1 Pitel 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Pitel 2:1 ပူးပေါင်းရင်းမြစ်များ

Matiyu 15:7

Magbawuꞌ-bawuꞌ jaꞌ bina kam sutsiꞌ. Tud lay bana tuwaꞌ pa kaam palman ma bay sinuwatan meꞌ Nabi Isaya, ilooy ma yuk Tuhan,

Matiyu 23:28

Bong ndaꞌ mata, kaam jama intong, sugaꞌ njawom atay bi pannoꞌ leꞌ dustaꞌ ka dusa.

Matiyu 24:51

Dari pinidjalaꞌ ya pabasag saꞌ alang-alang sampay inannaꞌ gi ni lugar sagannap ma magbawuꞌ-bawuꞌ jaꞌ sutsiꞌ. Boꞌ ndooy na sila mag-ulawi sampay magkattop naggaan paddi.”

Matiyu 7:5

Magbawuꞌ-bawuꞌ jaꞌ bina kam sutsiꞌ. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Malkus 12:15

Na si Isa baw siꞌ tu, tasayu na du maksud da. Dari yuk na, “Kaam tu, magbawuꞌ-bawuꞌ jaꞌ bina kam hilas nilaw. Ongoy kam nallok-nallok aku? Boonan bi teꞌ ku pitu disu pilak mari ta-ndaꞌ ku.”

Lukas 11:44

“Siya-siya kam la siga Parisi! Ndaꞌ mata, sutsiꞌ kam ni poan, sugaꞌ yaꞌ san tasayu jama tud lamaꞌ njawom atay bi. Sibuꞌ du kam ka kubu yaꞌ magsunduk tagiok leꞌ jama. Yaꞌ san tasayu da ga luu njawom na haluꞌ ma katamak ninsila.”

Lukas 12:1

Na jaman looy siꞌ, libu-libuhan na manusiyaꞌ lay kumpo ni awpan si Isa. Magdogsog-dogsog na sila sampay sikagiok-kagiok battis na ga. Na pag nagnaꞌ si Isa mitsala, duhuꞌ-duhuꞌ yuk na ni ga mulit na, “Iyakin kam mari kam yaꞌ kalakkotan meꞌ arat siga Parisi. Sila ina magbawuꞌ-bawuꞌ jaꞌ sutsiꞌ. Kalaatan da ina meꞌ karuha pasulig njawom addunan taligu. Batan tabiat pasulig ina, san dangkitiꞌ du inannaꞌ, pag ngassob na, kalakkotan mimon addunan na.

Lukas 6:42

Yaꞌ sina sikatuwaꞌ bong kam magtuyuꞌ ngalakkahan boboꞌ-boboꞌ ni mata soheꞌ bi, bong masi luu batang ni mata bi. Magbawuꞌ-bawuꞌ jaꞌ sina kam sutsiꞌ bong kam buwat meꞌ looy. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Suwat si Pol pa mman Baanan Sukuꞌ si Isa ndooy ni Rom 1:29

Pannoꞌ atay da leꞌ jinisan kalaatan ka kabingkokan ka napsu mulakab. Dahulakaꞌ sila maka dangkiꞌ sila. Inaa jaꞌ jawom atay da, doman sila mapatoy jama, sasaꞌ, ngalilu, ka makaat jama. Pangalimut sila maka

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 5:8

Sangkon daa na takupan tabi kapatoy si Isa kalnaꞌ kitabi. Tikutan tabi na mimon kalaatan ka pabuwatan ma makaat pagkahi tabi manusiyaꞌ. Bogbogan tabi na kasutsian tabi. Maka subay kitabi wā mitsala kabanahan.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Epesus 4:31

Sangkon sapatut na, labbahan tabi na mimon kato tabbuk tabi ka lasu tabi sampay lammis tabi. Ddong na tabi ngalebeꞌ-lebean jama atawa mitna. Intong na, mimon kalaatan tabi ni pagkahi tabi manusiyaꞌ, labbahan tabi na.

1 Tesaloneka 2:3

Kami ilay bay masaplagan kaam, yaꞌ bay luu njawom umanat kami gantaꞌ man magsian jama. Damikiyan, yaꞌ du bay luu niyat kami maat maka yaꞌ du bay luu maksud kami ngandupang jama.

1 Timuti 3:11

Damikiyan, kuwan nda tukang nabang, subay du hatu maka subay yaꞌ pandoy mitna. Subay ya pandoy ngagak dī na sampay taasahan buwat mimon ma sinukuꞌ niiya.

Taytus 2:3

Damikiyan baan nu du sagannap matatoa ma danda, arat-tabiat da subay moo kabantugan pa Tuhan. Subay sila yaꞌ mitna maka subay yaꞌ minarat ni inuman kalango. Subay sila noan

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Yaꞌkub 1:21

Sangkon labbahan bi na mimon ma katamak ningkaam ka mimon kalaatan ma pinaabak meꞌ jama, boꞌ bi magpadiyoꞌ na pa Tuhan. Maka ngasip na kam ni palman na ma lay na bay inannaꞌ njawom atay bi. Batan palman na ina kasalamat ningkaam.

Yaꞌkub 3:14

Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

Yaꞌkub 4:11

Siga danganakan, daa kam mitsala pagkahi bi pa kalaatan. Bong ina kam buwat meꞌ naa atawa pun os-os manding pagkahi bi pa kalaatan, sat bi saꞌ māꞌ yaꞌ luu pūs saraꞌ Tuhan pasal meꞌ sikaaseꞌ-kaaseꞌ. Sibuꞌ du karuha bi ka bay buwat dī bi magpandoy-pandoy manding saraꞌ Tuhan bong tuwaꞌ atawa niyaꞌ. Boꞌ saꞌ sina sukuꞌ bi manding saraꞌ na. Kaam ina, sukuꞌ bi tinggal ngasip jaꞌ.

Yaꞌkub 4:5

Daa kam mista suwat njawom kitab meꞌ baliyu pingkaꞌ jaꞌ, ilooy ma yuk na, “Rū ma bay pinaasok meꞌ Tuhan pa jawom atay tabi pangimbu. Kainagon na subay Tuhan numbul satu kinaasean meꞌ tabi.”

Yaꞌkub 5:9

Siga danganakan, daa kam mitsala pagkahi bi pa kalaatan taggahaꞌ kalabuan na baw kam mintu hukuman. Batan tapit na sina katakka Huwis looy ma Patingkat. Dari ko ngawon, luu na ya nangge ni poan lawang bi.

1 Pitel 2:16

Kaam ina, lay na kam pinaddusan man mulkaꞌ Tuhan. Sugaꞌ daa jaꞌ buwatun bi kasumunsayaan bi subay ga katarangan man bi buwat kalaatan. Gam pin, bogbogan bi arat-tabiat ma ndang hinolat ni siga ata Tuhan.

1 Pitel 2:22

Bistahun bi doꞌ, yaꞌ san ya bay buwat dusa samasakali. Dustaꞌ pun, yaꞌ du luu bay pōꞌ man jawom behe na san sakayi.

1 Pitel 3:10

Meꞌ halling sambat njawom kitab, “Soysoy doman kaallum mahap ka doman njawom kagakan, subay niyaꞌ mitsala pagkahi na pa kalaatan maka subay ya yaꞌ ngandustaꞌ.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.

1 Pitel 4:4

Boꞌ jayip gi sila pag ndaꞌ da yaꞌ na kam mmeꞌ ninsila buwat kalaatan meꞌ looy siꞌ. Sangkon binitsala gi kam meꞌ da pa kalaatan.

Siga Pakaradjaan bay Pinalahil 14:5

Yaꞌ sila ngandustaꞌ maka yaꞌ luu sutsutan njataꞌ da.