1 Pitel 1:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.

1 Pitel 1:12 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Malkus 16:15

Pag-anu, lay gi sila sinohoꞌ meꞌ si Isa, yuk na, “Lataan bi na junyaꞌ maka pasaplagun bi na umanat mahap pasal aku ni sikamimon manusiyaꞌ.

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 2:26

Lay gi pinalahil meꞌ Rū Sutsiꞌ niiya, yaꞌ gi ya matoy ngkod-ngkoran yaꞌ gi bay takita na tukang nalamat, yana Almasi ma bay njanjiꞌ meꞌ Tuhan.

Lukas 9:6

Dari siꞌ, lay na lumān ga rasul na ngalataan kakawum-kawman masaplag umanat mahap pasal pamarinta Tuhan. Maka lay na du sila ngulian sagannap ma sakihan.

Yahiya 15:26

Pag-anu yuk si Isa lagi, “Yaꞌ na situ hallom, papitu ku sa pa mman bi Tukang Nabang, yana Rū Sutsiꞌ lakka man Mmaꞌ ku. Iya sa malahil kabanahan ningkaam. Pag takka na, iya sa muwanan jama pangahati pasal aku.

Salsila siga Rasul 10:44

Na sasang si Pitel masi mitsala, sarunduun du luu Rū Sutsiꞌ duwai sampay patannaꞌ ni labbasakayi ndooy ma pakale ni umanat na.

Salsila siga Rasul 16:10

Pag sayu, magti du kami miha adjung man kami mmeꞌ pa Masidunya. Tabista kami na man sabapan pandapat si Pol, lay kami sohoꞌ Tuhan masaplag umanat mahap ni ga jama ndooy.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Salsila siga Rasul 4:31

Na paddus da siꞌ maku duwaa, sarunduun du jogjog lumaꞌ man da kumpo sampay ssob na ga sila sikamimon meꞌ Rū Sutsiꞌ. Dari hallot na tawakka da masaplag umanat Tuhan.

Salsila siga Rasul 4:8

Na si Pitel siꞌ tu, ssob na meꞌ Rū Sutsiꞌ. Dari yuk na ninsila, “Kaam, siga pa-mmean bangsa tabi ka ga matatoa ni agama,

Salsila siga Rasul 8:25

Na halloman ga si Pitel siꞌ ka si Yahiya ndooy, bbuwatan da nuntut mimon ma bay tasakup da pasal Papuꞌ Isa. Maka lay gi sila masampay umanat na. Pag lupus, lay na sila pabeleng pa Jerusalem. Lān da pilay, meka gi kakawum-kawman ndooy ni Samariya man da bay maghāsan masaplag umanat mahap pasal si Isa.

Suwat si Pol pa mman Baanan Sukuꞌ si Isa ndooy ni Rom 1:15

Sangkon na, bong mintu luu dapat ku, tud doman ku pilu masaplag umanat mahap ni siga jama nnaa ni Rom.

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Suwat si Pol pa mman Baanan Sukuꞌ si Isa ndooy ni Rom 10:15

Maka yaꞌ du sina luu masaplag bong yaꞌ bay sinohoꞌ meꞌ Tuhan. Ni kapasal sila ma bay sinohoꞌ, yuk njawom kitab, “Tud kagak-gāk katakka sagannap ma moo umanat mahap pasal kasalamatan.”

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

1 Korin 2:10

Na siga supaat looy ilay siꞌ, lay na pinalahil meꞌ Tuhan ningkitabi man tabang Rū Sutsiꞌ muwanan kitabi pangahati. Batan katoonan Rū Sutsiꞌ mimon-mimon. Minsan hāl ma sinipuk banahan njawom atay Tuhan, katoonan na du.

2 Korin 1:22

Damikiyan iya na du sina bay maasok Rū Sutsiꞌ pa jawom atay tabi tandaꞌ sukuꞌ na na kitabi. Boꞌ Rū Sutsiꞌ ina yana buktiꞌ man tabi kasiguru koleꞌ mimon ma bay njanjiꞌ meꞌ Tuhan ni sukuꞌ na.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Galatiya 1:12

Damikiyan, yaꞌ du bay takoleꞌ ku man manusiyaꞌ. Yaꞌ sina luu guru bay noan aku. Arapun umanat looy ilay bay pinalahil niyaku meꞌ si Isa Almasi mismu.

Galatiya 1:16

Lay na palahil Tuhan Anak na niyaku supaya tapasampay ku na umanat mahap pasal iya ni kabangsa-bangsahan ma saꞌ Yahudi. Dari yaꞌ na san ku bay mangaruha ni soy maka soy na bong oy subay pabuwat ku.

Epesus 3:10

Maksud Tuhan ina, njataꞌ kawul-piil sagannap ma pitsayaꞌ ni Almasi, pakitahan na mimon malaikat ka siga seytan bong pooy lawom akka na ka pangahati na majatu garaꞌ na.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.

Hibrani 4:2

Batan kitabi pun itu, lay na du kale umanat mahap pasal pahaliyan bay hinalliꞌ ningkitabi meꞌ karuha umanat bay takale leꞌ kabboꞌ-bboan tabi. Sat na jaꞌ kuwan ninsila, yaꞌ sila bay kapaasok sabap yaꞌ sila bay pitsayaꞌ ni umanat Tuhan ninsila.

1 Pitel 1:25

Sugaꞌ bong palman Tuhan, natas saumu-umu.” Boꞌ na, palman ina yana umanat mahap ma bay pinasaplag ningkaam.

1 Pitel 4:6

Na manusiyaꞌ ina sikamimon ndang bay ginantaꞌ matoy sabapan hukuman bay llabuꞌ ninsila. Dari sabapan dusa da, tiksaꞌ na nyawa da. Lipara luu na umanat mahap bay pinasaplag. Dari sagannap ma pitsayaꞌ, san sawpama lay na matoy jasad da, sampulnaꞌ du nyawa da saumu-umu njawom okoman Tuhan.

Siga Pakaradjaan bay Pinalahil 5:11

Mindangoy ko, ngita na baw ku sampay kale gi ku laksaꞌ-laksaan malaikat ni sikaliput paningkoan looy ka ga balnyawa looy sika-mpat sampay ga matatoa looy.