1 Pitel 1:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Sugaꞌ bong palman Tuhan, natas saumu-umu.” Boꞌ na, palman ina yana umanat mahap ma bay pinasaplag ningkaam.

1 Pitel 1:25 ပူးပေါင်းရင်းမြစ်များ

Matiyu 5:18

Baan ta kam banahan, halloman itu luu gi gumi ka langit, bong inawnan saraꞌ Tuhan, yaꞌ sina luu tabaluba. San disu tumbuk atawa pun disu batang suwat siga saraꞌ, yaꞌ sina lungay ngkod-ngkoran yaꞌ gi bay magjatu garaꞌ Tuhan labbasakayi.

Lukas 16:17

Sugaꞌ yaꞌ baw tu sukat ku bay halling meꞌ tuu ga pinalungay na hagaꞌ saraꞌ Nabi Musa. Mas mura gi lungay gumi ka langit man disu batang suwat saraꞌ binaluba.

Yahiya 1:1

Ni panagnaan, ndang luu na Palman. Maka Palman ilay ndang wā dambuwaꞌ ka Tuhan. Boꞌ na, Palman yana Tuhan.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

1 Korin 2:2

Batan ilooy du ilay bay hagaan niyaku bong pin tapasaplag ku jaꞌ umanat pasal Almasi sampay kapatoy na taꞌ tehang.

Epesus 2:17

Dari maksud Almasi ilay bay pitu pa junyaꞌ masaplag umanat mahap supaya luu na lawang man manusiyaꞌ mahap na pa Tuhan. Boꞌ umanat na ina, lay na pinasampay ni bangsa Yahudi ma milang dī da tapit pa Tuhan sampay na ningkaam ma bay lawak man Tuhan.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

1 Pitel 1:12

Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.

1 Pitel 1:23

Batan sibuꞌ du sina kam ka lay na pinamaddihan pabalik. Sugaꞌ kaallum bi ina ma bahau saꞌ na meꞌ kaallum bi sibuwa ma lakka man induꞌ-mmaꞌ bi ma kuhi gi matoy. Arapun kaallum bi ina ma bahau lakka man Tuhan sabanna ma llum saumu-umu. Danan bi ilay bay koleꞌ kaallum bahau sabap meꞌ bi pitsayaꞌ ni palman Tuhan. Batan palman na ina muwan kaallum bahau maka yaꞌ kuhi baluba saumu-umu.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

2 Pitel 1:19

Dari pagka lay takita kami sampay lay na takale kami ilooy siꞌ sikamimon, magdaruhun na meꞌ kami kasiguru tud bana du siga tunaꞌ kanabi-nabihan pasal Almasi. Suwat da ilay njawom kitab meꞌ sapantun sūꞌ ninag njawom lindom. Sangkon subay indanan bi bitsala da ngabut sampay ninag na Kababbasan njawom atay bi sampay pakallat na mataallaw. Hati na, ngabut sampay takka na Almasi marantaan mimon pamiki bi.

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

Siga Pakaradjaan bay Pinalahil 14:6

Pag-anu siꞌ, ngita na baw ku disu malaikat lomeng taꞌ langit moo umanat mahap ma yaꞌ halin saumu. Umanat looy siꞌ pinasaplag meꞌ na ni sikamimon kabangsa-bangsahan taꞌ babaw junyaꞌ ni mimon kalahat-lahatan, kaniya-kaniya ka jinisan pallun da.