1 Pitel 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 2:12 ပူးပေါင်းရင်းမြစ်များ

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 5:11

“Njawom supaat sina kaam ma pinadiyoꞌ, nilaugan sampay pinitnahan sabap meꞌ bi mmeꞌ niyaku.

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 9:8

Pag takita leꞌ baanan jama lundooy, takkahan tawu na sila sampay mudji na ga sila Tuhan sabap meꞌ na bay muwanan manusiyaꞌ kapatut meꞌ looy siꞌ.

Lukas 1:68

“Pudji tabi Papuꞌ tabi Tuhan, ilooy ma sinumba meꞌ bangsa tabi Israil. Ituu na situ masa man na pitu maddusan kitabi sukuꞌ na man jawom komkoman siga banta tabi.

Lukas 19:44

Bbuwatan da ina mintu mapatoy kaam sikamimon sampay ga anak bi. Hansu da na daira bi ka kalumaan bi. Yaꞌ na sina mintu luu takapin nangge san lasa duwa batu magpangkat. Ilooy ilay siꞌ sikamimon tuwaꞌ jaꞌ sina mintu njataꞌ bi sabap yaꞌ bay hasi bi kasalamatan ma bay boo Tuhan pa mman bi.”

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Yahiya 13:31

Paddus jaꞌ bukut si Judas, yuk si Isa, “Yaꞌ na situ hallom takita ehe kawasa-kapatut Anak Manusiyaꞌ. Maka takita na du njataꞌ na ehe kawasa-kapatut Mmaꞌ na Tuhan.

Salsila siga Rasul 15:14

Ndang lay na silay kitabi binaan meꞌ si Saymon Pitel pasal sibuwa Tuhan bay ngahasi siga jama saꞌ Yahudi. Kon ilay Tuhan bay buwat meꞌ looy supaya tumatandaꞌ doman ya jama man mimon bangsa tabeꞌ ni siga sukuꞌ na.

Salsila siga Rasul 24:13

Boꞌ yaꞌ san luu buktiꞌ tapōꞌ da ningkau ni hāl diklamu da njataꞌ ku.

Salsila siga Rasul 25:7

Luu jaꞌ siꞌ si Pol, magti liput na ya meꞌ siga pa-mmean Yahudi looy lakka man Jerusalem. Maka lay na sila mōꞌ jinisan palkalaꞌ bohat njataꞌ na, sugaꞌ yaꞌ du luu buktiꞌ bay tapōꞌ da.

Salsila siga Rasul 28:22

Sugaꞌ ninggai-ninggai jaꞌ lahat, luu jaꞌ jama malaat ntan bahau ma kinapitsayaan meꞌ nu ka ga pagkahi nu. Dari doman kami kale bong oy njawom pamiki nu.”

Suwat si Pol pa mman Baanan Sukuꞌ si Isa ndooy ni Rom 12:17

Bong jama buwat maat ningkaam, daa tungbasan bi ka maat. Maka mōꞌ kam kawul-piil ma yaꞌ tasahawi leꞌ jama.

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

Suwat si Pol pa mman Baanan Sukuꞌ si Isa ndooy ni Rom 15:9

Sugaꞌ saꞌ silay sat kalnaꞌ siga Yahudi kon Almasi bay pitu, arapun sampay kalnaꞌ kabangsa-bangsahan ma saꞌ Yahudi. Sila pun lay na du pinanimbangan mari sila mudji Tuhan na du. Boꞌ ndang meka silay tunaꞌ njawom kitab pasal siga bangsa ma saꞌ Yahudi mudji Tuhan. Yuk disu nabi, “Ū Tuhan, luu du sina masa ni sinōng haboy-haboy na ku ka siga kabangsa-bangsahan ma saꞌ Yahudi mudji kau. Maka ngalang ku kalangan pudji ningkau.”

1 Korin 14:25

Lagiꞌ na, tabista da na katoonan Tuhan mimon ma bay sinipuk njawom atay da. Dari pahangkop na sina sila numba Tuhan maka yuk da ina ningkaam, “Tumatandaꞌ na la ningkami tud inunungan du kam meꞌ Tuhan.”

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 13:7

Maku na pin kami duwaa pa Tuhan, kamura-murahan yaꞌ na kam luu buwat oy maka oy ma maat. Saꞌ baw tu kon kami makuhan kaam meꞌ tuu supaya kami sinanglitan inawnan guru alistu nōꞌ. Arapun binilang kami pandoy atawa niyaꞌ, ilooy ya puhung kami bong pin kam nūs jaꞌ lān intong.

2 Korin 8:21

Kainagon kami itu saꞌ sat ni mata Tuhan man kami buwat kaintongan, arapun sampay ni mata manusiyaꞌ.

Epesus 2:3

Kamasaꞌ, mimon ilay kitabi lay jaꞌ du bay lumingkaꞌ meꞌ looy jaman tabi bay maabak meꞌ nganduwan napsu tabi. Bay jaꞌ du kitabi buwat oy-oy kalaatan bay talangga pamiki tabi. Dari pagka meꞌ looy bay tabiat tabi, mastiꞌ tumiluꞌ jaꞌ kitabi pa jawom mulkaꞌ Tuhan meꞌ karuha mimon manusiyaꞌ ma yaꞌ ngisbat iya.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

1 Tesaloneka 4:12

Dari bong siꞌ tu bean bi jaꞌ palbiatan tuu siꞌ, yaꞌ luu meꞌ bi diyoꞌ ni mata jama ma yaꞌ pitsayaꞌ ni si Isa. Maka san kam yaꞌ na ngaholat binalanjaan meꞌ jama.

1 Timuti 2:2

Maka subay du pakuhan da duwaa siga sultan ka mimon ma ngantanan kawasa-kapatut marinta supaya yaꞌ luu kalingogan ni siga paglahat tabi, maka supaya sumunsayaꞌ na jaꞌ kitabi ngisbat Tuhan ka buwat kahandak na.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

Hibrani 13:18

Siga danganakan, pakuhan bi na pin kami duwaa supaya wā kami moo kabantugan pa Tuhan man sabapan kawul-piil kami. Kamasaꞌ, san itu kami maku meꞌ tuu, katoonan kami du yaꞌ luu ni kawul-piil kami gantaꞌ pataꞌ man kami sinusunan.

Hibrani 13:5

Ilagan bi magnapsu mulakab ni altaꞌ. Magsuku jaꞌ kam ni oy-oy ma luu ningkaam. Ndang-ndang bay du halling Tuhan jawom kitab, “Yaꞌ na sina luu masa bi mbanan ku atawa pabiya ku.”

Yaꞌkub 3:13

Na soysoy kam mista dī bi halul-akka saltaꞌ na ngantanan pangahati lawom, subay buktian bi ka kawul-piil ayad. Boꞌ na, subay diyoꞌ pangatayan bi meꞌ ndang tabiat jama halul-akka.

1 Pitel 2:15

Kainagon Tuhan ina, sabapan kaayaran bi, tapampan bi na behe jama ma kulang akka mitsala kaam pa kalaatan ni kaawam da.

1 Pitel 3:16

Maka bila kam nampungan jama, subay bitsala hanunut-hanunut man bi magmaltabat ninsila. Maka ilagan bi buwat oy maka oy na ma nulang ni honaꞌ-honaꞌ bi. Meꞌ naa ina, bong luu bay mitsala kaam pa kalaatan, iyaꞌ jaꞌ sina sila pag takita da hāp tangge-tingkōꞌ bi njawman Papuꞌ Isa.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.

2 Pitel 3:11

Na pagka mimon-mimon hinansu bbos-bbos, subay paliksaꞌ tabi dī tabi bong pooy tangge-tingkōꞌ tabi ni batnaa. Subay sutsiꞌ kawul-piil tabi. Maka subay kitabi lillaꞌ pa Tuhan