1 Korin 9:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.

1 Korin 9:5 ပူးပေါင်းရင်းမြစ်များ

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 8:14

Pag-anu siꞌ, lay na baw palanja si Isa pa lumaꞌ si Pitel. Pag asok na, lay takita na matoa si Pitel ma danda pabāk sabap lammunan.

Malkus 1:30

Na ndooy siꞌ ni lumaꞌ da, kuwan matoa si Saymon ma danda pabāk na jaꞌ ni kabasag lammun na. Dari magti si Isa binaan saki ya.

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Lukas 6:15

si Matiyu, si Tomas, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom,

Lukas 8:20

Dari siꞌ luu bay maan si Isa, yuk na, “Tuwan, alay la nneꞌ nu ka ga danganakan nu nangge ni poan. Doman konoꞌ sila magbitsala ka kau.”

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Yahiya 2:12

Paddus meꞌ looy siꞌ, lay na baw ga si Isa palūd pa Kapelniyum ka ga nneꞌ na, ga danganakan na ma lalla sampay ga mulit na. Pag-anu siꞌ, lay doꞌ sila pahantiꞌ ndooy daka dangoy ngallaw du.

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

Suwat si Pol pa mman Baanan Sukuꞌ si Isa ndooy ni Rom 16:1

Dambuli man naa, pakila ku doꞌ ningkaam disu danda, yana danganakan tabi inawnan si Pibi. Iya ilay disu tukang nabangan baanan sukuꞌ si Isa ndooy ni Sengkariya.

1 Korin 1:12

Bbuwatan bi konoꞌ, yuk dangan, “Aku mmeꞌ ni si Pol.” Yuk disu na baw, “Bong aku, mmeꞌ ku ni si Apolos.” Yuk disu na baw, “Niyaku la, mmeꞌ ku ni si Pitel.” Kuwan kasohean baw, yuk da konoꞌ, “Ningkami la, ilooy jaꞌ bean kami Almasi.”

1 Korin 7:15

Sugaꞌ bong sawpama lla bi atawa nda bi ma yaꞌ pitsayaꞌ ni Almasi doman pasakkat, daa na kam naggaꞌ. Sugaꞌ kahandak Tuhan ina, bong luu dapat bi, pagbuli-bulihan bi miha kasalassayan ka lla bi atawa nda bi ma yaꞌ pitsayaꞌ. Kawu-kawu kaam ma pitsayaꞌ kaboo soheꞌ bi sitampu pitsayaꞌ mari ya salamat. Sugaꞌ bong tud yaꞌ na kuhi soheꞌ bi magdambuwaꞌ, malaingkan yaꞌ na kam taingkot meꞌ soheꞌ bi sitampu.

1 Korin 7:39

Na ni kapasal danda llahan, taingkot gi sina ya halloman lla na llum. Sugaꞌ sawpama lay na matoy lla na, sumunsayaꞌ na ya halla pabalik ni soysoy karomanan na basta mmeꞌ du lla na ni Papuꞌ Isa.

1 Korin 7:7

Sabana na, kainagon ku mimon kalallahan meꞌ aku du kaladjikian tanam san yaꞌ ndahan. Sugaꞌ kaniya-kaniya baw situ kitabi ka ladjikiꞌ ma bay sinukuꞌ meꞌ Tuhan ningkitabi. Kasohean kaladjikian luu soheꞌ da sitampu, kasohean kaladjikian tanam san yaꞌ luu soheꞌ da sitampu.

1 Korin 7:8

Na kuwan kaam ma yaꞌ gi bay pingkaꞌ sitampu atawa ma bawu, ituu bāꞌ ku ningkaam: Luu du sina kaayaran ningkaam bong kam meꞌ aku du yaꞌ luu soheꞌ ku sitampu.

Galatiya 1:19

Boꞌ sasang ku ilay siꞌ ndooy, yaꞌ san ku bay sitammu ka siga rasul si Isa kasohean sarī man si Yaꞌkub, yana danganakan Papuꞌ Isa.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

1 Timuti 5:2

Tuwaꞌ pa karandahan ma umuhan gi man kau, subay du hanunut-hanunut meꞌ nu naup sila. Buwatun sila meꞌ saparati nneꞌ nu. Kuwan karandahan ma sumiyali man kau, bila ko naup, buwatun du sila meꞌ saparati danganakan nu. Maka subay sutsiꞌ niyat atay nu ka sila.

Taytus 1:6

Bila ko meneꞌ pa-mmean, subay kalallahan ma yaꞌ luu sutsutan njataꞌ da. Subay disu du nda da. Maka siga anak da subay du pitsayaꞌ ni Papuꞌ Isa. Maka subay yaꞌ luu tuntut njataꞌ da bay buwat maat atawa pun yaꞌ ngasip ni induꞌ-mmaꞌ da.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.