1 Pitel 2:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Batan lay na kam bay lliyun meꞌ Tuhan pa jawom okoman na supaya kam buwat kaayaran san gi man bi bininsanaꞌ. Sangkon tusun bi na limpaꞌ Almasi ma bay natasan kabinsanaan kalnaꞌ kitabi.

1 Pitel 2:21 ပူးပေါင်းရင်းမြစ်များ

Matiyu 10:38

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya tawop inawnan mulit ku.

Matiyu 11:29

Lillaꞌ kam ka baguru jaꞌ kam niyaku, batan pangatayan ku itu diyoꞌ jaꞌ maka lammaꞌ du. Siga panohoan ku itu yaꞌ du awod inasip maka ma sinukuꞌ meꞌ ku ningkaam maggaan du. Boꞌ na, pag toklas na, nammu gi kam kasannangan njawom atay bi.”

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Lukas 24:26

Saꞌ ba, njawom kitab da, Almasi subay doꞌ duhuꞌ lumingkaꞌ njawom jinisan kamalasahiyan boꞌ na koleꞌ kabantugan saꞌ alang-alang?”

Yahiya 13:15

Maksud ku ilay siꞌ, man ku jaꞌ ngambanan kaam pamintangan supaya kam pun magpadiyoꞌ du siintu-intu meꞌ karuha aku bay magpadiyoꞌ ngintu kaam siꞌ.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Salsila siga Rasul 17:3

Lay ya makitahan sila siga tunaꞌ njawom kitab man na mahatiyan sila subay Almasi lumingkaꞌ doꞌ duhuꞌ njawom kabinsanaan sampay matoy, boꞌ na pinakallum. Pag-anu, yuk si Pol ninsila, “Na si Isa ilay ma bay awnan ku nsiniꞌ, yana Almasi na silay.”

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

1 Korin 11:1

Kainagon ku, yana meꞌ ku ngakig Almasi, akigun bi jaꞌ ku.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Pilipi 2:5

Subay sibuꞌ pamiki bi ka pamiki Isa Almasi.

1 Tesaloneka 3:3

taggahaꞌ takoleꞌ na baw njadjuꞌ pangando bi hangat kam nilaugan. Kamasaꞌ, tasayu bi du sina, ndang bay ginantaꞌ ni sagannap ma mmeꞌ ni Papuꞌ Isa, mastiꞌ lumingkaꞌ jaꞌ njawom kabinsanaan.

1 Tesaloneka 4:2

Yaꞌ na du sina kam awam ni bay tōꞌ kami ningkaam, yana tōꞌ ma bay pasampay kami ni kapatut Papuꞌ tabi si Isa.

2 Timuti 3:12

Sugaꞌ ni sabana na, mimon jama ma tibuuk ka si Isa Almasi, ma doman buwat kahandak Tuhan, mastiꞌ luu jaꞌ du sina masa da nilaugan.

Hibrani 2:10

Na Tuhan ina bay mapayak mimon-mimon maka iya dapu mimon-mimon. Boꞌ na, iya du bay bagaraꞌ subay meka manusiyaꞌ dari anak na hampit ni ehe kabantugan na. Pag-anu, man na majatu garaꞌ na, bay ya mapitu Anak na. Boꞌ lay gi bay ginantaꞌ meꞌ Tuhan subay Anak na ngalingkaan kabinsanaan supaya ya tawop binuwat pa-mmean tabi ka poonan kasalamatan tabi.

1 Pitel 1:20

Halloman junyaꞌ yaꞌ gi bay pinapayak, ndang lay na bay ginantaꞌ meꞌ Tuhan Almasi maddusan kitabi man komkoman Ibilis. Sugaꞌ noy ni timpu batnaa na, ni ahil jaman, boꞌ luu na Almasi bay pinalahil meꞌ Tuhan ningkaam.

1 Pitel 2:24

Boꞌ lay gi paglillaꞌ na baran na llansang taꞌ tehang bong pin tatanggung na jaꞌ dusa tabi. Kon na buwat meꞌ looy supaya patagong na kitabi buwat dusa boꞌ tabi makutuꞌ meꞌ buwat kaintongan. Dari meꞌ halling njawom kitab, “Man sabapan siga bakat bisa ni baran na, kaulian na kitabi.”

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.

1 Pitel 4:1

Na pagka Almasi bay lumingkaꞌ njawom kabinsanaan jaman na ntuu ni junyaꞌ, subay du kam ngingat mastiꞌ luu jaꞌ du kabinsanaan takka pa jataꞌ bi. Sugaꞌ san ilay mintu meꞌ looy, pa kaayaran du ningkaam. Batan soysoy ina natas bininsanaꞌ kalnaꞌ si Isa, tumatandaꞌ lay na labbahan na tabiat na buwat dusa.

1 Pitel 4:13

Gam na kam gāk sabap meꞌ bi bay tabeꞌ ni kabinsanaan bay lingkaan Almasi. Batan pag beleng na ina mintu sampay pinalahil na ehe kabantugan na, magdaruhun gi sina kagakan bi.

1 Yahiya 2:6

Na soysoy mangaku tibuuk ka Tuhan, subay nabiat mōꞌ arat-tabiat meꞌ kadari ni si Isa Almasi.

1 Yahiya 3:16

Na man tabi toon bong oy aseꞌ sabanna, mindoga jaꞌ tabi ni si Isa, batan lay na ga ya nongan umu na kalnaꞌ kitabi. Sangkon kitabi pun subay du mangatas nongan umu tabi kalnaꞌ siga pagkahi tabi sukuꞌ si Isa.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”