1 Pitel 1:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Dari pagka lay na kam sinalamat leꞌ Tuhan, patattogun bi na pamiki bi makutuꞌ kahandak na, maka agakun bi dī bi. Maka daa kam jamu ngaholat ni supaat ma ndean kaam pag beleng si Isa Almasi.

1 Pitel 1:13 ပူးပေါင်းရင်းမြစ်များ

Matiyu 20:4

Dari yuk na, ‘Bong yaꞌ luu buwatan bi, boꞌ kam doman buwat, pilay kam pa kabbun ku. Pagsipataꞌ ku sa gadji bi ka halloman man bi bay buwat.’

Lukas 12:35

Maka yuk si Isa lagi, “Subay kam saddiya ni katakka ku ni sinōng meꞌ sapantun siga ata ngagad katakka papuꞌ da ma lay mmeꞌ ngawin. Bong ina siga ata mahap, ndang akket na sūꞌ da supaya pag takka papuꞌ da nugtug lawang, tahan da mukis.

Lukas 17:30

Damikiyan, pag beleng Anak Manusiyaꞌ itu bbos-bbos, yaꞌ du taingat jama.

Lukas 17:8

Gam pin yuk bi, ‘Saynan nu na badjuꞌ nu. Busahan nu doꞌ ku, boꞌ nu motang. Noy ku lupus na mangan, boꞌ nu pasīng.’

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Suwat si Pol pa mman Baanan Sukuꞌ si Isa ndooy ni Rom 8:19

Llaw looy ilay mintu pag palahil Tuhan na kaayaran ka kabantugan ma bay hinalliꞌ ni siga anak na, tud mahap na saꞌ alang-alang. Minsan mimon-mimon ma bay pinapayak ni junyaꞌ, balnyawa maka saꞌ balnyawa, dari ko ngawon, pinagdautan du meꞌ da llaw looy mintu.

1 Korin 1:7

Boꞌ na, ni hāl siga ladjikiꞌ ma pamuwan Rū Sutsiꞌ, yaꞌ na luu kulang bi samasakali halloman bi ngagad ni katakka Papuꞌ tabi si Isa Almasi.

1 Korin 13:13

Dari luu situ tallu pakaradjaan subay tattap kinanna meꞌ tabi, yana pangando pa Tuhan ka holat ni siga janjiꞌ Tuhan sampay aseꞌ pa Tuhan ka pagkahi tabi manusiyaꞌ. Sugaꞌ ni ituu siꞌ sikatallu, ilooy patingkat hagaan, yana aseꞌ.

Epesus 6:14

Na siga kalangkapan man bi ngatuhan siga seytan ina meꞌ tuu: Duhuꞌ-duhuꞌ subay kam wā nanggehan kabanahan. Batan kabanahan ina bong dalil ta pa kalangkapan sundalu, yana kambot bi. Pasunuꞌ, subay kam wā paintong. Batan kaintongan bi ina binilang ampi bassi para dakan bi.

Kolossa 3:4

Dari pagka kaallum Almasi yana kaallum tabi, pag taabut na mintu pinalahil, malaingkan tabeꞌ na du kitabi ni kabantugan na.

2 Tesaloneka 1:7

Boꞌ kaam baw ina ma bininsanaꞌ sampay na kami, gam pin binuwanan sina mintu pahaliyan pag taabut katakka Papuꞌ Isa man sulgaꞌ ddas ka siga malaikat na ni kaehe kawasa da.

2 Timuti 4:5

Na kuwan kau Timuti, subay ko wā ngagak dī nu ni mimon kahalan nu. Bong ko tumabbaꞌ njawom kamalasahiyan kalnaꞌ Papuꞌ, tatasan nu jaꞌ. Pagbuli-bulihan nu masaplag umanat mahap pasal si Isa. Pajatuhun na mimon ma bay hinalap meꞌ Tuhan ningkau.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

Hibrani 6:19

Holat tabi ina meꞌ karuha bahudjiꞌ ngagot ni tanaꞌ diyoꞌ mari kitabi yaꞌ usik man okoman Tuhan. Kon luu holat tabi batan luu na pag-asa tabi, yana si Isa Almasi. Iya ilay panghuluꞌ imam tabi. Boꞌ pagkaimam na ina sibuꞌ karuha na ka ni si Melkisedek, yaꞌ luu katapusan na. Si Isa ilay lay na duhuꞌ man kitabi paasok pa jawom Lugar Pinakasutsiꞌ ni pag-awpan Tuhan mari kitabi mahap na pa Tuhan. Sangkon yaꞌ na kitabi alang-kapalang paawop pa Tuhan.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

1 Pitel 1:10

Ni kapasal aseꞌ Tuhan nalamat kitabi, ndang bay silay tinunaꞌ meꞌ kanabi-nabihan. Sugaꞌ yaꞌ gi bay tumampak banahan ninsila. Sangkon wā sila papiha-piha bong oy kamaatunan bay tunaꞌ da.

1 Pitel 3:15

Arapun ituu ya kannahun bi: Almasi yana Papuꞌ bi. Sangkon isbatun bi ya. Maka bila luu nilaw kaam bong oy kamumpaatan hinolat meꞌ bi taggahaꞌ ilu na kam mmeꞌ ni Almasi, subay kam ndang wā saddiya ka tampung ayad.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

1 Pitel 5:12

Na ni kapasal suwat tuu, luu situ bay sohoꞌ ku nuwatan bitsala ku, yana si Saylas, disu danganakan tabi kanaalla. Suwat tuu itu man ku mataggu iman bi maka man ku maintoman kaam pasal ehe aseꞌ-tabang Tuhan ningkaam mari kasengan bi.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.