1 Pitel 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Dari sabap meꞌ looy, yaꞌ du lakka kagakan bi minsan kam tuwaꞌ kamalasahiyan ka jinisan kabinsanaan samantalaꞌ ntuu ni junyaꞌ.

1 Pitel 1:6 ပူးပေါင်းရင်းမြစ်များ

Matiyu 11:28

“Kaam ma tud lamma sampay kabohatan leꞌ kasusahan, pitu kam pa mman ku, boꞌ bi buwanan ku kasannangan njawom atay bi.

Matiyu 26:37

Sugaꞌ lay gi baw boo na si Pitel ka ga anak si Sibidi sikaduwa. Pag-anu, takkahan susa na si Isa maka yaꞌ na katoon-toonan na parasahan na.

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Lukas 1:47

Tud gāk ku ni Tuhan, yana tukang nalamat aku.

Lukas 10:20

Sugaꞌ saꞌ du sina inaa puntukan banahan man bi gāk sukat kam inasip meꞌ siga seytan. Arapun ilooy ya subay kagakan bi banahan, sabap lay na sinuwatan awon bi ni listahan jama sukuꞌ sulgaꞌ.”

Lukas 2:10

Sugaꞌ yuk malaikat looy ninsila, “Daa kam ba tawu. Aku itu bay pitu masampay umanat mahap ningkaam ma kagak-gāk saꞌ alang-alang ni bangsa sikamimon.

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Suwat si Pol pa mman Baanan Sukuꞌ si Isa ndooy ni Rom 12:12

Maka pagka luu holat tabi ayad man Tuhan, subay kitabi gāk. Bila luu kasusahan tabi, tatasan tabi na sadjaꞌ. Maka bila luu paku tabi pa Tuhan, daa kitabi jamu maku.

Suwat si Pol pa mman Baanan Sukuꞌ si Isa ndooy ni Rom 5:11

Dari gāk na situ kitabi banahan batan lungbid na kitabi ka Tuhan sabapan pabuwatan Papuꞌ tabi si Isa Almasi. Isu-isu iya poonan man tabi mahap na pa Tuhan.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Pilipi 2:26

Kon ku itu nohoꞌ iya moleꞌ pa mman bi batan ngintom na konoꞌ ya banahan ningkaam sikamimon. Maka susa ya taggahaꞌ gampang na pin kam pagka lay taaka bi bay ya saki.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Pilipi 4:4

Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

Yaꞌkub 1:2

Siga danganakan, bila kam tumabbaꞌ njawom jinisan kasusahan, bilangun bi jaꞌ kagakan.

Yaꞌkub 1:9

Siga danganakan, kaam ma miskin, luu du baw sina man bi gāk san kam miskin batan bong pa Tuhan, kaam jama balkanan.

Yaꞌkub 4:9

Man bi nnaa tatto-tatto, gam na kam magtangisan ka magkarukkaan sabapan dusa bi. Man bi nnaa gāk, gam na kam sasso ni dusa bi.

1 Pitel 3:17

Sangkon, bong hati ginantaꞌ meꞌ Tuhan subay kam ngalingkaan kabinsanaan, gam na sabap ni kaintong bi; daa jaꞌ sabap meꞌ bi bay buwat maat.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.