1 Korin 9:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Maka iyakinan ku dī ku. Yaꞌ ku nganduwan napsu ku, taggahaꞌ aku gi bay noan jama bong pooy meꞌ da koleꞌ haddiya numbul satu, aku na baw ya mintu yaꞌ koleꞌ oy maka oy na.

1 Korin 9:27 ပူးပေါင်းရင်းမြစ်များ

Lukas 18:5

gam na ya tabangan ku. Botangan ku na hukuman kuntra na batan yaꞌ na tatatas ku bong danda looy sigi-sigi kasasat niyaku maku tabang.’ ”

Lukas 9:25

San ina sawpama mimon altaꞌ njawom junyaꞌ lay takoleꞌ bi, oy pus na bong tiksaꞌ du nyawa bi saumu-umu pag taabut bi ni ahirat?

Salsila siga Rasul 1:25

binuwat rasul nu man nganggantian imuwa si Judas. Batan si Judas ilay, lay na ngalabbahan pagkarasul na. Sampay lai na ya tumiluꞌ pa lugar looy ma pataꞌ niiya.”

Suwat si Pol pa mman Baanan Sukuꞌ si Isa ndooy ni Rom 8:13

Batan bong ina bean tabi napsu tabi, ilooy du takoleꞌ tabi katiksaan nyawa. Sugaꞌ bong ina timanan tabi na kalaatan tabi man tabang Rū Tuhan, malaingkan koleꞌ na kitabi kasampulnaan nyawa.

1 Korin 8:13

Sangkon bong niyaku, bong baw man danganakan ku ndusa sabap meꞌ ku bay mangan sumbalian meꞌ looy, yaꞌ na ku mangan meꞌ looy pabalik.

1 Korin 9:25

Jama lalumbaan ina, sabuli-buli na nganad baran na. Inagak meꞌ na napsu na bong pin takoleꞌ na jaꞌ haddiya numbul satu. Sugaꞌ haddiya ma tuyuan na samantalaꞌ du sina. Boꞌ ilooy ma pinagtuyuan meꞌ tabi natas saumu-umu.

2 Korin 11:27

Min meka na situ ku bay lumingkaꞌ lamma banahan hangat magtuyuꞌ kalnaꞌ Tuhan. Daran ku bay pingkaꞌ yaꞌ tuli timpus dambahangi. Kansang gi ku bay naggaan lingantu sampay tohoꞌ kallong. Daran gi ku bay kakatisan balanjaꞌ sampay natasan tanne, boꞌ kulang pamakoy gi ku.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

2 Timuti 2:22

Sangkon, san meka meꞌ pag-umuhan nu taboo-boo meꞌ napsu da buwat jinisan karupangan, bong kau, basta palawak ko man arat-tabiat meꞌ looy. Iya pakutuun, yana kaintongan, pangando ni si Isa, aseꞌ ni jama maka kasalassayan. Sagannap ma ngisbat Papuꞌ ni kasutsiꞌ atay da, ndang meꞌ naa sina angan-angan da.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

2 Pitel 2:15

Lay na sila magsiꞌ man lān intong. Lay na sila ngikut tabiat si Balaam, anak si Beyol mattoꞌ. Si Balaam ilay, ni kaehe kainagon na ni sīn, kuhi jaꞌ ya buwat kalaatan bong pin ya ndugangan jaꞌ paeka.