1 Korin 9:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Sangkon yana meꞌ jama lalumbaan mulan basag na mari kaā, aku pun pulan ku du basag ku kalnaꞌ Tuhan. Ibaratan jama panuntuk, yaꞌ ku nuntuk baliyu sadjaꞌ.

1 Korin 9:26 ပူးပေါင်းရင်းမြစ်များ

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

1 Korin 14:9

Kaam pun ina, bong kam mitsala, boꞌ saꞌ du ni pallun ma tahati, oy takoleꞌ-koleꞌ pagkahi bi? Bitsala bi ina sibuꞌ du ka baliyu pingkaꞌ jaꞌ ni tinga jama.

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

2 Korin 5:8

Sannang na pamiki tabi batan tatantu tabi mastiꞌ luu jaꞌ kaayaran ngagad kitabi. Batan katoonan tabi na, mas mahap gi kitabi sakkat ka baran tuu supaya kitabi kapagdambuwaꞌ na ka Papuꞌ Isa.

Galatiya 2:2

Ngkon ku bay pabeleng sabap ilooy kahandak Tuhan bay pinalahil niyaku. Takka ndooy, lay ku nammuhan siga pa-mmean sukuꞌ si Isa ndooy. Dari sasang kami-kami du ndooy, lay na bakka ku ninsila isi umanat mahap ma pinasaplag meꞌ ku ni kabangsa-bangsahan ma saꞌ Yahudi. Maksud ku ilay siꞌ masā bong tud magbēꞌ du umanat ku ka ninsila. Batan bong ilay bay niyaꞌ, taggahaꞌ senseng jaꞌ bay hulas-sangsāꞌ ku masaplag. Kahapan, pag bāꞌ ku ninsila isi umanat ku,

Epesus 6:12

Banta ta ina saꞌ manusiyaꞌ, arapun siga seytan ni antalaan ma moo-moo jama buwat maat. Sila ilay ngantanan kawasa-kapatut magbayaan mimon manusiyaꞌ ma masi njawom lindom ntuu ni junyaꞌ.

Pilipi 1:21

Batan bong niyaku, yaꞌ luu maksud ku llum ni junyaꞌ tuu sarī man moo kabantugan ni Almasi. Bong sawpama ku matoy, paluntungan mehe du situ niyaku sabap magti ku pilay pa mman na.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

2 Timuti 2:5

Maka ngaddoꞌ ko suntuan njataꞌ jama maglumbaꞌ sonse. Bong ina ya yaꞌ mmeꞌ ni siga aturan lumbaan, malaingkan yaꞌ luu haddiya takoleꞌ na.

2 Timuti 4:7

Sugaꞌ san situ ku matoy na, ndang-ndang lay na du ku bay magtuyuꞌ matangge kabanahan san du pooy meꞌ bay naggaꞌ aku. Ibaratan sundalu ni bonoꞌ mehe, lay na du pupusan ku basag ku ngatu. Ibaratan jama maglumbaꞌ sonse, lay na pulan ku basag ku sampay lay na taabut ku tōng lumbaan. Tud lay na silay bogbogan ku kabanahan ma kinapitsayaan meꞌ tabi.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

2 Pitel 1:10

Sangkon siga danganakan, pagbuli-bulihan bi na meꞌ bi mean bay halap ku siꞌ mari luu buktiꞌ lay na kam lliyun sampay pineneꞌ meꞌ Tuhan binuwat sukuꞌ na. Meꞌ naa ina, yaꞌ na luu masa bi kapagdusa.