞌ siga imam maruhuꞌ nongan kulban pa Tuhan, kitabi pun luu du songan tabi pa Tuhan, yana dī tabi buwat kahandak na. Boꞌ hinasi jaꞌ kitabi meꞌ Tuhan sabap lay na kitabi sinutsiꞌ meꞌ si Isa Almasi.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.