1 Korin 9:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na tungbas ma awnan ku ilay siꞌ, yana kagakan takissa ku bay masampay umanat mahap ni jama yaꞌ mabayad sila. Sangkon, yaꞌ ku doman makoy kapatut ku nohoꞌ binalanjaan.

1 Korin 9:18 ပူးပေါင်းရင်းမြစ်များ

Yahiya 4:36

Dari batnaa tu, taabut na waktu siga tukang ngattom koleꞌ hasil da. Hasil da ina, yana sagannap ma taboo da koleꞌ kasampulnaan nyawa saumu-umu. Dari labba man ilooy ma bay tanom sampay ilooy ma ngattom, gāk na sila saliꞌ-saliꞌ.

Salsila siga Rasul 18:3

Dari pagka saliꞌ du sila tukang buwat lumaꞌ luna, lay na si Pol tamban ni lumaꞌ da sampay lay na ya mmeꞌ buwat ndooy.

Suwat si Pol pa mman Baanan Sukuꞌ si Isa ndooy ni Rom 14:15

Sarī gi, bong ina mbuwaꞌ danganakan ta bay ngita kita mangan lawuk ma kanna na haram, mastiꞌ lingog jaꞌ kōk na. Dari bong ya mangan sabapan ta san nulang ni honaꞌ-honaꞌ na, tumatandaꞌ yaꞌ luu aseꞌ ta niiya. Intomun bi, iya ina hagaan ni Almasi, batan atas Almasi bay nongan umu na bong pin salamat jaꞌ ya. Sangkon, yaꞌ sikatuwaꞌ bong mintu pangando danganakan ta binasa sabap meꞌ ta bay mangan lawuk yaꞌ biddaꞌ ni awpan na.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Korin 3:8

Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

1 Korin 7:31

Arapun iya subay numbul satu ningkitabi yana hāl meꞌ makutuꞌ kahandak Papuꞌ, saꞌ na hāl junyaꞌ. Batan mimon pakaradjaan njawom junyaꞌ tuu, song lungay jaꞌ du sina.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

1 Korin 9:12

Bong pataꞌ guru bi ilooy kasohean binalanjaan meꞌ bi, labi na kami. Sugaꞌ kami baw tu, san sakayi, yaꞌ du kami bay maku hasil san luu kapatut kami. Gam pin lay jaꞌ kami natasan katiksaan ngusahān dī kami bay jaman kami nnaa noan kaam. Ilooy ilagan kami taggahaꞌ luu gi kasanggalang ningkaam pitsayaꞌ ni umanat mahap pasal Almasi.

1 Korin 9:15

Sugaꞌ san meꞌ looy, yaꞌ du ku bay makoy kapatut ku nohoꞌ ginastusan ningkaam. Boꞌ na, yaꞌ du situ luu maksud ku njawom suwat tuu nagid-nagid kaam supaya ku kabuwanan. Gam na ku matoy kabobowan, basta yaꞌ baw situ ku maku hasil ningkaam. Batan inaa kabantugan ma yaꞌ ku doman maglumba njawom atay ku.

1 Korin 9:17

Na bong itu ku masaplag ni gasad bayaꞌ ku, malaingkan luu tungbas man Tuhan niyaku. Sugaꞌ bong itu saꞌ ni gasad bayaꞌ ku, talpaksaꞌ du ku masi masaplag sabap inaa pabuwatan bay hinalap meꞌ Tuhan niyaku.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

1 Tesaloneka 2:6

Maka yaꞌ du kami bay muhung subay na pin pinaehe meꞌ bi atawa pinaehe meꞌ jama sarī.