1 Pitel 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Pitel 1:8 ပူးပေါင်းရင်းမြစ်များ

Matiyu 10:37

“Soysoy maaseꞌ ni induꞌ mmaꞌ na labi man aku, yaꞌ ya tawop inawnan sukuꞌ ku. Damikiyan, soysoy maaseꞌ ni ga anak na labi man aku, yaꞌ du ya tawop inawnan sukuꞌ ku.

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 14:21

Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”

Yahiya 14:24

Boꞌ jama ina ma yaꞌ maaseꞌ niyaku, mastiꞌ yaꞌ du mmeꞌ ni bitsala ku. Subay siꞌ saꞌ meꞌ naa batan umanat ma takale bi man ku lakka man Mmaꞌ ku ma bay mapitu aku, saꞌ lakka man dī ku.

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 20:29

Pag tampung si Isa niiya, “Kau ina pitsayaꞌ noy luu na ku takita nu. Sugaꞌ labi gi sina mehe supaat njataꞌ sagannap ma pitsayaꞌ niyaku minsan ku yaꞌ bay takita da.”

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

1 Korin 16:22

Kamura-murahan soysoy yaꞌ luu aseꞌ na ni Papuꞌ Isa sinumpaan du meꞌ Tuhan. Kamura-murahan takka na Papuꞌ deꞌ-dēꞌ.

2 Korin 1:22

Damikiyan iya na du sina bay maasok Rū Sutsiꞌ pa jawom atay tabi tandaꞌ sukuꞌ na na kitabi. Boꞌ Rū Sutsiꞌ ina yana buktiꞌ man tabi kasiguru koleꞌ mimon ma bay njanjiꞌ meꞌ Tuhan ni sukuꞌ na.

2 Korin 12:4

Ndooy siꞌ, luu bay takale na pakaradjaan kainu-inu ma yaꞌ luu bitsala tatammu man mahati. Boꞌ na, yaꞌ dari sinabbut meꞌ manusiyaꞌ.

2 Korin 4:18

Dari kitabi itu, kon tabi natas batan ilooy pinandang meꞌ tabi ma yaꞌ takita, yana hāl Tuhan. Batan siga pakaradjaan ma takita ina ntuu ni junyaꞌ, sandaꞌ-sandaꞌ jaꞌ. Boꞌ siga ilooy ma yaꞌ takita natas saumu-umu.

2 Korin 5:7

San meꞌ looy, halloman tabi itu llum ni junyaꞌ tuu, mangando jaꞌ kitabi ni Papuꞌ Isa san yaꞌ gi takita tabi ilooy ma bay hinalliꞌ ningkitabi.

2 Korin 9:15

Magsuku pa Tuhan lay na dean na kitabi ladjikiꞌ mehe ma yaꞌ luu sibuꞌ sabanding na.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Epesus 6:24

Maka kamura-murahan luu na pin barakat man Tuhan ni jataꞌ sagannap ma yaꞌ kuhi maglumba aseꞌ da saumu-umu ni Papuꞌ tabi si Isa Almasi. Wassalam

Pilipi 1:25

Sangkon tatantu ku humallom gi situ ku ntuu ni junyaꞌ. Meꞌ looy ilay, katabang na pin ku ningkaam supaya magsasōng na pin kagakan bi ka pangando bi ni Almasi.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Pilipi 4:4

Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.

Hibrani 11:1

Na bong ina luu pangando tabi pa Tuhan, tatantu tabi takoleꞌ tabi jaꞌ mimon ma agad tabi ma bay njanjiꞌ meꞌ Tuhan. Minsan yaꞌ lagi takita tabi ilooy ma hinolat meꞌ tabi, pagka luu pangando tabi, yaꞌ na tabi hawal-hawalan mastiꞌ luu jaꞌ masa na takoleꞌ tabi.

Hibrani 11:27

Dari sabapan pangando Nabi Musa pa Tuhan, lay du boo na mimon bangsa na lakka man Ejip. Boꞌ yaꞌ na ya tawu san biddaꞌ na lasu sultan niiya. San kajinisan katiksaan bay lingkaan na, lay jaꞌ tatasan na sabap takita-kita na na Tuhan ma yaꞌ takita ngunungan iya.

1 Pitel 1:6

Dari sabap meꞌ looy, yaꞌ du lakka kagakan bi minsan kam tuwaꞌ kamalasahiyan ka jinisan kabinsanaan samantalaꞌ ntuu ni junyaꞌ.

1 Pitel 2:7

Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.