1 Korin 9:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Bong pataꞌ guru bi ilooy kasohean binalanjaan meꞌ bi, labi na kami. Sugaꞌ kami baw tu, san sakayi, yaꞌ du kami bay maku hasil san luu kapatut kami. Gam pin lay jaꞌ kami natasan katiksaan ngusahān dī kami bay jaman kami nnaa noan kaam. Ilooy ilagan kami taggahaꞌ luu gi kasanggalang ningkaam pitsayaꞌ ni umanat mahap pasal Almasi.

1 Korin 9:12 ပူးပေါင်းရင်းမြစ်များ

Panagnaan 24:56

Sugaꞌ iya tampung lalla looy, “Bong siꞌ kadarihan ningkaam, daa na kami lantanun bi ntuu. Ndang-ndang, Tuhan na du bay nampulnaꞌ maksud ku pitu. Tugutan bi na kami moleꞌ pa mman tuwan ku.”

Lukas 11:52

“Siya-siya sina kam siga guru saraꞌ agama! Batan wā kam kasanggalang ni jama ma doman toon kabanahan pasal Tuhan. Yaꞌ gi kam kuhi nūs lān man bi tabeꞌ ni pamarinta Tuhan, gam pin sinaggaꞌ gi meꞌ bi jama ma doman tabeꞌ.”

Salsila siga Rasul 18:3

Dari pagka saliꞌ du sila tukang buwat lumaꞌ luna, lay na si Pol tamban ni lumaꞌ da sampay lay na ya mmeꞌ buwat ndooy.

Suwat si Pol pa mman Baanan Sukuꞌ si Isa ndooy ni Rom 15:22

Na sabapan pabuwatan ku masaplag, inaa sina kon ku yaꞌ gi bay kapilu ngandaꞌ-ngandaꞌ kaam.

1 Korin 13:7

Bong jama maaseꞌ, tatasan na jaꞌ sina salla arat pagkahi na manusiyaꞌ. Maka tattap jaꞌ pangando na ka holat na. San gi oy katuwaꞌ niiya, natas na jaꞌ ya.

1 Korin 6:7

Baan ta kam banahan, bila kam sipalkalaꞌ-palkalaꞌ, tarang-tarang lay na sina kam takoleꞌ meꞌ sasat Ibilis. Sangkon, bong pagkahi bi buwat maat ningkaam atawa ngalupig kaam, pabiyahun bi sadjaꞌ. Gam na kam kuhi llupig.

1 Korin 9:14

Boꞌ sikatuwaꞌ du silay ka tōꞌ Papuꞌ Isa. Batan ndang bay ya māꞌ sagannap ma masaplag umanat mahap subay koleꞌ gastus man da llum man jama ma pitsayaꞌ ni umanat da.

1 Korin 9:15

Sugaꞌ san meꞌ looy, yaꞌ du ku bay makoy kapatut ku nohoꞌ ginastusan ningkaam. Boꞌ na, yaꞌ du situ luu maksud ku njawom suwat tuu nagid-nagid kaam supaya ku kabuwanan. Gam na ku matoy kabobowan, basta yaꞌ baw situ ku maku hasil ningkaam. Batan inaa kabantugan ma yaꞌ ku doman maglumba njawom atay ku.

1 Korin 9:16

Bong ni hāl meꞌ ku masaplag umanat mahap, yaꞌ du ku tu kabantug dī ku sabap inaa pabuwatan bay hinalap meꞌ Tuhan niyaku. Bong baw tu yaꞌ pabuwat ku, malaingkan tud mehe sasso ku bbos-bbos.

1 Korin 9:18

Na tungbas ma awnan ku ilay siꞌ, yana kagakan takissa ku bay masampay umanat mahap ni jama yaꞌ mabayad sila. Sangkon, yaꞌ ku doman makoy kapatut ku nohoꞌ binalanjaan.

1 Korin 9:2

Na san kasohean yaꞌ mangaku aku disu rasul si Isa, bong baw ina kaam nnaa ni Korin, basta yaꞌ baw sina luu dapat bi maylu. Njataꞌ bi na sina buktiꞌ mehe aku rasul Papuꞌ Isa batan yaꞌ kam bay dari sukuꞌ na bong saꞌ bay man sabapan ku.

2 Korin 11:12

Boꞌ darahan ku gi situ meꞌ ku yaꞌ maku hasil ningkaam. Meꞌ looy ilay, sagannap ma mangaku rasul si Isa nnaa yaꞌ luu dapat da ngabbu saula-ula sibuꞌ du pabuwatan da ka kami.

2 Korin 11:20

Ndaꞌ ku, san kam binuwat meꞌ kasohean nnaa subay ga ata da sampay kinugut lagi, kuhi-kuhi jaꞌ kam. San sila ngandakag ka malangkaw dī da, sampay nampa luwa bi lagi, sinaggaan na sadjaꞌ meꞌ bi.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

2 Korin 6:3

Sangkon kami itu, sabuli-buli kami ngilagan oy-oy kawul-piil gantaꞌ man kami tasahawi. Ilooy ilagan kami taggahaꞌ luu gi sabapan man jama nuwak umanat kasalamatan ma pinasaplag meꞌ kami.