1 Korin 8:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

1 Korin 8:6 ပူးပေါင်းရင်းမြစ်များ

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Yahiya 1:10

Sūꞌ looy ilay yana Palman man Tuhan bay mapayak junyaꞌ. Salla na, san ya bay pitu pa junyaꞌ, yaꞌ san tasayu jama bong soy ya.

Yahiya 1:3

Boꞌ Palman ilay, iya na man bay mapayak mimon-mimon. Niyaꞌ gi silay luu oy maka oy na bong saꞌ Palman man bay mapayak.

Yahiya 10:30

Kami tu ka Mmaꞌ ku tibuuk.”

Yahiya 13:13

Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Salsila siga Rasul 17:28

Batan sabapan na, luu na kitabi, maka llum na kitabi sampay kapausik na kitabi. Meꞌ halling sambat kasohean pagkahi bi ma alistu ngandalil, ‘Mimon kitabi manusiyaꞌ yana anak Tuhan.’

Salsila siga Rasul 2:36

“Sangkon,” yuk si Pitel, “subay katoonan bi na sampay mimon pagkahi tabi bangsa Israil, inawnan si Isa ma bay lansang bi taꞌ tehang, iya na silay bay pineneꞌ meꞌ Tuhan binuwat Papuꞌ tabi ka Tukang Nalamat tabi.”

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Suwat si Pol pa mman Baanan Sukuꞌ si Isa ndooy ni Rom 11:36

Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

1 Korin 1:2

pa mman bi ma pitsayaꞌ ni si Isa nnaa ni Korin. Kaam ina, lay na lliyun meꞌ Tuhan pa jawom okoman na sampay lay na sinutsiꞌ sabapan pagkatibuuk bi ka si Isa Almasi. Dari lay na kam dari sukuꞌ Tuhan tabeꞌ ni sikamimon jama nnoy-nnoy lahat ma ngisbat si Isa Almasi, yana Papuꞌ da sampay na ningkitabi labbasakayi.

1 Korin 12:3

Dari meꞌ tuu meꞌ bi mindoga bong guru pataꞌ binean atawa niyaꞌ. Soysoy ina malaat Papuꞌ Isa, malaingkan bitsala na yaꞌ lakka man Rū Sutsiꞌ. Sugaꞌ soysoy ina māꞌ si Isa yana Papuꞌ, malaingkan pinagmundaan ya meꞌ Rū Sutsiꞌ.

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 8:4

Na balik ta pa hāl sumbalian ma bay sinongan meꞌ kapil pa tuhan-tuhan da, katoonan tabi na du dari du kinakan. Batan bong kinawnan siga tuhan-tuhan, yaꞌ du luu tahal-hāl da batan yaꞌ san llum. Boꞌ na, katoonan tabi du disu du Tuhan, yaꞌ luu sarī.

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.

Epesus 3:14

Bila tapanambung ku na mimon supaat ma lay na takoleꞌ bi sabapan Almasi, magti ku doman sujud pa Tuhan maku duwaa niiya. Iya ina Mmaꞌ

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.