1 Korin 8:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

1 Korin 8:9 ပူးပေါင်းရင်းမြစ်များ

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Suwat si Pol pa mman Baanan Sukuꞌ si Isa ndooy ni Rom 15:1

Na kitabi itu ma basag pangando tabi, sapatut na, subay takissa tabi parasahan siga danganakan tabi ma kulang pangahati, ma yaꞌ gi basag pangando da. Maka subay sila pinasensiya meꞌ tabi ni kasaan pamiki da. Daa subay na pin kahandak tabi jaꞌ duwan tabi.

1 Korin 10:24

Sangkon, oy-oy pabuwat ta, pamikihan ta doꞌ duhuꞌ bong kasampulnaꞌ ni pagkahi ta atawa niyaꞌ. Daa isu-isu pabuwat ta ma karomanan ta sadjaꞌ.

1 Korin 10:28

Sugaꞌ bong baw luu pagkahi bi ndooy, boꞌ yuk na, “Lawuk tuu bay pingkaꞌ sinongan pa tuhan-tuhan,” daa na kam mangan kalnaꞌ iya, taggahaꞌ lingog na baw pamiki na bong ya ngita kaam mangan.

1 Korin 10:29

Dari san yaꞌ nulang ni honaꞌ-honaꞌ ta mangan lawuk meꞌ looy, bong tabista ta kalingog ni pamiki pagkahi ta, subay kita yaꞌ mangan. Na adakala yuk kasohean, “Ongoy subay na pin ku naggaan dawom ku mangan sukat kanna soheꞌ ku maat niyaku mangan? Ndang-ndang, sumunsayaꞌ du ku njawman Almasi.

1 Korin 10:32

Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.

1 Korin 8:10

Sangkon kaam ma luu na pangahati bi, bong kam bay kinaddoꞌ mmeꞌ mangan ni lumaꞌ man jama numba siga tuhan-tuhan, ilagan bi dī bi. Bong ina kam bay takita meꞌ disu danganakan bi ma kulang pangahati mangan lawuk ma bay sinongan pa tuhan-tuhan, adakala lay na baw ya mintu ngakig san nulang ni honaꞌ-honaꞌ na.

1 Korin 8:12

Sangkon subay tasayu bi, bong ina kaam poonan danganakan bi ma kulang pangahati buwat ilooy ma kanna na tagga pa Tuhan, saꞌ silay sat danganakan bi man bi ndusa, arapun sampay ni Almasi.

1 Korin 9:22

Maka bila ku njawom siga sukuꞌ si Isa ma kulang gi pangahati da pasal kasumunsayaan da njawman si Isa, pabiya ku na doꞌ kasumunsayaan ku bong pin pakale jaꞌ sila ni bitsala ku. Dari meꞌ halling sambat ku na siꞌ, san gi oy ntan jama atawa bangsa da, atas ku mmeꞌ meꞌ uwahan da bong pin luu jaꞌ taboo ku pa jawom kasalamatan.

2 Korin 11:21

Bong bay aku meꞌ sila, tud iyaꞌ ku. Tud yaꞌ ku kasogsog buwat kaam meꞌ naa. Dari pagka ndang tigiꞌ du kam pakale ni jama nnaa ma bahani ngabbu, akig ku na doꞌ sila magdupang-dupang mitsala. Yaꞌ baw sina luu tapag-abbu meꞌ da ma yaꞌ tapag-abbu meꞌ ku.

2 Korin 11:29

Bong luu danganakan tabi yaꞌ basag pangando na ni si Isa, tud susa ku. Damikiyan, bong luu taboo magsiꞌ, paddi du pamiki ku.

2 Korin 6:3

Sangkon kami itu, sabuli-buli kami ngilagan oy-oy kawul-piil gantaꞌ man kami tasahawi. Ilooy ilagan kami taggahaꞌ luu gi sabapan man jama nuwak umanat kasalamatan ma pinasaplag meꞌ kami.

Galatiya 5:13

Kaam ina siga danganakan, lay na kam lliyun meꞌ Tuhan pa jawom okoman na supaya kam paddus na man jawom sakup saraꞌ. Sugaꞌ amay-amay daa pakoyun bi kasumunsayaan bi bilang daawa man nganduwan napsu bi. Arapun pakutuun bi na meꞌ bi sikaaseꞌ-kaaseꞌ sampay sitabang-tabang.

Kolossa 2:8

Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

1 Pitel 2:16

Kaam ina, lay na kam pinaddusan man mulkaꞌ Tuhan. Sugaꞌ daa jaꞌ buwatun bi kasumunsayaan bi subay ga katarangan man bi buwat kalaatan. Gam pin, bogbogan bi arat-tabiat ma ndang hinolat ni siga ata Tuhan.

2 Pitel 2:19

Baꞌ-bāꞌ ga guru meꞌ looy, bong sila binean, nammu konoꞌ kita kasumunsayaan buwat oy-oy karomanan ta. Mingkan, sila na mismu yaꞌ sumunsayaꞌ sabap takawum sila meꞌ napsu da ni kalaatan ma makaat sila. Yaꞌ tasayu da, oy-oy ina napsu ma yaꞌ agak ta, inaa na baw magbayaan kita subay ga papuꞌ ta.

Siga Pakaradjaan bay Pinalahil 2:14

Sugaꞌ luu gi du baw ina man ku kasallahan ningkaam. Kasohean kam nnaa, bbuwatan bi ngikut akka si Balaam mattoꞌ ma bay magpandoyan Sultan Balak bong pooy meꞌ na magsian bangsa Israil. Sabapan palbiatan si Balaam, lay na ga bay taboo-boo siga sukuꞌ Tuhan mangan sumbalian ma bay pingkaꞌ sinongan pa siga tuhan-tuhan, boꞌ lay gi sila taboo-boo magjina.