1 Korin 9:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Kamasaꞌ, meꞌ aku tu disu jama ma mmeꞌ na ni Almasi, sumunsayaꞌ jaꞌ situ ku mangan oy-oy karomanan ku. Ndang tahati ku hāl meꞌ tuu batan aku disu rasul Almasi. Tandaꞌ aku rasul sabanna, mata ku mismu ma duwa bay ngita iya bay nammuhan aku. Sarī gi, danan bi lay na dari sukuꞌ Almasi sabapan sangsāꞌ ku du.

1 Korin 9:1 ပူးပေါင်းရင်းမြစ်များ

Salsila siga Rasul 13:2

Na luu disu llaw, sasang da numba Tuhan sampay puwasa, yuk Rū Sutsiꞌ ninsila, “Pasarihun bi niyaku si Balnabas ka si Sol. Luu situ pabuwatan sukuꞌ ku ninsila.”

Salsila siga Rasul 14:14

Sugaꞌ pag tasayu ga si Balnabas ka si Pol meꞌ looy maksud da, magti du sila nganggeret badjuꞌ da mismu tandaꞌ da yaꞌ kasulutan. Pag-anu, boꞌ da sonse pa jawom baanan jama ndooy sambayan da ngahowap, yuk da,

Salsila siga Rasul 14:4

Sugaꞌ ga jama ndooy ni Ikoniyum magsulemaꞌ pamiki. Kasohean mmeꞌ ni siga Yahudi ma yaꞌ pitsayaꞌ, kuwan kasohean, mmeꞌ ni ga si Pol.

Salsila siga Rasul 23:11

Na pag sangom, luu na baw Papuꞌ Isa nammuhan si Pol, nangge ni bihing na. Yuk Papuꞌ niiya, “Pahallotun na pin ba tawakka nu. Yana meꞌ nu bay masaplag kabanahan pasal aku ntuu ni Jerusalem, subay du meꞌ naa meꞌ nu buwat pag mintu ndooy ni Rom.”

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Salsila siga Rasul 9:17

Pus meꞌ looy, lay na pilay si Ananiyas pa lumaꞌ mman si Sol. Pag asok na, tinappak na meꞌ na bumbunan si Sol sambayan na halling, “Sol, mbuwaꞌ danganakan, aku itu pitu man panohoan Papuꞌ Isa ma bay patammu ningkau lān nu bay song pitu. Kon ku itu bay sinohoꞌ pitu supaya ngita na ko pabalik sampay inassob na meꞌ Rū Sutsiꞌ.”

Salsila siga Rasul 9:3

Lay jaꞌ siꞌ ya koleꞌ katarangan looy, lay na ya lakka man Jerusalem ka ga soheꞌ na song pilay pa Damaskus. Tapit jaꞌ siꞌ sila pa daira looy, sarunduun du si Sol liput meꞌ sinag man taꞌ langit

Salsila siga Rasul 9:5

Tampung si Sol, “Tuwan, soy ina siꞌ ko?” Yuk suwara looy, “Aku na situ si Isa ma pinaglaugan meꞌ nu.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 11:13

Na kaam ina ma saꞌ bangsa Yahudi, katoonan bi du sina, lay ku pineneꞌ meꞌ Tuhan binuwat disu rasul si Isa nohoꞌ masaplag umanat mahap ningkaam. Dari man sabapan sangsāꞌ ku, meka na supaat man Tuhan lay na takoleꞌ bi. Boꞌ wā situ ku nuntutan siga pagkahi ku Yahudi pasal pabuwatan ku ningkaam.

1 Korin 1:1

Ituu itu aku, yana si Pol, bay pineneꞌ leꞌ Tuhan binuwat disu rasul si Isa Almasi. Itu suwat kami ka danganakan tabi si Sostinis

1 Korin 10:29

Dari san yaꞌ nulang ni honaꞌ-honaꞌ ta mangan lawuk meꞌ looy, bong tabista ta kalingog ni pamiki pagkahi ta, subay kita yaꞌ mangan. Na adakala yuk kasohean, “Ongoy subay na pin ku naggaan dawom ku mangan sukat kanna soheꞌ ku maat niyaku mangan? Ndang-ndang, sumunsayaꞌ du ku njawman Almasi.

1 Korin 10:30

Bong ina lawuk ndang lay na pagsukuhan ku pa Tuhan, mastiꞌ yaꞌ du luu laat ku ni bandingan Tuhan bong kakan ku. Sangkon batōy ku bong jama mista dari dusa niyaku bong ku mangan?”

1 Korin 11:16

Na bong luu doman nganjawap aku pasal tōꞌ tuu, subay tabista da ndang ituu tabiat pinag-ikut meꞌ kami sampay na mimon baanan sukuꞌ Tuhan nnoy-nnoy jaꞌ.

1 Korin 3:6

Pabuwatan kami itu, bong ndalil pa huma, aku meꞌ sapantun disu tindog bay sinukuan naburan bani. Kuwan si Apolos, meꞌ sapantun bay sinukuan nataꞌ. Sugaꞌ mastiꞌ isu-isu Tuhan du masulig.

1 Korin 9:19

Dari meꞌ tuu situ kahalan ku: San ku saꞌ ata soy maka soy na, lay gi ku buwat dī ku subay ga ata sikamimon bangsa. Atas ku buwat meꞌ tuu kawu-kawu paeka na pin jama taboo ku mmeꞌ ni Papuꞌ Isa.

2 Korin 10:7

Kaam ina kasohean, meꞌ bi manding jama, mindoga jaꞌ kam ni hāl ma takita bi ni poan, boꞌ niyat njawom atay, niyaꞌ san paruli bi. Baꞌ-bāꞌ kasohean nnaa, sila du bay binuwanan kapatut meꞌ Almasi binuwat sosohoan na. Sugaꞌ subay siꞌ tabista da, bong sila sosohoan Almasi, kami pun iyadu.

2 Korin 11:5

Sugaꞌ bistahan ku, san gi soy guru bi nnaa ma kanna bi rasul si Isa ninggi taꞌ mimon rasul, basta yaꞌ baw tu ku tamban leꞌ da.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 1:1

Ituu itu aku, yana si Pol, disu rasul si Isa Almasi. Itu suwat ku pa mman bi siga baanan sukuꞌ si Isa nnaa ni sikaliput Galatiya. Ni kapasal pagkarasul ku itu, saꞌ manusiyaꞌ bay nguwakilan aku nohoꞌ masaplag. Ilooy ya bay nguwakilan aku yana si Isa Almasi mismu ka Mmaꞌ tabi Tuhan ma bay makallum iya pabalik. Duhuꞌ-duhuꞌ bitsala ku, salam duwaa ningkaam man kami ka mimon soheꞌ ku ntuu ma pitsayaꞌ ni si Isa.

Galatiya 5:1

Na siga danganakan, kon ilay Almasi bay maddusan kitabi man jawom sakup saraꞌ supaya kitabi sumunsayaꞌ na. Sangkon amay-amay daa na kam kuhi pinahata meꞌ saraꞌ pabalik. Takkoan bi na kasumunsayaan bi.

1 Tesaloneka 2:6

Maka yaꞌ du kami bay muhung subay na pin pinaehe meꞌ bi atawa pinaehe meꞌ jama sarī.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

2 Timuti 1:11

Kuwan aku, lay na ku peneꞌ Tuhan binuwat disu rasul ka guru supaya tapasaplag ku umanat mahap.