1 Pitel 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

1 Pitel 1:1 ပူးပေါင်းရင်းမြစ်များ

Matiyu 10:2

Awon siga rasul looy siꞌ sikasapu-duwa yana ituu: Duhuꞌ si Saymon ma pinag-awnan si Pitel maka danganakan na si Andru. Pasunuꞌ, si Yaꞌkub maka danganakan na si Yahiya, siga anak si Sibidi.

Matiyu 24:22

Bong siꞌ ilay mintu yaꞌ bay kulangan Tuhan halloman kamalasahiyan meꞌ looy, mastiꞌ katis jaꞌ manusiyaꞌ man taꞌ babaw junyaꞌ. Lipara, kalnaꞌ sagannap ma bay peneꞌ Tuhan sukuꞌ na, kulangan na du sina mintu halloman kamalasahiyan meꞌ looy.”

Matiyu 4:18

Na disu llaw sasang si Isa lumān ni bihing Danaw Jalil, luu takita na duwa lalla padidilawut ngalambat, yana si Saymon ma pinag-awnan si Pitel ka danganakan na si Andru.

Lukas 18:7

Labi na bong Tuhan saꞌ nabangan siga sukuꞌ na ma maku duwaa pa mman na sangom-llaw. Mastiꞌ tanggehan na jaꞌ sina kaintongan da. Yaꞌ sina ya mabiya sila.

Yahiya 11:52

Boꞌ kapatoy na ilay, saꞌ silay sat kalnaꞌ bangsa Yahudi, arapun sampay kalnaꞌ jama man mimon kabangsa-bangsahan. Batan tabeꞌ du sila dari siga anak Tuhan bbos-bbos. Kahandak Tuhan ina sagannap siga anak na ni sikaliput junyaꞌ, bangsa Yahudi sampay na siga bangsa saꞌ Yahudi, tibuuk na na pa disu baanan sa.

Yahiya 7:35

Dari siꞌ, sitilaw-tilaw na ga siga pa-mmean Yahudi, yuk da, “Paninggai doꞌ ilay tiluꞌ lalla looy yaꞌ san konoꞌ ya tatammu tabi? Marean ta pilay ya pa lahat sarī man kasohean pagkahi tabi Yahudi maglahat, boꞌ na noan bangsa Greek ndooy.

Salsila siga Rasul 18:2

Ndooy siꞌ ni Korin, lay ya sitammu ka disu Yahudi inawnan si Akila, jama man Pontus. Iya siꞌ tu bahau jaꞌ takka man Itali ka nda na si Prisila. Kon da bay lakka mandooy batan lay na pinalahi mimon bangsa Yahudi man Rom meꞌ Sultan Kalawdiyus. Na yaꞌ gi siꞌ hallom, lay na baw si Pol pilay ngandaꞌ-ngandaꞌ ga si Akila.

Salsila siga Rasul 18:23

Hallom-hallom jaꞌ siꞌ ya ndooy ni Antiyok, lay na baw ya pilay pabalik pa Galatiya ka Pirigiya. Ndooy siꞌ, lay na baw ya ngalataan lahat mataggu iman sukuꞌ si Isa sikamimon.

Salsila siga Rasul 19:10

Njawom duwan taun meꞌ looy na jaꞌ siꞌ bay pabuwatan na. Dari mimon jama ma maglahat ni Asiya, bangsa Yahudi atawa saꞌ Yahudi, lay na pingkaꞌ kale umanat pasal Papuꞌ Isa.

Salsila siga Rasul 6:9

Sugaꞌ san meꞌ looy, luu gi kasohean nulang iya. Ilooy siꞌ ma nulang yana siga jamaa Yahudi man langga inawnan Langga Pridmen. Kasohean sila lakka man Sayrin maka man Aleksandriya ka kasohean sila man Silisiya ka Asiya. Sila ilay siꞌ labbasakayi, doman jaꞌ nual si Esteben ka nganjawap.

Salsila siga Rasul 8:4

Na ga ilooy siꞌ ma bay ngalataan kalahat-lahatan maglahiyan, amu-amu masaplag umanat mahap pasal si Isa ninggai-ninggai jaꞌ man da bay tumiluꞌ.

1 Korin 16:19

Batnaa, pasampay ku doꞌ ningkaam salam duwaa siga baanan sukuꞌ si Isa ni kakawum-kawman ntuu ni Asiya. Si Akila ka si Prisila pun sampay mimon sukuꞌ si Isa ma mmeꞌ numba ni lumaꞌ da, lay du nohoꞌ masampay salam duwaa da ningkaam.

2 Korin 1:8

Siga danganakan, tuntutan ta doꞌ kam pasal kabinsanaan ma bay talingkaan kami ndooy ni Asiya. Tud bay landuꞌ basag laug njataꞌ kami. Agon yaꞌ na tatatas kami sampay yaꞌ na san kami bay ngaholat ga llum gi kami.

Epesus 2:12

Sibuwa, yaꞌ san bay katoonan bi bong soy Almasi. Maka yaꞌ bay luu lamud bi ni bangsa Israil ma bay peneꞌ Tuhan sukuꞌ na. Jaman looy, masi kam awam ni siga janjiꞌ Tuhan ninsila. Yaꞌ bay luu holat bi maka yaꞌ san bay katoonan bi bong soy Tuhan.

Epesus 2:19

Sangkon kaam ma saꞌ bangsa Yahudi, yaꞌ na kam jama sampi pa Tuhan. Tabeꞌ na du kam ni siga sukuꞌ na maka anak na na du kam njawom okoman na.

2 Timuti 1:15

Na ndooy ilay ni Asiya, katoonan nu na du, adak katis na mimon danganakan ta nikutan aku. Sampay ga si Pijilus ka si Helmojinis, lai na du.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

Yaꞌkub 1:1

Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”