1 Pitel 2:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ San ya bay pinadiyoꞌ, yaꞌ du ya bay ngumbang. San ya bay bininsanaꞌ, yaꞌ du ya bay nanggup mawos. Gam pin, lay jaꞌ suhuran na pa Tuhan, yana huwis ma patingkat intong.

1 Pitel 2:23 ပူးပေါင်းရင်းမြစ်များ

Panagnaan 18:25

Satā-tā bihing langit, tā lagi ko man naa. Mastiꞌ yaꞌ ko mapatoy jama intong pinatabeꞌ ni jama jahallis, saꞌ ba? Meꞌ kau hukum intong ni labbasakayi taꞌ babaw junyaꞌ, mastiꞌ tuwaꞌ jaꞌ mimon hukuman nu.”

Lukas 23:41

Kita itu pataꞌ pinapatoy sabap tawop ka dusa ta. Boꞌ iya ina yaꞌ dusahan.”

Lukas 23:46

Pag-anu, lay na baw si Isa ngingan pahaddo, yuk na, “Maꞌ, pa-ntan ku na ningkau nyawa ku.” Na paddus na pin si Isa halling meꞌ looy siꞌ, ilooy ma makkat du ya.

Lukas 23:9

Pag taabut na numariya si Isa, tud bay meka tilaw na, sugaꞌ yaꞌ san bay nampung si Isa.

Salsila siga Rasul 17:31

Batan luu du sina mintu disu llaw bay ginantaꞌ meꞌ Tuhan man mimon manusiyaꞌ hinukum meꞌ disu lalla bay pineneꞌ meꞌ na. Hukuman na ilay mintu intong jaꞌ. Lalla looy ilay siꞌ bay na matoy. Sugaꞌ lay na du ya pinakallum meꞌ Tuhan mari tumatandaꞌ na ni manusiyaꞌ sikamimon iya na bay pineneꞌ ngahukum sila.”

Salsila siga Rasul 4:29

“Batnaa Tuhan, takita nu na du bong pooy basag sanggup da njataꞌ kami, siga sosohoan nu. Kamura-murahan buwanan nu na pin kami tawakka masaplag umanat nu.

Salsila siga Rasul 7:59

Sasang da ngahiyak si Esteben, ilooy ma lay ya ngingan, yuk na, “Ū Papuꞌ Isa, sambutun na nyawa ku.”

Salsila siga Rasul 9:1

Na jaman looy, kuwan si Sol baw siꞌ tu, masi na pin nanggup makaat sampay mapatoy soysoy mmeꞌ ni si Isa. Dari lay ya pilay pa mman panghuluꞌ imam

Suwat si Pol pa mman Baanan Sukuꞌ si Isa ndooy ni Rom 2:5

Sabana na, sagannap ma amu-amu tohas kōk da yaꞌ kuhi nawbat, sibuꞌ du sina sila ka sigi-sigi ngumpohan dī da pidjalaꞌ. Pinidjalaꞌ du sina mintu sila pag taabut llaw man huwis looy ma intong, yana Tuhan, ngalabuꞌ hukuman na.

Epesus 6:9

Na kaam pun baw siga papuꞌ, subay du mahap meꞌ bi ka ata bi. Daa sila pasuan bi batan Papuꞌ da ina ni sulgaꞌ yana Papuꞌ bi du. Boꞌ yaꞌ du sina ya magsitingka manusiyaꞌ.

2 Tesaloneka 1:5

Na tatas bi ina ni jinisan laug ka kabinsanaan kalnaꞌ pamarinta Tuhan, yana sipat intong du bandingan Tuhan njataꞌ bi. Batan ni bandingan na, mastiꞌ tawop jaꞌ kam tabeꞌ ni pamarinta na.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 12:3

Na bila kam bininsanaꞌ, intomun bi jaꞌ katiksaan si Isa bay natasan siga baldusa sigi-sigi minsanaꞌ sampay naggaꞌ iya. Meꞌ naa ina, yaꞌ kam kuhi jamu atawa dallaꞌ mmeꞌ niiya.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.

1 Pitel 4:19

Sangkon bong kaam batnaa njawom kabinsanaan man gantaan Tuhan, suhuran bi na jaꞌ dī bi pa Tuhan, ilooy ma bay mapayak kaam saltaꞌ na tapangandohan. Maka darahan bi na meꞌ bi buwat kaayaran.

Siga Pakaradjaan bay Pinalahil 19:11

Pus meꞌ looy siꞌ, takita ku na langit bukaꞌ maka luu ndooy kuraꞌ poteꞌ. Ilooy siꞌ ma bakuraꞌ njataꞌ na inawnan Kanaalla ka Bonto. Intong jaꞌ hukuman na, maka bila ya monoꞌ banta na, mastiꞌ intong jaꞌ du sabapan na.