1 Pitel 2:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.

1 Pitel 2:10 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 10:19

Na adakala luu na baw māꞌ ngkon siga Yahudi yaꞌ pitsayaꞌ sabap yaꞌ tahati da umanat mahap. Sugaꞌ daa kam hidjab, batan minsan ina siga bangsa kasohean lay du kahati sampay pitsayaꞌ. Sangkon luu bay sinuwatan meꞌ Nabi Musa njawom kitab ma tuwaꞌ pa bangsa Yahudi, ilooy ma yuk Tuhan, “Padangkiꞌ ta kam sina sampay man bi na lasu sabap patabeꞌ ku na du sina mintu ni sukuꞌ ku kabangsa-bangsahan ma tanyag ningkaam awam pasal aku.”

Suwat si Pol pa mman Baanan Sukuꞌ si Isa ndooy ni Rom 11:30

Kaam ina, siga bangsa saꞌ Yahudi, sibuwa yaꞌ kam bay pitsayaꞌ pa Tuhan. Pag batnaa, pitsayaꞌ na kam. Kon na ilay meꞌ looy sabap timbang ma bay tinuwak meꞌ bangsa Yahudi lay na takka pa mman bi.

1 Korin 7:25

Na pasal kaam ma yaꞌ gi llahan atawa ndahan, luu du situ palbiatan ku ningkaam. Sugaꞌ saꞌ baw tu ga panohoan lakka man Papuꞌ mismu, arapun ituu tu yana palbiatan pamuwan ku ningkaam meꞌ aku disu jama kanaalla ni Papuꞌ sabapan aseꞌ na niyaku.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

Hibrani 4:16

Dari pagka luu na panghuluꞌ imam asahan tabi ma yaꞌ luu sibuꞌ sabanding na, daa na kitabi loman maku tabang pa Tuhan yana poonan aseꞌ. Batan iya ina manimbang ningkitabi maka iya du muwanan kitabi tabang sumilan-sumilan gunahan ningkitabi.